Morgunblaðið - 20.12.1991, Qupperneq 27

27
MORGUNBLAÐIÐ FÖSTUDAGUR 20. DESEMBER 1991
Jólatónleikar Tónlist-
arskóla Stykkishólms
Stykkishólmi.
TÓNLISTARSKÓLINN í Stykkishólmi efndi til jólatónleika nú á
jólaföstunni og voru þeir vel sóttir og mikið um að vera. Tónleika-
skráin var í mörgum liðum og tónverk eftir ótal höfunda bæði inn-
lenda og erlenda og komu fram yfir 50 nemendur.
Tónleikarnir hófust með 11 nem-
enda hljómsveit sem lék jólalög,
einleikur á píanó og orgel sem
nokkrir nemendur fluttu, gítarleik-
ur fjögurra nemenda, svo nokkuð
sé taiið. Klarinettuhljómsveit og
harmonikuhljómsveit sú fyrsta á
starfsferli tónlistarskólans.
Að lokum lék Lúðrasveit Stykkis-
hólms 6 lög, en í henni eru nú 28
hljóðfæraleikarar. Stjórnandi lúðra-
sveitarinnar er Daði Þór Einarsson
sem einnig er skólastjóri tónlistar-
skólans.
Þessir tónleikar voru sérstaklega
góðir og gaman hve hljóðfæraleik-
ararnir stóðu sig vel og lögðu sig
alla fram. Það voru áheyrendur
sammála um og klöppuðu þeim lof
í lófa.
- Arni
Morgunblaðið/Árni Helgason
Meðal þeirra sem fram komu voru þessir krakkar sem léku á klari-
nett.
Skóladagheimilisbörn sungu jólasöngva.
Morgunblaðið/Sigurður Jónsson
Sungið af innlifun um.jólin.
Selfoss:
Afmælis- o g
jólasöngvar
í Alfheimum
Selfossi.
BÖRN og starfsfólk á leikskólanum Álf-
heimuin á Selfossi fögnuðu þriggja ára
starfsafmæli 13. desember síðastliðinn og
lýstu formlegri opnun nýrrar heilsdags leik-
skóladeildar. Þetta var gert með söng, upp-
lestri og veitingum.
í Álfheimum er starfræktur heilsdags leik-
skóli með 40 börnum og skóladagheimili með
25 bömum. Við Álfheima eru 12,25 stöðugildi.
Sig. Jóns.
Þingeyri:
Heim með liósið úr kirkiunni
Þingeyri. U
KIRKJUSÓKN hefur verið góð á aðventunni hér á Þingeyri. 1. sunnu-
dag í aðventu var fjölskylduguðsþjónusta þar sem m.a. voru kynntir
sálmar úr hinni nýju sálmabók og á 2. sunnudcgi í aðventu var aðventu-
kvöld í Þingeyrarkirkju. Báða sunnudagana var kirkjan þétt setin.
í nokkur ár hefur verið haldið upp
á fyrsta sunnudag í aðventu á Þing-
eyri með því að hafa fjölskylduguðs-
þjónustu þar sem ungir og aldnir
koma saman og syngja samabland
af hefðbundnum sálmum og léttari.
Síðan hefur sóknarnefndin verið með
kaffiveitingar til sölu í Félagsheimil-
inu á staðnum. Hefur þessi siður
öðlast fastan sess í hugum fólks,
þannig að á annað hundrað manns
hefur komið til kirkju á þessum degi.
Aðventukvöld hefur einnig verið
haldið í fleiri ár og þætti sjálfsagt
mörgum desembermánuður drunga-
legri ef ekki væri sú' upplyfting frá
erli daganna. Organistalaust hefur
verið á Þingeyri frá því í sumar, en
Tómas Jónsson hefur stjórnað kirkju-
kórnum með prýði og er jafn viðam-
ikið verkefni og undirbúningu að-
ventukvölds sönnun þess. Á sjálfu
aðventukvöldinu naut kirkjukórinn
aðstoðar séra Gunnars Björnssonar
í Holti og lék hann einnig undir á
orgel kirkjunnar.
Ræðumaður kvöldsins var Sigurð-
ur Blöndal skólastjóri Héraðsskólans
á Núpi. Flutti hann eftirtektarverða
hugleiðingu. Sóknarpresturinn séra
Gunnar Eiríkur Hauksson fór með
bæn og stjórnaði helgileik fermingar-
barna, sem lauk með tendrun kerta-
ljósa. Sungu svo allir saman í lokin
með kertaljós logandi í rökkrinu.
Þegar út var komið reyndi fólk svo
að komast eins langt heim á leið
með kertin logandi og þar sem oft
eru miklar stillur hér á Þingeyri kom-
ast margir alla leið heim með ljósið
úr kirkjunni. - Gunnar Eiríkur
Morgunblaðið/Gunnar E. Hauksson
Krakkar með logandi kerti í lokin á guðsþjónustunni.
$ ...aó sjátfsögóu!
Lyftu þér upp og opnaðu pilsner