Morgunblaðið - 12.03.1991, Page 42
42
MORGUNBLAÐIÐ ÞRIÐJUDAGUR 12. MARZ 1991
29. landsfundur Sjálfstæðisflokksins:
Kosningayfirlýsing Sjálfstæðisflokksins:
Frelsi og mannúð
Hér birtist í heild stjórnmálaályktun 29. landsfundar Sjálfstæðis-
flokksins, en hún er jafnframt kosningayfirlýsing flokksins vegna
þingkosninganna 20. apríl nk.:
I
Sjálfstæðisflokkurinn leggur
áherslu á, að sjálfstæðisstefnan
byggist á mannúðlegum sjónar-
miðum, freisi einstaklingsins, lýð-
ræðislegum stjórnarháttum, virð-
ingu fyrir gæðum jarðar og krist-
inni trú og siðgæði. Frelsi og sjálf-
stæði íslendinga er best tryggt
með því að þessi stefna sé höfð
að leiðarljósi. Dugnað og þekkingu
þjóðarinnar þarf að virkja sem
best og gefa öllum tækifæri til að
veita kröftum sínum viðnám í sam-
ræmi við hæfileika og getu.
Standa ber vörð um tungu, bók-
menntir og annan íslenskan menn-
ingararf. Sótt skal fram til afreka
'**’ á sviði menntunar, lista, vísinda
og alhiiða verkmenningar. Hlut-
verk ríkisvaldsins er að skapa al-
menn skilyrði fyrir blómstrandi
mannlífi í friði og öryggi.
Sjálfstæðisstefnan er andstæða
sósíalisma og kommúnisma, sem
eru á undanhaldi um víða veröld.
Nýftjáls ríki í Mið- og Austur-Evr-
ópu sækja nú frá marxisma til
lýðræðis og frelsis. Um leið og
hruni kommúnismans í þessum
löndum er fagnað lýsir Sjálfstæð-
'isflokkurinn eindregnum stuðningi
við sjálfstæðisbaráttu Eystrasalts-
ríkjanna og hvetur til þess að ís-
lenska ríkið sýni þennan stuðning
í verki.
Ófriðarbál hefur logað við
Persaflóa síðan einræðisseggurinn
Saddam Hussein hóf stríð þar með
innrás í Kúveit. Ofbeldið sem þar
var sýnt staðfestir enn, hve mikil-
vægt er fyrir smáríki að tryggja
öryggi sitt með samvinnu við frið-
sama nágranna. Islendingar hafa
gert það með aðild að Atlantshafs-
bandalaginu og varnarsamningi
við Bandaríkin. Óryggishagsmunir
íslands eru best tryggðir með því
-að lýðræðisríkin beggja vegna
Atlantshafs haldi áfram varnar-
samstarfi sínu.
A hinum örlagaríku tímum sem
nú eru í heimsmálum skiptir miklu
að takist að skapa víðtæka sam-
stöðu með þjóðinni um úrlausn
brýnna verkefna á öllum sviðum
pg ekki síst þeim er lúta að stöðu
Islendinga í samfélagi þjóðanna.
Þar ber nú hæst stóraukna sam-
vinnu ríkja Vestur-Evrópu innan
Evrópubandalagsins. íslendingar
hljóta að tengjast þeirri þróun og
gera það nú þegar í samningavið-
ræðum um evrópskt efnahags-
svæði. Sjálfstæðisflokkurinn vill
_ að þannig verði staðið að þessum
samningum að þjóðin haldi sjálf-
stæði sínu og óskoruðum yfirráð-
um yfir aúðlindum til lands og
sjávar.
íslendingar eiga að leggja sitt
af mörkum til að tryggja heims-
frið, aðstoða þá sem minna mega
sín í samfélagi þjóðanna og berj-
ast gegn aiþjóðlegri mengun lofts,
láðs og lagar. í þessu tilliti hafa
fjarlægðir orðið að engu og enginn
fær -skorast undan ábyrgð.
