Morgunblaðið - 17.02.1994, Blaðsíða 25

MORGUNBLAÐIÐ FIMMTUDAGUR 17. FEBRÚAR 1994
25
Bretadrottning
heimsækir Rússa
Nizhníj Novogrod, Moskvu. Reuter.
ELÍSABET 2. Bretadrottning fer í opinbera heimsókn til Rússlands
síðar á þessu ári og er það í fyrsta skipti sem breskur þjóðhöfðingi
heimsækir landið eftir byltinguna 1917. Morð bolsévika á Nikulási 2.
Rússakeisara og fjölskyldu hans árið 1918 varpaði skugga á sam-
skipti ríkjanna um áratuga skeið en keisarafjölskyldan var skyid
bresku konungsfjölskyldunni.
Breskir embættismenn skýrðu frá
því í gær að Borís Jeltsín, Rússlands-
forseti, hefði ítrekað boð til drottn-
ingar um opinbera heimsókn í sam-
tali við John Major, forsætisráðherra
Bretlands, í Moskvu á þriðjudag.
Kvaðst Major myndu mæla með því
við embættismenn Buckingham-
hallar að drottning þekktist boðið.
Hann er mjög áfram um að af heim-
sókninni verði þar sem hún muni
innisigla hin auknu samskipti Bret-
lands og Rússlands.
Þrátt fyrir skyldleika fjölskyldn-
anna vildi Georg 5. ekki leyfa rússn-
esku keisarafjölskyldunni að setjast
að í Bretlandi í kjölfar byltingarinn-
ar 1917, af ótta við pólitískar afleið-
ingar þess. í júlí 1918 myrtu bolsé-
vikar fjölskylduna. Árið 1924 skip-
aði Georg 5. forsætisráðherra sínum,
Ramsey MacDonaid, að koma sér
aldrei í þá aðstöðu að þurfa taka í
hendur morðingja ættmenna sinna.
Játvarður 7., langafi Elísabetar
2., var síðastur breskra þjóðhöfð-
ingja til að heimsækja Rússland,
árið 1911. Allt fram til ársins 1988
hefur boðum til breskra þjóðhöfð-
ingja um að heimsækja Rússland
Söguleg heimsókn
ELÍSABET 2. Bretadrottning fer
í fyrstu heimsókn bresks þjóð-
höfðingja til RúSslands eftir bylt-
inguna árið 1917 síðar á árinu.
verið neitað. Árið 1989 þekktist El-
ísabet drottning boð Míkhaíls Gorb-
atsjovs, þáverandi Sovétleiðtoga, en
ekkert hefur orðið af för hennar til
Rússlands vegna hins ótryggja
ástands í landinu.
Deila Kóreuríkjanna
Ihuga að
hætta við
heræfingar
Seoul. Reuter.
SUÐUR-Kóreustjórn fagnaði í gær þeirri ákvörð-
un Norður-Kóreumanna að fallast á cftirlit Al-
þjóðakjarnorkumálastofnunarinnar (IAEA) með
norður-kóreskum kjarnorkustöðvum. Stjórnin
kvaðst nú vera að íhuga að hætta við fyrirhugað-
ar heræfingar með Bandarikjamönnum.
Heræfingarnar hafa farið fram árlega, en þeim var
þó aflýst árið 1992, og Norður-Kóreumenn hafa litið
á þær sem alvariega ögrun og undirbúning undir
innrás í Norður-Kóreu. Stjórnvöld í Suður-Kóreu og
Bandaríkjunum hafa hins vegar sagt að þeim sé að-
eins ætlað að treysta varnir Suður-Kóreu.
Sérfræðingar í málefnum Norður-Kóreu í Seoul
sögðu að samkomulag landsins við kjarnorkumála-
stofnunina væri aðeins fyrsti áfanginn í löngum samn-
ingaumleitunum sem myndu að öllum líkindum ekki
ganga snurðulaust fyrir sig. Samkomulagið nær ekki
til tveggja verksmiðja þar sem talið er að verið sé
að undirbúa smíði kjarnavopna.
