Morgunblaðið - 16.04.1997, Blaðsíða 11

MORGUNBLAÐIÐ
MIÐVIKUDAGUR 16. APRÍL 1997 11
FRÉTTIR
á•

Umræður um ungt fólk á Islandi og rannsóknir á málþingi RANNIS
Verðum að
gera Island að
álitlegum kosti
ER ÞAÐ eftirsóknarvert að gera
rannsóknir að ævistarfi eins og
nú er búið að þeim hér á landi?
Hvers vegna velja ungir vísinda-
menn að koma heim til íslands að
loknu námi til þess að vinna að
rannsóknum? Þessar spurningar
voru meðal þess sem rætt var í
einni af þremur málstofum á mál-
þingi um rannsóknir á íslandi, sem
haldið var á vegum Rannsóknar-
ráðs íslands á Hótel Loftleiðum í
gær. Yfírskrift málstofunnar var
„Unga fólkið og rannsóknir“ en í
hinum málstofunum tveimur var
rætt um „Skipulag rannsókna-
starfseminnar" og „Áherslur í
rannsóknum".
í erindi sínu rakti Gunnar Guðni
Tómasson, dósent við Háskóla Is-
lands og verkfræðingur hjá Verk-
fræðistofu Sigurðar Thoroddsen,
hvað þyrfti að breytast til þess að
það yrði eftirsóknarverðara en nú
er fyrir ungt fólk að gera rann-
sóknir að ævistárfi. Þar nefndi
hann fyrst og fremst samkeppnis-
hæf laun, ekki aðeins til þess að
bæta lífsafkomu hinna ungu vís-
indamanna, heldur einnig til þess
að auka virðingu fyrir rannsókna-
störfum í samfélaginu.
Mörg spennandi
verkefni óleyst
Hann nefndi einnig meiri stuðn-
ing við ungt fólk í upphafi rann-
sóknaferils og breyttar áherslur í
styrkveitingum en hann er þeirrar
skoðunar að fyrst fjármagn sé eins
takmarkað og raun ber vitni sé
æskilegra að veita færri en stærri
styrki, þannig að þeir sem styrkina
hljóti geti unnið markvissar að sín-
um rannsóknum.
Gunnar Guðni kvaðst trúa því
og vona að rannsóknir á íslandi
ættu sér bjarta framtíð. „Hér eru
mörg spennandi verkefni óleyst
og því af mörgu að taka fyrir
ungt og hæfileikaríkt fólk sem
hefur ákveðið að helga sig rann-
sóknum, við stöndum ágætlega að
menntun ungs fólks og eigum
mikið af vel menntuðu, hæfileika-
ríku fólki. Með breikkandi undir-
stöðum atvinnulífs og auknum
rannsóknum og þróun þar eykst
stuðningur við grunnrannsóknir,
bæði beint og óbeint.“
Ingibjörg Harðardóttir, mat-
vælafræðingur á Raunvísinda-
stofnun Háskóla íslands, kallaði
erindi sitt „Að koma eða koma
ekki - heim eftir nám“. Hún velti
m.a. fyrir sér spurningunni hvers
vegna svo margir ungir íslenskir
vísindamenn kysu að snúa heim
að loknu framhaldsnámi erlendis,
þrátt fyrir bágar aðstæður til
rannsóknastarfa hér á landi.
ísland í harðri
samkeppni við önnur lönd
„Ég held að flestir sem fara í
nám erlendis ætli sér að snúa heim
en eftir margra ára veru á er-
lendri grundu getur verið erfitt
að taka sig upp og flytja heim til
íslands. Þetta er erfið ákvörðun
og margt sem þarf að huga að
Morgunblaðið/Þorkell
FRÁ málstofu um ungt fólk og rannsóknir á málþingi Rannís á Hótel Loftleiðum í gær.
Endurskipulagning
rannsóknastofnana
atvinnuveganna
þegar hún er tekin,“ sagði Ingi-
björg.
Hún kvaðst þess þó fullviss að
margir ungir íslenskir vísinda-
menn hefðu áhuga á að koma
heim og vinna landi og þjóð vel.