Stjómmálamarkmið lokaára
.tuttugustu aldarinnar eru skýr:
að íslenska þjóðin búi við góð lífs-
kjör og öryggi í vinsamlegu og
nánu samstarfi við nágranna sína.
Sjálfstæðisstefnan hefur þróast
og þroskast í rúm sextíu ár. Sagan
sýnir að hún hefur dugað þjóðinni
best þegar tekist er á við mikilvæg
og viðkvæm úrlausnarefni heima
fyrir og gagnvart öðrum þjóðum.
Sjálfstæðisflokkurinn býður sig
enn á ný fram til þjónustu fyrir
land og þjóð.
II
Sjálfstæðisflokkurinn býður
skýran kost í íslenskum stjórnmál-
um. Reynslan af meirihlutastjórn
flokksins í borgarstjórn Reykjavík-
ur og öðrum bæjarfélögum þar
sem hann hefur hreinan meirihluta
blasir við öllum landsmönnum.
Hún er allt önnur en reynslan af
glundroða-ríkisstjórn vinstri flokk-
anna sem nú starfar undir forystu
Framsóknarflokksins. Það er yfír-
lýst markmið forystumanna fram-
sóknarflokks og Alþýðubandalags
að halda Sjálfstæðisflokknum utan
ríkisstjórnar hafi þeir til þess mátt
að kosningum loknum og enginn
þarf að efast um vilja forystu-
manna Alþýðuflokksins til að
leggja sitt af mörkum í því efni.
Aðeins með öflugum stuðningi við
Sjálfstæðisflokkinn geta kjósend-
ur hindrað. myndun nýrrar vinstri
stjórnar.
í tíð ríkisstjórnar Steingríms
Hermannssonar hefur siðgæði í
stjórnmálum versnað. Sjálfbirg-
ingsháttur og innantómar yfirlýs-
ingar ráðherra í tíma og ótíma
setja æ sterkari svip á þjóðmála-
umræður. Forsætisráðherra leitast
við að skjóta sér undan ábyrgð
með því að bera kápuna á báðum
öxlum. Abendingar aðhaldsstofn-
ana svo sem Ríkisendurskoðunar
og umboðsmanns Alþingis til ráð-
herra og ráðuneyta eru ekki virtar
sem skyldi. Samningar við ríkis-
starfsmenn eru sviknir. Almenn
virðing fyrir samningum við opin-
bera aðila dvínar, sem leiðir til
þess að vantrú á opinberum stofn-
unum vex. Er brýnt að efla traust
almennings á landslögum og lög-
gjafarvaldi.
Núverandi ríkisstjórn hefurekki
tekist að móta stefnu, sem bætir
lífskjör þjóðarinnar, þvert á móti
hafa þau staðnað á sama tíma og
þau halda áfram að batna hjá
grannþjóðunum. Vinstri stjórn
hefur enga burði til að hverfa af
þessari stöðnunarbraut og skilur
eftir sig gífurlega byrðar sem
leggjast á þjóðina á næstu árum.
Ríkisstjórninni hefur gjörsamlega
mistekist að stjórna fjármálum
ríkisins. Skattar hækka jafnt og
þétt án þess að brúa hallann á
ríkissjóði; skattar hafa hækkað
sem nemur um 16 milljörðum
króna frá 1987 og á sama tíma
er uppsafnaður halli ríkissjóðs um
30 milljarðar. Sívaxandi og hömlu-
lausar opinberar lántökur hækka
vexti. Tvískinnungur ráðherranna
í vaxtamálum er ótvíræð staðfest-
ing á tvöfeldriinni undir forystu
Steingríms Hermannssonar.
Stjórn húsnæðismála hefur algjör-
lega brugðist.
