Morgunblaðið - 11.12.1993, Blaðsíða 26

26
MORGUNBLAÐIÐ LAUGARDAGUR 11. DESEMBER 1993
Hafsteinná
Eldingnnni
segir frá
hnattsigl-
ingu sinni
HAFSTEINN Jóhannsson heldur
fyrirlestur og myndasýningu um
hnattsiglingu sína í Sjóminja-
safninu í Hafnarfirði í dag, laug-
ardaginn 11. desember kl. 14.
Hafsteinn, sem íslenskir sjómenn
þekktu fyrr á árum sem Hafstein
froskmann eða Hafstein á Elding-
unni, vann fyrir 3 árum það afrek
að sigla einn síns liðs í kringum
hnöttinn á heimasmíðaðri seglskútu
án þess að hafa nokkurs staðar við-
komu á leiðinni. Þar af 5 hann
hvergi til lands í nærri fimm mán-
uði. Hafsteinn segir frá smíði skút-
unnar, undirbúningi ferðarinnar og
hnattsiglingunni sjálfri og sýna
myndir sem hann tók á ferðalaginu.
Á sunnudaginn heimsækir Haf-
steinn æskustöðvar sínar á Akra-
nesi og heldur þar fyrirlestur og
myndasýningu á Langasandi kl. 14.
Á báðum stöðunum áritar Haf-
steinn nýútkomna endurminninga-
bók sína, Hafsteinn á Eldingunni,
sem Rúnar Ármann Arthúrsson
hefur skráð.
♦ ♦ ♦-----
Annríki
framund-
an í póst-
þjónustunni
MORGUNBLAÐINU hefur borist
eftirfarandi fréttatilkynning frá
Póst- og símamálastofnun:
„Nú þegar jólin nálgast eru
landsmenn byrjaðir að skrifa jóla-
kortin. Póstur og sími vill minna
fólk á að póstleggja jólagjafimar
og kortin tímanlega því mikið ann-
ríki er jafnan hjá póstþjónustunni
í desember. Síðasti skiladagur fyrir
bréfpróst til Norðurlandanna er
næsta fimmtudag, 16. desember,
til annarra landa í Evrópu er síð-
asti skiladagur þriðjudaginn 14. og
pósti til landa utan Evrópu þarf að
skila fyrir mánudaginn 13. desem-
ber. Ekki er neinn ákveðinn síðasti
skiladagur fyrir jólapóstinn innan-
lands en þeir sem vilja vera örugg-
ir um að sín bréf berist í tíma ættu
að póstleggja þau tímanlega þar
sem veður og ófærð geta tafið fyr-
ir flutningi og útburði.
ÖIl pósthúsin á höfuðborgar-
svæðinu eru opið til kl. 18 á virkum
dögum til jóla og á laugardögum
frá kl. 10-16. Þar fást 30 kr. jóla-
merki, sem duga fyrir 20 g bréf
innanlands, en 35 kr. frímerki þarf
fyrir samsvarandi bréf til Norður-
landanna og annarra Evrópulanda.
Á pósthúsunum fást einnig um-
búðakassar utan um bögglasend-
ingar.
Fram að jólum er í gildi sérstakt
tilboð sem fólki býðst fyrir 335 kr.
að kaupa saman umbúðir og burð-
argjald innanlands óháð þyngd inni-
haldsins. í jólaannríkinu er einnig
rétt að minna á að frímerki fást
ekki aðeins á pósthúsum heldur
einnig í mörgum söluturnum og
bókaverslunum og nú einnig á bens-
ínstöðvum Esso á höfuðborgar-
svæðinu."
Höföar til
.fólksíöllum
starfsgrei num!
Myndræn ástríða
„FJÖLSKYLDAN er einfaldlega haldin myndrænni ástríðu,“ seg-
ir Kristin um starfsmannahald Nýrra vídda. Hörður, eiginmaður
hennar, tekur myndir í Af ljósakri og Daði sonur þeirra og
keramiker er framkvæmdastjóri fyrirtækisins. Aftan við mæðgin-
in eru jólasveinajólakortin á standi eftir Daða.
Af ljósakri
RAGNAR Th. Sigurðsson og hjónin Hörður Daníelsson og Kristín
Þorkelsdóttur með almanakið Af ljósakri. Ragnar tók yósmyndir
í Jöklasýn og Hörður í Af ljósakri. Siðarnefnda almannakið er
þegar orðið nokkuð þekkt enda er það nú gefið út í fimmta sinn.
Á því er texti á sex tungumálum.
Nýjar víddir færa út kvíamar
Vandaðar vinakveðjur
„EINS OG við vitum er orðasambandið vandaðar kveðjur gjarnan
sett í samband við orðatiltækið að vanda einhverjum ekki kveðjurn-
ar. Við viljum hins vegar líta merkingu orðanna öðrum og jákvæð-
ari augum og viljum með slagorðinu „Vandaðar kveðjur" minna
fólk á að velja ekki kveðjur til vina sinna í hugsunarleysi. Mér
finnst alltof mikið um að íslendingar velti þessu ekki fyrir sér.
