Morgunblaðið - 24.09.1987, Blaðsíða 41

MORGUNBLAÐIÐ, FIMMTUDAGUR 24. SEPTEMBER 1987
41
íbúar Mosfellsbæjar efna til fjöldagöngu og útifundar:
Hvetja tíl aukinnar
varúðar í umferðinni
FÉLAGASAMTÖK í Mosfellsbæ
og báðir skólar bæjarins efna á
sunnudag til fjöldagöngu og úti-
fundar í því skyni að hvetja
vegfarendur til aukinnar varúð-
ar í umferðinni. Lagt verður af
stað klukkan 16 og ætla íbúarnir
að loka Vesturlandsvegi um bæ-
inn meðan á aðgerðunum stend-
ur. Eru það tilmæli lögreglu til
vegfarenda að þeir aki Ulfars-
fellsveg og Hafravatnsveg um
Alafoss milli klukkan 16.00 og
16.30.
Gengið verður frá tveimur
stöðum samtímis, annars vegar frá
mótum Vesturlandsvegar og
Hlíðartúns og hins vegar frá mótum
Vesturlandsvegar og Þingvallaveg-
ar. Gengið verður að Hlégarði þar
sem haldinn verður stuttur útifund-
ur. Þar verður lesin upp til sam-
þykktar ályktun sem afhent verður
samgönguráðherra eða þingmönn-
um Reykjanesskjördæmis sem
öllum hefur verið boðið að taka
þátt í göngunni
A fundi með undirbúningsnefnd
kom fram að gífurlega mikil og
hröð umferð er um Vesturlandsveg
sem segja má að skipti Mosfellsbæ
í tvennt. Allar verslanir og þjón-
ustumiðstöðvar bæjarins liggja
vestan vegarins en fjölmenn byggð
er einnig austan hans og þurfa því
íbúar, böm sem fullorðnir, að fara
yfír þessa miklu umferðaræð til að
sinna daglegum erindum. Einnig
vilja Mosfellingar vekja athygli á
miklum ökuhraða á Þingvallavegi í
Mosfellsdal. Að sögn undirbúnings-
nefndarinnar eru flestir Mosfelling-
ar sammála um að úrbætur þoli
enga bið og lýsa stuðningi við
margítrekaðar tillögur bæjarstjóm-
ar til viðkomandi yfírvalda um að
þegar verði hafíst handa við að
auka öryggi og bæta umferðar-
menningu á þessum slóðum
Þess má geta að þrjú banaslys
hafa orðið í umferðinni í Mosfellsbæ
síðustu tvo mánuði.
Morgunblaðið/Börkur
Undirbúningsnefnd göngunnar með Vesturlandsveginn í baksýn,
talið frá vinstri: séra Birgir Asgeirsson, Ragnar Björnsson og Birg-
ir Sveinsson
Gatnamót Vesturlandsvegar og Þverholts. Ein af hugmyndum undir-
búningsnefndarinnar er að þarna verði sett upp umferðarljós til að
draga úr umferðarhraðanum.
Starfsár Sinfóníuhljómsveitarinnar hafið:
Morgunblaðið/RAX
Frá blaðamannafundinum í gær. Kristbjörn Árnason, formaður FSH
er fremst á myndinni.
Ekki enn boðað til fundar í deilu FSH
og vinnuveitenda:
Tilboð FSH veld-
ur ekki almennri
launahækkun
- segjatalsmennfélagsins
EKKI hefur verið boðað til
samningafundar hjá ríkissátta-
semjara með Félagi starfsfólks
í húsgagnaiðnaði og viðsemj-
endum þeirra eftir að upp úr
viðræðum um fastlaunasamn-
ing slitnaði aðfararnótt þriðju-
dagsins. í gær boðaði félagið
til blaðamannafundar, þar sem
staða mála var skýrð og fullyrð-
ingum Vinnuveitendasambands
íslands um ástæður slita við-
ræðnanna mótmælt. FSH hefur
nú verið í verkfalli frá því á
þriðjudaginn fyrir viku síðan,
15. september.
Á fundinum kom fram að félag-
ið hefði komið verulega til móts
við tillögur VSÍ með gagntilboði
sínu aðfaramótt þriðjudagsins, en
vinnuveitendur ekki fengist til
þess að ræða það, þar sem þeir
slitu strax fundi. Tillaga FSH
væri í fullu samræmi við niður-
stöður könnunar Kjararannsókna-
nefndar á launakjörum í greininni
í mars síðastliðnum, en síðan þá
hefði verið umtalsvert launaskrið.
Samkvæmt könnuninni væru
raunlaun í greininni frá 229 krón-
um á klukkustund og 20% félags-
manna væru með yfír 369 krónur
á klukkustund. Tilboð FSH um
launataxta endurspeglaði laun
60% félagsmanna, þannig að
neðstu og efstu 20% raunlauna
væru tekin burt. Væri þessi aðferð
í fullu samræmi við tillögur VSÍ
og myndi ekki valda almennri
launahækkun hjá fyrirtækjum í
greininni. Fullyrðingar VSÍ þar að
lútandi væru því algerlega úr lausu
lofti gripnar.