Kommúnistastjórnin í Norður-Kóreu á við alvarleg-
an efnahagsvanda að. etja og margir telja að hún
vilji notfæra sér þann stugg sem Bandaríkjamönnum
stendur af tilraunum hennar til að smíða kjarnavopn
til að tryggja sér loforð um efnahagslegan ávinning
og stjórnmálasamband við Bandaríkin.
Reuter
„Leiðtoginn mikli“
KONA sópar götu við risastóra styttu af Kim il-
Sung, „leiðtoganum mikla“ í Norður-Kóreu. í gær
var haldið upp á 52 ára afmæli sonar hans, Kims
Jong-ils, eða „leiðtogans ástkæra" eins og hann er
nefndur í þessu landi taumlausrar leiðtogadýrkunar.
Kettir geta smitað
ónæmisbælt fólk
Kattabakterían hefur ekki greinst hér á landi
KETTIR sem bera bakteríuna Rochalimaea henselae geta smitað
fólk og valdið sjúkdómum sem eru allt frá því að vera vægir og upp
í lífshættulegir, samkvæmt frétt Reufers-fréttastofunnar. Hefur
þetta komið í ljós í rannsóknum við Kaliforníuháskólann í San
Francisco. Bakterían hefur ekki greinst hér á landi, að sögn Sigurð-
ar B. Þorsteinssonar smitsjúkdómafræðings.
Skýrt er frá niðurstöðum rann-
sóknanna í San Francisco í nýjasta
tölublaði læknarits amerísku
læknasamtakanna, American
Medical Association. Þar segir að
það sé einkum ónæmisbælt fólk,
menn og konur með skertar
ónæmisvarnir, sem hætt er við
kattasmitinu, svo sem alnæmis-
sjúklingar og aldraðir.
Segja vísindamennirnir að þar
sem stöðugt fjölgi ónæmisbældu
fólki verði að gera ráð fyrir því
að sjúkdómum af völdum Rocha-
limaea bakteríunnar muni stór-
fjölga á næstunni. Smitleiðin frá
köttum er bæði gegnum trýni og
loppur. Einkenni algengasta sjúk-
dómsins af völdum kattabakter-
íunnar líkjast einkennum skot-
grafasóttar, sjúkdóms sem barst
með lús og heijaði á skotgrafaher-
menn í Evrópu í heimsstyijöldun-
um báðum en er nú sjaldgæfur.
Fúkkalyf duga gegn sýkingu og
hindra má að smit berist frá kött-
um með lyfjagjöf og flóavörn. Virð-
ist bakterían ekki valda neinum
kvillum í köttunum sjálfum.
„Það eru fyrst og fremst alnæm-
issjúklingar sem eru í sýking-
arhættu vegna skertra ónæmi-
svarna þeirra. Eg veit hins vegar
ekki til þess að þessi baktería eða
sjúkdómar af hennar völdum hafi
greinst hér á landi,“ sagði Sigurð-
ur B. Þorsteinsson smitsjúkdóma-
fræðingur á Landspítalanum.
Alnæmissjúklingum og öldruð-
um er jafnan ráðlagj; að sækja
félagsskap til katta eða annarra
gæludýra. 1 Bandaríkjunum eru
57 milljónir heimiliskatta eða einn
köttur á þriðja hvert heimili. Tekin
voru blóðsýni úr köttum á San
Francisco-svæðinu og fannst Roc-
halimaea-bakterían í 41%. Sá sem
fór fyrir rannsóknarhópnum sagði
að ekki bæri að túlka niðurstöðurn-
ar og hugsanlega smithættu sem
hvatningu til fólks að lóga köttum.
Um helgina frumsýnum við
nýja gerð af Volkswagen Golf
- bíl sem á engan sinn líka.
Kíktu inn um helgina!
HEKLA
Volkswagen
Oruggur á alla vegul
Sýningin er í Hekluhúsinu,
Laugavegi 170 - 174, laugardag
og sunnudag frá kl 13 -17.
ck)
1414 -1 9l) 4
m
(