Aðilar vinnumarkaðarins færðu
ríkisstjórninni þjóðarsáttina á silf-
urfati í febrúar 1990. Ríkisstjórnin
nýtur þess óverðug að samkomu-
lag náðist um afar hógværa kjara-
samninga sem slógu á verðbólg-
una. Þjóðarsáttin er hins vegar í
vaxandi hættu ekki síst vegna
hækkana á opinberri þjónustu og
stefnu ríkisstjórnarinnar í fjármál-
um ríkisins. Trúnaðarbresturinn
sem skapast hefur gagnvart
stjórnarherrunum við framkvæmd
þjóðarsáttarinnar stefnir framtíð-
arsamstarfi ríkisvaldsins og aðila
vinnumarkaðarins í hættu. Ríkis-
stjórnin hefur auk þess látið undir
höfuð leggjast að nota tíma þjóð-
arsáttarinnar til að ná tökum á
stjórn fjármála og efnahagsmála
og miðar einungis við að láta fljóta
fram yfir kosningar, sem ráðherr-
ar kalla sjálfir „frpm yfir þjóðar-
sátt“. Trúr stefnu sinni hvetur
Sjálfstæðisflokkurinn til víðtækrar
samstöðu um gerð kjarasamninga,
sem byggjast á raunhæfu mati á
efnahagsiegum forsendum og við-
skiptakjörum þjóðarinnar.
I utanríkismálum eru augljós
skil milli orða og athafna ríkis-
stjórnarinnar eins og í öðrum
málaflokkum. í samskiptum við
erlend ríki hefur ríkisstjórninni
ekki tekist að efla virðingu lands
og þjóðar. Óvissa er um það, hvort
utanríkisráðherra hefur umboð
ríkisstjórnarinnar til samnings-
gerðar um evrópskt efnahags-
svæði, en ráðherrar höfnuðu til-
lögu Sjálfstæðisflokksins um að
umboð fyrir ráðherrann yrði sam-
þykkt á Alþingi og»að efnt yrði
til tvíhliða viðræðna um sjávarút-
vegsmál við Evrópubandalagið.
Sjálfstæðisflokkurinn knúði á um
að sjálfstæðisbaráttu Litháa, Letta
og Eistlendinga yrði sýnd sú virð-
ing sem henni ber og hvetur enn
til þess að stjórnvöld hviki hvergi
af þeirri braut sem Alþingi sam-
þykkti að lokum.
III
Sjálfstæðisflokkurinn hefurver-
ið og er sáttaafl í íslenskum stjórn-
málum. Flokkurinn vill jafna stöðu
karla og kvenna. Hann er trúr
kjörorði sínu: Stétt með stétt.
Sjálfstæðisflokkurinn stendur vörð
um afkomu þeirra sem minnst
mega sín í lífsbaráttunni og styður
þá til sjálfsbjargar. Innan vébanda
hans starfa fulltrúar þéttbýlis og
dreifbýlis og allra atvinnugreina
til lands og sjávar, sem eru reiðu-
búnir til að taka höndum saman
í anda sjálfstæðisstefnunnar.
Flokkurinn berst gegn ríg milli
byggðarlaga og vill stuðla að
blómlegri byggð um land allt.
Skapa þarf nýja öryggiskennd í
atvinnumálum meðal fólks á
landsbyggðinni með því að fylgt
verði heilbrigðri stefnu í sjávarút-
vegsmálum og landbúnaðarmál-
um, þar sem framtíðin ræðst ekki
af duttlungum þeirra er stjórna
millifærslusjóðum.
Sjálfstæðisflokkurinn er reiðu-
búinn að veita forystu. í þessum
anda og leggur áherslu á eftirfar-
andi atriði:
1. Atvinnugreinar verði reknar
á heilbrigðum og traustum grunni
og geti af eigin rammleik byggt
sig upp og staðist kröfur tímans
og samanburð við atvinnuvegi
annarra þjóða. Styrkja- og milli-
færslukerfi vinstri stjórna í atvinn-
umálum verði afnumið. Stuðlað
verði að því að frumkvæði og
framtak einstaklinga njóti sín í
atvinnulífinu og ýtt undir þátttöku
almennings í atvinnustarfsemi
með því að hvetja hann til að íjár-
festa í hlutabréfum. Lögum og
reglum verði breytt á þann veg
að markaðurinn tryggi samkeppni
í fjármála- og atvinnulífi.
