Morgunblaðið - 15.04.1997, Blaðsíða 23

MORGUNBLAÐIÐ
ÞRIÐJUDAGUR 15. APRÍL 1997 23
ERLENT
Östaðfestar fregnir um vígvæð-
ingu í Norður-Kóreu
Ottast að eld-
flaugar geti
ógnað Japan
Tókýó. Reuter.
YUKIHIKO Ikeda, utanríkisráð-
herra Japans, sagði í gær að sam-
kvæmt óstaðfestum fréttum kynnu
Norður-Kóreumenn að hafa sett upp
nokkrar eidflaugar sem hægt yrði
að beita í árásum á Japan. Stjórnin
í Pyongyang sakaði stjórnvöld í
Bandaríkjunum, Suður-Kóreu og
Japan um að reyna að grafa undan
her Norður-Kóreu og hótaði að
hætta öllum viðræðum við Banda-
ríkjamenn um framkvæmd samnings
frá 1994 um breytingar á kjarn-
orkuáætlun Norður-Kóreumanna.
Ikeda sagði að óstaðfestar fregnir
hermdu að Norður-Kóreumenn
hefðu sett upp nokkrar eldflaugar
af gerðinni Rodong-1, sem drægju
1.000 km og gætu því ógnað megin-
hluta Japans.
Japanska sjónvarpsstöðin NHK
hafði sagt að myndir frá bandarísk-
um njósnahnöttum sýndu að þremur
Rodong-1 eldflaugum hefði verið
komið fyrir á hreyfanlegum skotpöll-
um við austurströnd Norður-Kóreu.
Var haft eftir bandarískum leyni-
þjónustumönnum að Norður-Kóreu-
menn hygðust flytja þangað sjö eld-
fiaugar til viðbótar.
Eldflaugamar hafa verið áhyggju-
efni í Japan frá því í maí 1993 þegar
Norður-Kóreumenn skutu Rodong-1
eldflaug í sjóinn nálægt strönd Jap-
ans í tilraunaskyni.
Hóta „gagnaðgerðum“
Málgagn stjórnarinnar í Pyongy-
ang fjallaði í gær um heimsóknir
Williams Cohens, varnarmálaráð-
herra Bandaríkjanna, og Johns Sha-
likashvilis, forseta bandaríska her-
ráðsins, til Japans og Suður-Kóreu
í vikunni sem leið. Blaðið sagði þær
sýna að Bandaríkjamenn væru að
reyna að grafa undan her Norður-
Kóreu „í samstarfi við strengjabrúð-
urnar í Japan og Suður-Kóreu“.
Stjórnin í Pyongyang ætti því ekki
annars kost en að hætta samskiptum
við Bandaríkjamenn og grípa til
„gagnaðgerða".
Bandaríkjastjórn hefur grunað
Norður-Kóreumenn um að stefna að
smíði kjarnavopna en með sam-
komulagi milli landanna árið 1994
var ákveðið að Bandaríkjamenn af-
hentu Norður-Kóreumönnum tvo
léttvatnskjarnakljúfa gegn því að
þeir breyttu kjarnorkuáætlunum sín-
um. N-Kóreumenn lofuðu m.a. að
loka tveimur kjarnakljúfum, sem
mætti að nota til að smíða kjarna-
vopn, en mun erfiðara er að fram-
leiða plúton í kjarnorkusprengjur í
léttvatnskj arnaklj úfunum.
Matvælaaðstoð sem „vopn“?
Stjórnin í Pyongyang sakaði einn-
ig stjórnvöld í Bandaríkjunum og
Suður-Kóreu um að hafa sett það
skilyrði fyrir matvælaaðstoð vegna
flóðanna í Norður-Kóreu að hún fall-
ist á friðaiviðræður. „Slík skilyrði
eru óheiðarleg," sagði embættismað-
ur í n-kóreska utanríkisráðuneytinu.
„Markmiðið er að beita matvælaað-
stoðinni sem pólitísku vopni og knýja
fram tilslakanir Norður-Kóreu í ör-
yggismálum."
Glundroði í Malí
Bamako. Reuter.
EFNT var til þingkosninga í Malí
í vestanverðri Afríku á sunnudag
en þær þóttu einkennast af glund-
roða vegna brotalama í skipulagn-
ingu þeirra.
Litið var á kosningarnar sem
prófstein á það hvort flölflokkalýð-
ræðið, sem var tekið upp árið 1992,
hefði náð að festa rætur í landinu.
Skortur á kjörgögnum og gloppótt-
ar kjörskrár urðu hins vegar til
þess að margir gátu ekki neytt at-
kvæðisréttar síns.
