Morgunblaðið - 15.04.1997, Blaðsíða 2

2 ÞRIÐJUDAGUR 15. APRÍL 1997
MORGUNBLAÐIÐ
FRÉTTIR
Lögreglumenn
og fangaverðir
Helmingur
ársverka
vegna
fíkniefna
og áfengis
ÁÆTLAÐ er að um helmingur
ársverka löggæslumanna og
fangavarða sé unninn vegna
afbrota sem tengjast áfengis-
eða fikniefnaneyslu. Þetta
kemur fram í svari dómsmála-
ráðherra við fyrirspum Sivjar
Friðleifsdóttur alþingismanns.
Ekki liggja fyrir nákvæmar
rannsóknir á áhrifum fíkniefna
á afbrot hér á landi, en í rann-
sókn sem gerð var á 344 föng-
um sem voru í afplánun á ámn-
um 1991-93 kváðust 64% að-
spurðra hafa verið undir áhrif-
um áfengis, 33% undir áhrifum
fíkniefna og 22% undir áhrif-
um bæði áfengis og fíkniefna
þegar þeir frömdu afbrot þau
sem þeir voru að afplána fyrir.
í svari ráðherrans kemur
einnig fram að skráðum fíkni-
efnamálum á höfuðborgar-
svæðinu fjölgaði úr 329 árið
1995 í 590 árið 1996.
ASÍ og Neytenda-
samtökin
Ræða sam-
starf um verð-
lagsmál
FULLTRÚAR Neytendasam-
takanna og Alþýðusambands
íslands hittust í gær til þess
að ræða mögulegt samstarf
þessara samtaka og annarra
um verðlagsmál.
Á fundinum var ákveðið að
skipa starfshóp til þess að
skoða fyrirkomulag mögulegs
samstarfs nánar, segir í frétta-
tilkynningu. Fulltrúar samtak-
anna munu hittast fljótlega
aftur til þess að ræða þessi
mál.
Lottóið
12 milljónir
gengn ekki út
DREGIÐ var um fjórfaldan
fyrsta vinning í Lottóinu sl.
laugardag. Ifyrsti vinningur-
inn, 12 milljónir, gekk ekki út
og verður 1. vinningur fimm-
faldur nk. laugardag. Má búast
við því að hann verði allt að
20 milljónir króna.
Morgunblaðið/Ásdís
BROTAJÁRNINU var í gær skipað um borð í skip sem lá við nýja viðlegukantinn í Straumsvíkurhöfn.
Brotajárn á leið til Spánar
UM 3.000 tonnum af tættu brota-
járni var í gær skipað út á vegum
Furu hf. við nýjan viðlegukant
Straumsvíkurhafnar.
Að sögn Sveins Magnússonar
hjá Furu hf. hefur fyrirtækið til
þessa skipað út brotajárni í Hafn-
arfjarðarhöfn. Nýi viðlegukantur-
inn gerði kleift að skipa út frá
Staumsvík, sem væri hagstæðara
á margan hátt enda skemmra að
fara frá athafnasvæði Furu.
Fura hf. keypti málmtætara ís-
lenska stálfélagsins árið 1993 og
hafa síðan um 80 þúsund tonn af
brotajárni verið unnin á vegum
fyrirtækisins. Að sögn Sveins sam-
svarar það um 80 þúsund fólksbíl-
um.
Brotajárnið sem skipað var út í
gær, er á leið til Spánar og verður
brætt þar. Verðmætið nemur um
30 milljónum króna.
Sveinn sagði að Fura hf. hefði
nýverið gengið frá samningi við
Sorpstöð Mið-Austurlands að hirða
allt brotajárn sem fellur til á svæði
stöðvarinnar. Verður járnið flutt
með skipi í verksmiðjuna í Kapellu-
hrauni.
Sr. Bjarni Karlsson kjörinn prestur í Garðaprestakalli
Undirskriftasöfnun
vegna prestskosningar
UNDIRSKRIFTASÖFNUN er hafin
meðal sóknarbama í Garðasókn í
þeim tilgangi að fara fram á al-
menna prestskosningu í Garða-
prestakalli.
í prestakallinu eru þrjár sóknir,
Garðasókn, Bessastaðasókn og
Kálfatjamarsókn og kusu 34 kjör-
menn úr sóknamefndunum þremur
milli fímm umsækjenda sl. laugar-
dag.
25% sóknarbarna þurfa
að skrifa undir
Sr. Bjami Karlsson, sóknarprest-
ur í Vestmannaeyjum, hlaut flest
atkvæði, alls 17, og næstur honum
kom sr. Öm Bárður Jónsson með
11 atkvæði. Sr. Kristján Bjömsson
fékk fjögur atkvæði, sr. Yrsa
Þórðardóttir eitt en Hans Markús
Hafsteinsson guðfræðingur hlaut
Sr. Bjarni Sr. Örn Bárður
ekkert atkvæði. Einn seðill var auð-
ur. Magni Sigurhansson, eitt sóknar-
bama í Garðasókn, segir mikla
óánægju í Garðabæ með úrslit kosn-
inganna og því hafi verið ákveðið
að hrinda af stað undirskriftasöfn-
uninni. Til þess að almenn kosning
geti farið fram verða 25% atkvæðis-
bærra sóknarbama í prestakallinu
að óska eftir því, innan viku frá því
að úrslit em kynnt. Það eru um
1.700 manns en í prestakallinu em
6.768 atkvæðisbær sóknarböm, þar
af um 5.500j eða rúmlega 80%, í
Garðasókn. I Bessastaðasókn em
rúmlega 800 og í Kálfatjarnarsókn
um 450. Kjörmenn úr Garðasókn
vom aftur á móti 14 en 10 úr hvorri
hinna sóknanna.