2. Móta skal sjávarútvegs-
stefnu er nái til veiða og vinnslu.
Grundvöllur hafrannsókna verði
styrktur svo að þær verði sem
marktækastar. Núgildandi löggjöf
um stjórn fiskveiða hefur sætt
gagnrýni án þess að samstaða
hafi tekist um aðra stefnu. Mælt
er fyrir um að þessi lög verði end-
urskoðuð á næsta ári. Mynda þarf
sem víðtækasta samstöðu um
sanngjarna og réttláta fiskveiði-
stefnu, þar sem pólitísk afskipti
verði sem minnst og frumkvæði
einstaklinga og fyrirtækja þeirra
fái best notið sín. Stjórn fiskveiða
á að hamla gegn ofveiði og tryggja
hagræðingu, treysta byggð og sem
besta nýtingu fjárfestingar.
3. Landbúnaðinum verði gert
kleift að mæta nýjum aðstæðum
sem fylgja auknu samstarfi við
Evrópulöndin og innan GATT.
Breytingum verði komið fram sem
hafi að markmiði aukið sjálfstæði
bænda, afnám ofstjórnar, betri
nýtingu fjármagns og lægra vöru-
verð.
4. Fjármál ríkisins verði tekin
nýjum tökum. Fyrsta skrefið verði
að hverfa frá skattahækkunar-
stefnu ríkisstjórnarinnar og ná
jafnvægi í fjármálum ríkisins.
Þensla í umsvifum ríkiskerfisins
verði stöðvuð og raunverulegum
sparnaði náð. í framhaldi af því
verði unnið að því að lækka skatta.
Leitað verði leiða til einkavæðing-
ar í ríkisrekstri meðal annars með
útboðum og sölu ríkisfyrirtækja.
5. Fjölskyldan njóti þeirrar
virðingar sem henni ber. Breyting-
ar á þjóðfélagsháttum gera auknar
kröfur til þjónustu við börn og
ungmenni utan heimila. Um leið
og stuðlað er að því að hún sé sem
best má ótvírætt gildi heilbrigðs
fjölskyldulífs ekki gleymast.
6. Við undirbúning ungs fólks
undir lífið eins- og endranær á
vegferð mannsins skiptir kristinn
boðskapur miklu. Staðinn verði
vörður um hlut og ijárhagslegt
sjálfstæði kirkju og kristinna safn-
aða og stutt við baráttu kristinna
manna um heim allan fyrir rétt-
læti, friði ogverndun náttúrunnar.
7. Án efnismikillar, íjölbreyttr-
ar og haldgóðrar menntunar fá
íslendingar ekki staðist í sam-
keppni þjóða. Gildi skólastarfs
verður ekki ofmetið. Menntakerfið
verði gert fjölbreyttara með einka-
skólum og slakað á miðstýringu
án þess að draga úr gæðakröfum.
Verk- og háskólamenntun verði
efld en æskufólki gefínn kostur á
að stunda jöfnum höndum nám
við erlendar menntastofnanir.
8. íslendingum á að vera metn-
aðarmál að land þeirra og fram-
leiðsla njóti álits vegna umhverfis-
verndar og mengunarvarna. í
umhverfismálum blasa við biýn
úrlausnarefni, bæði að því er varð-
ar uppgræðslu landsins og meng-
unarvarnir. Virkja skal sveitarfé-
lög, einstaklinga og félagasamtök
þeirra sem mest á sviði umhverfis-
mála og gæta þess að framlög til
málaflokksins renni til fram-
kvæmda, en stjórnkerfi og stjórn-
unarkostnaði haldið í lágmarki.
9. Óhikað verði gengið til sam-
starfs við erlenda aðila um iðnvæð-
ingu landsins með orku frá fall-
vötnum og jarðhita.