Hugsi ekki út í hvemig kveðjú þeir vildu raunvemlega senda frá
sér,“ segir Kristín Þorkelsdóttir. Eftir að hafa rekið auglýsingastof-
una Auk hf. í 26 ár söðlaði hún um síðastliðið vor og stofnaði
Nýjar víddir. Fyrirtækið sérhæfir sig í útgáfu vandaðra dagatala
og korta með innlendum og erlendum texta.
Kirkjur Morgunblaðið/Kristmn
KIRKJUKORTIN er hægt að fá með prentaðri jólakveðju eða án
nokkurs texta og gefa þá fjölbreytta notkunarmöguleika. Til
dæmis er að sögn mæðginanna tilvalið að bjóða til brúðkaups
með því að fjölrita eigin texta á þau. Einnig mætti nota þau í
tengslum við tónleikahald og aðra viðburði í kirkjunni.
Myndirnar em eftir Ingibjörgu Birnu Steingrímsdóttur.
Daði Harðarson, sonur Kristínar
og framkvæmdastjóri fyrirtæk-
isins, minnir á að stofnun fyrirtæk-
isins hafi átt sér nokkurn aðdrag-
anda. „Já, útgáfuna má eiginlega
rekja til þess þegar fyrsta jóla-
sveinakortið kom út árið 1983 eða
1984. Núna er komin út heil sería,
14 kort með jólasveinunum og
gömlu hjónunum, Grýlu og Leppal-
úða,“ segir Kristín og minnist þess
að á þessum árum hafí fáir haft
áhuga á íslenska jólasveininum.
„En mig langaði alltaf til að glíma
við strákana og fékk Önnu Þóru
Árnadóttur til að útbúa myndirnar
af þeim með bólstursaumi. Nætur-
himinn norðursins er saumaður
með perlum og snævi þakin jörðin
silkiklædd. í þessu umhverfí birt-
ast svo íslensku jólasveinarnir,
grófír og groddalegir en allir með
rauðar húfur,“ segir hún.
Af ljósakri til annarra landa
Aftan á kortunum segir frá jóla-
sveinunum í íslenskum og enskum
texta, en eitt af markmiðum fram-
leiðslunnar er einmitt að koma á
framfæri íslenskri náttúru og
menningu í öðrum löndum. „Ég
get bent á almanakið Af ljósakri
í þessu sambandi. Á því eru ljós-
myndir úr íslenskri náttúru og
texti eftir Pál Imsland jarðfræðing
sem þýddur er á ensku, þýsku,
sænsku, frönsku og spænsku.
Honum er einkar lagið að skrifa
skemmtilegan, fræðandi og alþýð-
legan texta,“ segir Kristín og Daði
bætir við að ekki sé laust við Ijóð-
rænu í textum Páls.
Ljósmyndimar á dagatölunum
eru hins vegar eftir Hörð Daníels-
son, eiginmann Kristínar og fyrr-
um framkvæmdastjóra auglýs-
ingastofunnar. „Við höfum ferðast
mikið saman og lagst út. Ég mála
þá og Hörður tekur myndirnar með
sérstakri breiðmyndavél. Á þann
hátt verður hver mynd löng, eins
og dagatalið," segir Kristín.
Hún segir að þróun almanaksins
hafí gengið .út á að hjálpa fólki
að rækta viðskipta- og vinatengsl
erlendis og Daði segir að sala þess
hafí aukist í réttu hlutfalli við
markaðssetningu. „Og fólk heldur
tryggð við almanakið. Því berast
gjaman þakkarbréf vegna þeirra
og myndirnar vekja upp áhuga
fólks í öðrum löndum á að heim-
sækja ísland,“ segir Kristín og
tekur fram að einn viðskiptavina
hennar hafí glaður í bragði sagt
henni frá því, ekki alls fyrir löngu,
að hann hafi komist að því að al-
manakið héngi í skrifstofu aðalfor-
stjóra stórfyrirtækis sem hann
starfaði með. „Svona sögur kitla.
Ekki síst vegna þess að gífurlegt
framboð er af almanökum og miklu
máli skiptir hvað fólk hefur fyrir
augunum allt árið.“
Af ljósakri er lengra á breidd
en lengd, eins og fram hefur kom-
ið, og segir Daði að með því móti
komist sjóndeildarhringurinn best
til skila. „Þannig er líka ódýrara
að senda almanakið í pósti, ummál-
ið er ekki svo mikið,“ segir Kristín
en á hvetju ári er plakat gert úr
einni ljósmynd á dagatalinu. Af
öðrum afsprengjum dagatalsips
má svo nefna ljósakurskort, ís-
landsbréf, lúxuskort og möppur
undir ráðstefnugögn.