Alls voru 1.500 manns úr 21
flokki í framboði í kosningunum,
flestir þeirra stuðningsmenn Alpha
Dumars Konare forseta, sem var
kjörinn árið 1992, eða frambjóðend-
ur tveggja stærstu stjórnarand-
stöðuflokkanna.
Nýju Delhi. Reuter.
TALSMAÐUR Kongressflokksins á
Indlandi sagði í gær, að hugsanlega
yrði búið að leysa stjórnarkreppuna
í landinu eftir viku. Einingarflokk-
urinn, sem var við stjórn, reynir nú
að finna eftirmann H.D. Gowda
forsætisráðherra.
Deve Gowda hjó á hnútinn á
sunnudag þegar hann tilkynnti á
fundi í Einingarflokknum, sem 15
flokkar standa að, að hann væri
reiðubúinn að verða við kröfu
Kongressflokksins og láta af emb-
Ný stjórn á
Indlandi?
ætti ef samflokksmenn sínir vildu
það. Annar frammámaður í Eining-
arflokknum, Chandrababu Naidu,
sem þykir líklegur eftirmaður
Gowda, sagði, að almannahags-
munir skiptu mestu máli og þjóðin
öll mætti ekki líða fyrir ósveigjan-
lega afstöðu nokkurra manna.
Vilja ekki kosningar
Talsmaður Kongressflokksins,
sem hætti stuðningi við 10 mánaða
gamla stjórn Gowda í síðustu viku,
fagnaði yfirlýsingu Gowda og kvað
flokkinn mundu styðja stjórnina
áfram með nýjan mann við stjórn-
völinn. Því er líklegt, að komist
verði hjá nýjum kosningum en talið
er, að þjóðernissinnaðir hindúar
högnuðust mest á þeim.
Mánuður til stefnu
500.000 KRÓNA
VERÐLAUNAFÉ!
Bókmenntaverðlaun Halldórs Laxness voru
veitt í fyrsta sinn á liðnu hausti að undan-
genginni samkeppni. Við það tilefni var
minnt á að verðlaunin verða veitt árlega og
voru rithöfundar hvattir til að senda inn
handrit í samkeppni næsta árs. Skilafrestur
handrita er til 15. maí 1997. Verðlaunin
verða síðan afhent á hausti komandi og
kemur verðlaunabókin út sama dag hjá
Vöku-Helgafelli. Megintilgangur Bók-
menntaverðlauna Halldórs Laxness er að
efla íslenskan sagnaskáldskap og stuðla
þannig að endurnýjun íslenskrar frásagnar-
listar. Bókaforlagið Vaka-Helgafell stendur
að verðlaununum í samráði við fjölskyldu
skáldsins.
VERÐLAUNIN
Vaka-Helgafell leggur fram verðlaunaféð sem
nemur 500 þúsund krónum en við verðlauna-
upphæðina bætast venjuleg höfundarlaun
samkvæmt rammasamningi Rithöfunda-
sambands Islands og Félags íslenskra bóka-
útgefenda. Verðlaunin eru veitt fyrir nýja og
áður óbirta íslenska skáldsögu, eða safn
smásagna, að undangenginni samkeppni sem
er öllum opin.
Handritum skal skilað fyrir 15. maí 1997 til
Vöku-Helgafells, Síðumúla 6, 108 Reykjavík,
merkt „Bókmenntaverðlaun Halldórs Lax-
ness“. Handritin eiga að vera merkt dulnefni
en rétt nafn fylgi með í lokuðu umslagi.
HANDRITIÐ GEFIÐ ÚT í HAUST
Ætlunin er að Bókmenntaverðlaun Halldórs
Laxness verði veitt árlega. Komist dómnefnd
hins vegar einhverju sinni að þeirri niðurstöðu
að ekkert handritanna verðskuldi verðlaunin
getur hún ákveðið að veita þau höfundi sem
talinn er hafa auðgað íslenskar bókmenntir
með verkum sem þegar hafa verið gefin út.
SAMKEPPNIN ÖLLUM OPIN
Minnt er á að samkeppnin um Bókmennta-
verðlaun Halldórs Laxness er öllum opin, hvort
sem þátttakendur hafa áður gefið út bækur
eða ekki. Við hvetjum því jafnt unga sem
aldna höfunda til þess að senda handrit sín í
keppnina.
Að samkeppni lokinni geta þátttakendur
vitjað handritanna hjá Vöku-Helgafelli.
Upplýsingar um samkeppnina veitir
Pétur Már Ólafsson, í síma 550 3000
milli kl. 9 og 17.
VAKA-HELGAFELL • Síðumúlaó • 108 Reykjavík • Sími 550 3000