Hópur fólks úr Garðabæ, sem
styður sr. Öm Bárð Jónsson, telur
vægi atkvæða ekki réttiátt og
hyggst því fara fram á almenna
kosningu. Magni tekur þó fram að
ekki sé um að ræða óánægju með
sr. Bjarna Karlsson, menn vilji að-
eins að prestur sé valinn á lýðræðis-
legan hátt.
Sr. Bragi Friðriksson prófastur,
sem hefur verið sóknarprestur um
árabil, lætur nú af störfum fyrir
aldurs sakir.
Samtök félaga í séreignar-
sjóðum stofnuð í vikunni
STOFNA á samtök sjóðfélaga séreignarlífeyris-
sjóða á fimmtudag en aðalmarkmið samtakanna
er að áfram verði heimilt að greiða lögbundna
tíund af launum í séreignarsjóði. Samkvæmt
nýju lífeyrisfrumvarpi sem nú liggur fyrir Al-
þingi verður skylt að greiða þetta 10% lífeyris-
framlag í sameignarlífeyrissjóði.
Að sögn Sigurðar R. Helgasonar, stjórnar-
formanns Frjálsa lífeyrissjóðsins, er um að ræða
samtök sjóðsfélaga frekar en séreignarsjóða.
Hann sagði að til viðbótar því markmiði að beij-
ast gegn þeim ákvæðum lífeyrisfrumvarpsins
að leggja séreignarsjóðina af í núverandi mynd,
væri það markmið samtakanna að vinna með
stjórnvöldum og sameignarsjóðunum að sameig-
inlegri lausn á málinu.
„Við viljum auka lífeyrisspamaðinr. í landinu
og eftir því sem valkostirnir eru fleiri, því fleiri
teljum við að muni greiða i lifeyrissjóði á ís-
landi,“ sagði Sigurður.
Hann sagði að þeir sem greiddu í séreignar-
sjóði hefðu margir ákveðnar skoðanir á lífeyris-
málum og hættan væri að ef þessi kostur væri
ekki fyrir hendi myndi hluti þessa fólks hætta
að greiða í lífeyrissjóði.
Málið á dagskrá SAL í dag
Lífeyrisfrumvarpið er til umræðu víðar þessa
dagana. Þannig verður í dag sambandsstjórnar-
fundur Sambands almennra lífeyrissjóða þar sem
frumvarpið verður eina málið á dagskrá og að
sögn Hrafns Magnússonar, framkvæmdastjóra
SAL, verður þar farið yfir stöðu málsins.
Neyðarbílar
88 óhöpp
á 5 árum
UNDANFARIN fimm ár hafa
lögreglu-, sjúkra- og slökkvi-
liðsbifreiðir í útkalli lent í 88
óhöppum í umferðinni, þar
af urðu 79 óhöpp vegna bíla
sem staðsettir eru í Reykja-
vík.
Ökumenn neyðarbifreið-
anna hafa ekki sætt viðurlög-
um vegna óhappanna en í
einu tilviki var lögreglumanni
bannað að aka lögreglubifreið
í sex mánuði og hann sendur
í akstursþjálfun og þjálfunar-
mat. Þetta kemur fram í svari
dómsmálaráðherra við fyrir-
spurn Hjálmars Árnasonar
alþingismanns.
Þvingunaraðferðum beitt
26 sinnum
í svarinu kemur einnig
fram að á sama tímabili hafa
lögreglumenn 26 sinnum
þurft að beita þvingunarað-
gerðum til að stöðva öku-
menn sem brotið hafa af sér.
í flestum tilvikum voru þar
ölvaðir ökumenn á ferð.
j
Gæslan
tók trillu á
bannsvæði
STARFSMENN Landhelgis-
gæslunnar stóðu trilluna
Stellu NK-12 að meintum
ólöglegum veiðum á laugar-
dag.
Trillan var um 1,3 mílur
innan við það 3 mílna bann- 1
svæði frá landi sem ætlað er
að vernda hrygningarstöðvar
þorsksins á þessum árstíma.
Að sögn Stefáns Melsteð,
lögfræðings Landhelgisgæsl-
unnar, var Fokker-flugvél
hennar á reglulegu gæslu-
flugi á laugardag og kom þá
að trillunni við veiðar út af
Norðfjarðarflóa.
Brotið var kært til sýslu-
manns í Neskaupstað og er
málið þar til meðferðar.
Bílbelti
Nær 200
sektaðir
160 ÖKUMENN og 25 far-
þegar hafa verið sektaðir fyr- *
ir að nota ekki bílbelti í um- I
ferðinni frá því átak lögregl-
unnar í þessum málum hófst
skömmu fyrir páska.
Lögreglan ráðgerir að
halda áfram að fylgjast sér-
staklega með bíltbeltanotk-
uninni á næstu vikum.
Hnökkum o g
pískum stolið
BROTIST var inn í vöru-
skemmu á baklóð MR-búðar-
innar á Laugavegi um helgina
og stolið um 45 reiðhnökkum
og 100 pískum.
Verðmæti ránsfengsins er
talið vera tæplega ein milljón
króna. Ekki hafði tekist að
hafa hendur í hári þjófanna
í gær.