Jöklasýn og Fjalladans
Tvö ný þemadagatöl voru svo
gefin út af Nýjum víddum á þessu
ári. „Stefnan er sú að gefa út ný
þemu á hveiju ári og þau verði
hægt að fá í 2-3 ár á eftir,“ segir
Kristín. „í ár höfum við t.d. gefíð
út tvö þemu fyrir næsta ár, Jökla-
sýn með ljósmyndum eftir Ragnar
Th. Sigurðsson og inngangstexta
eftir Ara Trausta Guðmundsson
jarðeðlisfræðing, og Fjalladans
með vatnslitamyndum eftir mig.
Þannig telst fyrra dagatalið til
nýjunga hjá okkur fyrir þær sakir
að sótt var út fyrir íjölskylduna
og fyrirtækið eftir ljósmyndum.
Með því staðfestum við þann vilja
fyrirtækisins og stefnu að eiga sem
best samstarf við breiðan hóp Iista-
manna, ljósmyndara, grafískra
hönnuða og annarra listamanna.“
Hvað síðarnefnda þemadagat-
alið varðar segist Kristín hafa
málað í það myndir á síðastliðnum
tveimur árum. „Fyrirmyndimar
em út um allt land,“ segir hún
þegar forvitnast er um uppáhalds-
staði. „En ef ég ætti að nefna ein-
hverja sérstaka staði myndi það
eflaust fylla heila síðu. Ég verð
hins vegar að viðurkenna að Suð-,
Suðausturlandið og Snæfellsnesið
hafa alltaf togað í okkur Hörð,“
segir hún hugsi á svip og vill lítið
ræða sjálfar myndirnar. Hún viður-
kennir engu að síður að eflaust
segi ljóð Fjalladans mest um þær
og grefur eftir því fyrir blaða-
mann. Hnitmiðaður stíll lista-
mannsins dregur fram tengsl hans
við náttúruna: „Fjalladans/undir
fjallinu, á valdi birtu, lita og forms,
dregst ég inn í takt skugganna.
Pensillinn minn dansar á Q'allinu."
Samstarf við sóknir
Þrátt fyrir stuttan aldur fyrir-
tækisins er ýmislegt ótalið af
áhugaverðum nýjungum á vegum
þess. Þannig minnist Daði á kirkju-
seríu í samstarfí við kirkjur í land-
inu. „Við fómm af stað, heimsótt-
um nokkrar kirkjur og buðum þeim
að taka þátt í samstarfi um útgáfu
kortanna, eftir síðustu áramót.
Samstarfið felst í því að við gefum
út kortin, sem geta t.d. verið jóla-
kort, boðskort eða fermingarkort,
með mynd af kirkjunni og fer hluti
upplagsins til sjálfrar kirkjunnar.
Hinn hlutinn er hins vegar seldur
á almennum markaði og nýtur
Hjálparstofnun kirkjunnar þá góðs
af,“ segir Daði. Hann segir að 14
kirkjur séu nú í seríunni, m.a.
Hallgrímskirkja, Dómkirkjan og
Blönduóskirkja, en haldið verði
áfram með hana og gefist þá fleir-
um kostur á að vera með.
Stefna á eigin útflutning
Daði og Kristín era bjartsýn á
framtíð fyrirtækisins og láta ekki
barlóm úti í þjóðfélaginu hafa áhrif
á sig. „Auðvitað er þetta bölvað
basl,“ segir Daði, „en við gerum
eins og við þykjumst þurfa og finn-
um ágæta svörun,“ segir hann og
Kristín bætir við að ef fólk eyði
allri orku sinni í neikvæðar hugsan-
ir gerist fátt jákvætt. „Við gætum
auðvitað flutt inn ódýr jólakort frá
Hong Kong. En við eram með ís-
lenska hönnun og framleiðslu og
reynum að stilla verðinu í hóf,“
segir Kristín og leggur áherslu á
að öll framleiðsla Nýrra vídda
byggist á íslenskri náttúru, hugviti
og verkþekkingu.
Hvað framtíðina varðar er stefn-
an sett á aukinn útflutning. „Út-
flutningur okkar núna byggist
fyrst og fremst á því að íslending-
ar festa kaup á framleiðslunni og
senda hana til vina og kunningja
erlendis. Við ætlum okkur hins
vegar í framtíðinni að leggja meiri
áherslu á útflutning á okkar eigin
vegum. Reyndar erum við strax
farin að hugsa til þess með þátt-
töku minni í 10 mánaða verkefni
á vegum útflutningsráðs undir leið-
sögn Hauks Björnssonar með heit-
inu Útflutningsaukning og hag-
vöxtur. Þar er maður m.a. látinn
taka fyrirtækið og sjálfan sig út,
fínna markhópa o.fl. Vonandi get-
um við með þessa þekkingu að
veganesti og áframhaldandi stuðn-
ingi snúið okkur að þessu starfi,"
sagði Daði, hvergi banginn, að lok-
um.