„Hér á Islandi eru brautryðjendur
sem hafa smitað út frá sér og
unga vísindamenn fýsir að halda
áfram með brautryðjendastarfið
og vinna að frekari uppbyggingu
rannsókna á íslandi."
Ingibjörg benti á að með auknu
samstarfi þjóða væri orðið auð-
veldara fyrir íslendinga að fá
vinnu erlendis, í rannsóknum jafnt
sem öðru. „Það er alitaf eftirspurn
eftir framúrskarandi fólki og
margir íslenskir vísindamenn hafa
komið sér vel áfram erlendis. ís-
land er því í harðri samkeppni við
önnur iönd um unga íslenska vís-
indamenn sem eru að hasla sér
völl í rannsóknum. Við verðum að
gera okkar besta til að gera ísland
að álitlegum kosti fyrir þetta fólk
og það gerum við með því að búa
vel að því hvað varðar fjármagn
til rannsókna, aðstöðu og laun.“
„VÍSINDI og rannsóknir skipta höf-
uðmáli fyrir þróun atvinnulífsins og
fyrir hagvöxtinn," sagði Ólafur Dav-
íðsson, ráðuneytisstjóri í forsætis-
ráðuneytinu, á málþingi Rannsókn-
arráðs íslands í gær, þar sem hann
flutti erindi með yfirskriftinni
„Þekkingarþjóðfélagið - Væntingar
stjórnvalda til vísindasamfélagsins".
Hann segir endurskipulagningu á
rannsóknastofnunum atvinnuveg-
anna í deiglunni en að ennþá sé
nokkur tími þar til hún fari að skila
sér._
„I því sambandi er nauðsynlegt
að hafa í huga tengsl háskólans og
rannsóknastofnananna. Okkar sögu-
lega þróun hefur jú verið sú að rann-
sóknastofnanir atvinnuveganna hafa
verið settar upp og teknar út úr
háskólanum á sínum tíma. Það hefur
ótvírætt skilað vissum árangri í því
að samband fyrirtækjanna við þess-
ar rannsóknastofnanir er nánara en
það myndi vera við háskólann, en
þarna þarf að koma á enn nánara
sambandi og tengingu þannig að
fyrirtækin, háskólinn og rannsókna-
stofnanirnar séu allir virkir þátttak-
endur í þessu samstarfi. Hvað stjórn-
völd varðar er þetta næsta stóra
verkefnið á þessu sviði."
Ólafur gerði að umtalsefni vax-
andi kröfur um hagkvæmni og
árangur í vísindastarfsemi jafnt sem
annars staðar. Hann benti á að fyrir-
tækin yrðu að sýna ýtrustu hag-
kvæmni í rekstri til þess að standast
kröfur, sömu kröfur væru gerðar
um hagkvæmni í opinberum rekstri
og að eðlilegt væri að gera svipaðar
kröfur til rannsóknastarfsemi.
llSflll ■
Vígsluafmæli
Neskirkju
ÞESS var minnst við hátíðarguðs-
þjónustu í Neskirkju sl. sunnudag
að 40 ár eru liðin frá vígslu kirkj-
unnar. Ræðumaður dagsins var Þor-
steinn Pálsson kirkjumálaráðherra.
Var athöfnin mjög fjölmenn. Að
henni lokinni var gestum boðið til
kaffidrykkju í safnaðarheimilinu.
Meðfylgjandi myndir eru frá guðs-
þjónustunni og má sjá börn ganga
út að lokinni messu og sr. Frank
M. Halldórsson heilsa Þorsteini
Pálssyni.
Morgunblaðið/Þorkell
Sá minnsti
fæst auðvitað þar sem
úrvalið er hvað mest
Allt sem þú þarft til að nýta farsímatækni
nútímans færðu hjá okkur.
[ VERÐ A GSM SÍMUM FRÁ 29.BOO KR. ]
radiomidun
Grandagarði 9 • 101 Reykjavík • Sími 511 1010 • http://www.radiomidun.is