Ennfremur kom fram á fundin-
um að einungis 18 félagsmenn
fengju greiddan tímamældan bón-
us. Bónusgreiðslur í greininni væri
því mestan part dulbúnar yfír-
greiðslur og því ætti að taka tiilit
til bónusgreiðslna við ákvörðun
raunlauna. FSH hefði ekki farið
fram á að bónuslaun færu inn í
tímalaun, heldur einungis yfir-
greiðslur. Bónus ætti síðan að
semja um í fyrirtækjunum með
aðild félagsins.
Þá kom fram að VSÍ hefði ekki
viljað fallast á gerð fastlauna-
samnings nema gerður yrði
kjarasamningur til ársloka 1988.
Því hefði félagið sett fram kröfur
varðandi kjarasamning næsta árs,
sem ekki ættu erindi inn í fast-
launasamning og talsmenn VSI
blönduðu þessum tveimur ólíku
hlutum saman._
Kristbjöm Ámason, formaður
félagsins, sagði að félagið vildi
færa taxtalaun að raunverulega
greiddum launum, en VSÍ virtist
ekki hafa áhuga á að gera fast-
launasamning, þó margir arvinnu-
rekendur í greininni væru fúsir til
þess. „Þeir vilja búa til ónýta
launataxta og yfírborga svo þá
menn sem þeir vilja. Þessi aðferð
hefur þjónað þeim vel á undanf-
ömum ámm og verkalýðshreyf-
ingin hefur þurft að búa við þetta,“
sagði Kristbjöm. Hann sagði að
það væri vandi félagsins að VSÍ
virtist óttast að gerð fastlauna-
samnings hefði áhrif á samninga
á næsta ári. Það hefði því gert
þessa deilu að stórpólitísku máli,
þó félagið vildi það eitt að laga
launin innan fámennrar stéttar.
Áhersla lögð á ný íslensk tón-
verk og unga íslenska einleikara
varpið og farið í heimsóknir á
sjúkrahús og dvalarheimili í
Reykjavík og nágrenni. Á nýju
ári fer hljómsveitin í tónleikaferð
um nærsveitir höfuðborgarinnar,
m.a. til Akraness. Suðurland verð-
ur heimsótt nokkru síðar.
Síðustu áskriftartónleikar vetr-
arins verða 12. maí en þann 19.
maí leikur hljómsveitin á einleik-
araprófstónleikum Tónlistarskól-
ans í Reykjavík. Að því loknu
hefjast æfíngar fyrir Listahátíð,
sem haldin verður næsta sumar.
Dagskrá starfsársins er að
venju fjölbreytt, enda reynir verk-
efnavalsnefnd að velja eitthvað
við hæfi allra. í vetur verður þó
lögð nokkur áhersla á íslenska
tónlist og íslenska einleikara.
Flutt verða fimm ný íslensk tón-
verk eftir fjóra höfunda og fjöldi
ungra og efnilegra íslenskra tón-
listarmanna munu flytja einleiks-
verk með hljómsveitinni.
Tónskáldin sem fá verk sín frum-
flutt í vetur eru Mist Þorkels-
dóttir, Áskell Másson, Hafliði
Hallgrímsson og Jónas Tómasson.
íslensku einleikaramir eru Guðni
Franzson, Pétur Jónasson, Hall-
dór Haraldsson, Gísli Magnússon,
Anna Guðný Guðmundsóttir.
Meðal frægra stórsöngvara, sem
með hljómsveitinni syngja í vetur
má nefna Paata Burchjuladze og
Elisabet Söderström. Enginn að-
alstjómandi er með hljómsveitinni
í vetur, en gengið hefur verið frá
ráðningu Finnans Petri Sakari
fyrir starfs-árið 1988-89.
STARFSÁR Sinfóniuhljómsveitar íslands er hafið og kynntu
forsvarsmenn hljómsveitarinnar starfsáætlun sveitarinnar vetur-
inn 1987-1988 á fundi s.l. þriðjudag. Sextán áskriftartónleikar
verða haldnir á þessu starfsári og þrír utan áskriftar. Margt
annað er á döfinni hjá hljómsveitinni að þessu sinni.
Starfsár hljómsveitarinnar
hófst í byijun september með tón-
leikaferð til Grænlands, þar sem
hljómsveitin lék við opnun Norr-
ænu menningarmiðstöðvarinnar í
Nuuk. Því næst lék hljómsveitin
á tónleikum Ung Nordisk Musik
hér á landi dagana 14.-18. sept-
ember. Kynningarkvöld verður
síðan haldið í kvöld, 24. septem-
ber, og verður því sjónvarpað í
ríkissjónvarpinu sunnudaginn 27.
september.
í októbermánuði hefjast
áskriftartónleikar. Auk þeirra
verður farið í tónleikaferð um
Norðurland 5.-9. október og síðar
í mánuðinum verður farið um
Suðumes. í nóvember og desem-
ber verða skólar heimsóttir,
hljóðritanir gerðar fyrir Ríkisút-
Morgunbladið/Bjami
Forsvarsmenn Sinfóníuhljómsveitarinnar kynna vetrardagskrá hljómsveitarinnar, talið frá vinstri
Gunnar Egilson, skrifstofustjóri, Sigurður Bjömsson, framkvæmdastjóri, Ólafur B. Thors formað-
ur stjórnar og Rafn Jónsson kynningarfulltrúi.