10. Markvisst verði unnið að
samgöngubótum á landi, í lofti og
á legi. Góðar samgöngur eru besta
framlagið til heilbrigðrar byggða-
stefnu. Jafnframt verði staðið að
ferðamálum með þeirri reisn sem
samræmist kostum og fegurð
landsins.
11. Átak verði gert til að bæta
opinbera stjórnsýslu og leitað fyr-
irmynda í einkarekstri. Ný lög
verði sett og reglur mótaðar sem
tryggi að meðferð opinberra fjár-
muna sé í samræmi við vilja Al-
þingis og almenna siðgæðisvitund.
12. Þingmönnum verði fækkað
og kosningalög tryggi jafnræði
kjósenda.
13. Stuðlað verði að hófsemi
og heilbrigðum lifnaðarháttum.
Forvarnarstarf í heilbrigðismálum
verði eflt og jafnframt aðgerðir í
þágu fatlaðra. Heilbrigðisþjónusta
sé í samræmi við efnahag þjóðar-
innar og tryggt að sjálfsagður
réttur til heilbrigðisþjónustu verði
ekki háður miðstýringu og afkomu
ríkisrekstursins hverju sinni.
14. Aukin sé fjölbreytni í þjón-
ustu. aldraðra og stuðlað að því
að aldraðir geti búið sem lengst á
eigin heimili en vistun_tryggð þeg-
ar á þarf að halda. Áhersla skal
lögð á gæði og hagkvæmni öldr-
unarþjónustu og að nýta kosti
einkareksturs.
15. Staðinn verði vörður um
sjálfseignarstefnuna í húsnæðis-
málum og tafarlaust hafist handa
um að bæta úr ófremdarástandinu
sem þar ríkir.
16. Löggæsla, réttarkerfi og
rekstur fangelsa sé í samræmi við
kröfur tímans. Sjálfstæði og
starfsskilyrði dómstóla verði
tryggð. Landhelgisgæslunni verði
mörkuð ný stefna, hlutur hennar
í vörnum landsins kannaður og
henni tryggður nauðsynlegur
tækjakostur til björgunarstarfa.
17. Aðstaða í sjónvarps- og
útvarpsrekstri milli ríkisins og
einkaaðila verði jöfnuð. Réttur
manna til að nýta sér alþjóðlegt
sjónvarps- og útvarpsefni verði
viðurkenndur. Skil verði dregin
milli sjónvarps- og útvarpsstöðva
sem hafa íslenskt starfsleyfi og
erlendra stöðva sem endurvarpa
efni sínu hér.
IV
Sjálfstæðisflokkurinn vísar
stoltur til stefnu sinnar, sögu og
framlags síns til íslandssögunnar
þegar gengið er enn á ný til kosn-
inga. Flokkurinn lýsir sig tilbúinn
til átaka með frelsi og mannúð
að leiðarljósi.
Sjálfstæðisflokkurinn óttast
ekki fortíð sína eins og ýmsir
keppinautar hans en í hópi þeirra
er flokkur, sem hefur verið mál-
svari helstefnu þessarar aldar.
Sjálfstæðisflokkurinn þarf ekki að
endurskoða stefnu sína vegna
hruns sósíalisma og kommúnisma.
Staða Sjálfstæðisflokksins er skýr
í íslenskum stjórnmálum.
Sjálfstæðisflokkurinn heitir því
við upphaf lokaáratugar tuttug-
ustu aldarinnar að leiða íslendinga
til atvinnuöryggis, menntunar og
framfara í sjálfstæðu, opnu þjóðfé-
lagi sem sé virkur þátttakandi í
alþjóðlegu samstarfi.
I kosningunum í vor býður Sjálf-
stæðisflokkurinn kjósendum að
velja fleiri nýja menn til setu á
Alþingi en nokkur annar stjórn-
málaflokkur. Sjálfstæðisflokkur-
inn hefur á að skipa forystusveit
sem vill takast á við ný verkefni
á traustum grunni og með aðferð-
um sem hafa reynst þjóðinni vel.