Morgunblaðið - 17.02.1994, Blaðsíða 17

MORGUNBLAÐIÐ FIMMTUDAGUR 17. FEBRÚAR 1994
17
Morgunblaðið/Þorkell
Strangur tími framundan
FRAMUNDAN er strangur tími æfinga og uppbyggingar hjá
fegurðardrottningum um land allt. Þetta eni stúlkurnar 18, sem
komust í lokakeppni Fegurðarsamkeppni íslands 1993.
Undankeppni Fegurðarsamkeppni
Fegurðardrottn-
ing Vesturlands
valin um helgina
FYRSTA undankeppnin fyrir Fegurðarsamkeppni íslands 1994
fer fram um helgina og aðrar undankeppnir næstu helgar á
eftir. Átta til tólf stúlkur keppa i öllum undankeppnunum, nema
í Fegurðarsamkeppni Reykjavíkur þar sem verða 16 keppendur.
Fegurðardrottning íslands 1994 verður síðan krýnd á Hótel Is-
landi í Reykjavík 13. maí nk. og þar fteppa væntanlega 18 stúlk-
ur til úrslita.
Fegurðarsamkeppni Vestur-
lands fer fram á Hlöðum á Hval-
fjarðarströnd nk. laugardags-
kvöld. Föstudaginn 25. febrúar
verður Fegurðarsamkeppni Norð-
urlands í Sjallanum á Akureyri,
föstudaginn 11. mars verður Feg-
urðarsamkeppni Suðurlands á
Hótel Örk í Hveragerði, laugar-
daginn 12. mars verður Fegurð-
arsamkeppni Suðurnesja í Stap-
anum í Njarðvík og föstudaginn
18. mars verður Fegurðarsam-
keppni Reykjavíkur á Hótel ís-
landi. Enn er óráðið hvenær Feg-
urðarsamkeppni Austurlands fer
fram og fulltrúi Vestfjarða verður
valinn af dómnefnd án keppni.
Sigurvegari hverrar forkeppni
fer í úrslitakeppnina auk tveggja
til þriggja stúlkna úr hverri for-
keppni sem dómnefnd velur. í
keppnina um Ungfrú Reykjavík
koma stúlkur af öllu höfuðborg-
arsvæðinu og helmingur þátttak-
enda í úrslitakeppninni kemur
þaðan. Hinn helmingurinn kemur
úr öðrum forkeppnum. Á hverjum
stað verður dómnefnd skipuð
fimm mönnum, tveimur heima-
mönnum og þremur úr aðaldóm-
nefnd keppninnar.
íslenskt er þema keppninnar
Að sögn Estherar Finnboga-
dóttur, framkvæmdastjóra Feg-
urðarsamkeppni Islands, líður nú
lengri tími á milli forkeppna og
úrslitakvöldsins og er sá tími
nýttur til líkams- og gönguþjálf-
unar og sviðsframkomu. Esther
segir að stúlkurnar verði meira
áberandi fram að úrslitakeppn-
inni nú en yfirleitt áður. Þar að
auki verði áhersla lögð á ís-
lenskt, reynt verður að hafa eins
marga íslenska styrktaraðila og
kostur er og þema úrslitakvölds-
ins verður að sögn Estherar al-
íslenskt.
Stúlkurnar í keppninni eru á
aldrinum 18-24 ára og segir
Esther þær dæmdar eftir líkams-
burði, útgeislun og persónugerð.
„Dómnefnd leitast við að kynnast
stúlkunum og innra útlit, ef svo
má segja, skiptir alls ekki minna
máli en hið ytra,“ segir Esther.
Útboð húsnæðlsbréfa
Átta tilboðum fyrir
125 milljónir tekið
ALLS bárust átta tllboð frá sjö aðilum að nafnvirði 125 miHjónir króna
í öðru útboði húsnæðisbréfa á þessu ári, en það er það sextánda úr
1. flokki húsnæðisbréfa 1993. Hæsta ávöxtunarkrafa var 5,0% og einn-
ig sú lægsta, þannig að meðalávöxtun var 5,0%. Samþykkt var að taka
tilboðunum átta að nafnvirði 125 milljónir króna.
Sigurður E. Guðmundsson, for-
stjóri Húsnæðisstofnunar, sagði að
það væru viss vonbrigði að ekki
hefðu borist tilboð í meiri kaup
húsnæðisbréfa að þessu sinni. Það
væri hins vegar ljóst að lífeyrissjóð-
irnir væru ekki að kippa að sér
hendinni í kaupunum, heldur væri
ástæðan einfaldlega sú að þeir
hefðu ekki úr meiru að spila um
þessar mundir.
Stefnt er að því að næsta útboð
húsnæðisbréfa verði 1. mars næst-
komandi.
Dómsmálaráðuneytið óskar eftir leiðbeiningu borgarráðs
Ný staðsetning fyrir
dómhús Hæstaréttar
DÓMSMÁLARÁÐUNEYTIÐ hef-
ur óskað eftir leiðbeiningu borg-
arráðs um nýja kosti sem til greina
kunni að koma, fyrir staðsetningu
dómhúss fyrir Hæstarétt í hjarta
höfuðborgarinnar.
í bréfi ráðuneytisins, sem lagt
hefur verið fram í borgarráði, segir
að þrátt fyrir ítarlegan undirbúning
og kynningu sem fram hafi farið
vegna fyrirhugaðs dómhúss Hæsta-
réttar við Lindargötu 2, telji ráðu-
neytið rétt, vegna umræðna um stað-
setningu hússins, að kanna á ný þá
kosti sem til greina koma fyrir dóm-
hús.
Fram kemur að víðtæk samstaða
sé um að æðsta stofnun dómsvalds-
ins eigi að vera staðsett í hjarta
höfuðborgarinnar svo sem sé um
æðstu stofnanir hinna tveggja greina
ríkisvaldsins, löggjafarsamkomuna
og stjórnarráðið, svo og embætti for-
seta íslands.
Þá segir, „Að öðru leyti vill ráðu-
neytið ekki takmarka fyrirfram á
þessu stigi þá möguleika sem að
þess áliti geta komið til greina fyrir
dómhús hvort sem það varðar bygg-
ingarlóð eða byggingar sem fyrir
hendi eru. Vegna umræðu um þann
möguleika að Hæstiréttur flytjist í
Safnahúsið við Hverfisgötu þegar
núverandi notkun þess húss lýkur,
væntanlega þann 1. desember á
þessu ári, væri þó heppilegt að fá
vitneskju um viðhorf Borgarráðs til
þeirrar notkunar Safnahússins. Lyk-
ilatriðið er að væntanlegt dómhús
geti staðið sjálfstætt og að það hæfi
stöðu Hæstaréttar íslands, æðsta
dómstóls þjóðarinnar."
Bestu haupin í lambakjöti á aðeins398kr./kg.
ínœstuvershm
*Leiðbeinandi smásöluverð
Verðið á 1. ílokks
lambakjöti í
hálfum
skrokkum
Iækkar um heil
20%. Fáðu þér
ljúffengt lambakjöt í
næstuverslun á
frábæru verði, aðeins
398 krónur kflóið.