Morgunblaðið - 16.04.1997, Blaðsíða 13

MORGUNBLAÐIÐ
MIÐVIKUDAGUR 16. APRÍL 1997 13
AKUREYRI
LANDIÐ
Morgunblaðið/Þórhallur Jónsson
yERÐLAUNAHAFAR í ritgerðarsamkeppni, við hlið Trausta
Ólafssonar leikhússtjóra er Eva Heiða Önnudóttir, þá Sigríður
Eysteinsdóttir og Ásgeir T. Ingólfsson við hlið Ólafs Ragnarsson-
ar frá bókaforlaginu Vöku-Helgafelli.
V erðlaunaritgerðir
um Vefarann
í TENGSLUM við sýningu
Leikfélags Akureyrar á Vef-
aranum mikla frá Kasmír
efndu Leikfélagið og bókafor-
Iagið Vaka-Helgafell til rit-
gerðarsamkeppni meðal nem-
enda í framhaldsskólum um
þetta tímamótaverk Nóbels-
skáldsins. Verðlaun fyrir
bestu ritgerðirnar voru veitt
í hófi að frumsýningu lokinni.
Trausti Ólafsson leikhús-
stjóri sagði að ritgerðirnar
sem bárust hefðu fallið í þrjá
efnisflokka. Dómnefnd hefði
ákveðið að veita þrenn jöfn
verðlaun fyrir þær ritgerðir
sem bestar þóttu í hverjum
þessara flokka en raða verð-
launahöfum ekki í verðlauna-
sæti. Verðlaunin voru drjúg-
ur pakki af skáldverkum
Halldórs Laxness, sem Ólafur
Ragnarsson hjá Vöku-Helga-
felli afhenti verðlaunahöfum.
Trausti sagði að í einum
flokki ritgerða hefðu verið
hefðbundnar heimildarit-
gerður um skáldverkið. Best
í þeim flokki hefðu talist rit-
gerðin Um Vefarann mikla
frá Kasmír eftir Halldór Lax-
ness, en höfundur hennar
reyndist vera Sigríður Ey-
steinsdóttir, nemandi í
Menntaskólanum í Reykjavík.
í öðrum flokki reyndust að
sögn Trausta sendibréf af
ýmsu tagi sem persónur sög-
unnar eru látnar skrifa. Best
þessara bréfa hefði talist Bréf
úr klaustri, sendibréf sem
Steinn Elliði er látinn skrifa
föður Alban, aldraður maður
í klaustri í Róm. Höfundur
reyndist Eva Heiða Önnudótt-
ir, nemandi í Fjölbrauta-
skólanum í Breiðholti.
Þriðji flokkur ritgerðanna
voru vangaveltur út af ein-
hverri grunnhugmynd í Vef-
aranum og þar taldi dóm-
nefndin besta verkið Sam-
genglar, ritgerð um Vefarann
mikla frá Kasmír. Trausti
sagði að þar tæki höfundur
þýðingu Laxness á ljóði Hei-
nes, Samgeinglar, og sýndi
fram á það á frumlegan,
skemmtilegan og athyglis-
verðan hátt hvernig Ijóðið
endurspeglar bókina og
Steinn Elliði kemur fram í
hverjum hluta bókarinnar sem
tvífari þess Steins sem á und-
an er kominn. Höfundur
reyndist Asgeir T. Ingólfsson
nemandi við Menntaskólann á
Akureyri.
Ráðstefnan Landgræðsla á tímamótum
Ný landgræðslu-
áætlun kynnt
TÍMAMÓT eru í sögu landgræðslu
á íslandi í ár en 90 ár eru liðin frá
því Landgræðsla ríkisins hóf starf-
semi sína. Af því tilefni verður
haldin ráðstefna á Hótel KEA
næstkomandi föstudag, 18. apríl,
undir yfirskriftinni „Landgræðsla
á tímamótum".
Meginefni ráðstefnunnar er að
kynna nýja landgræðsluáætlun
sem unnið verður eftir á komandi
árum en auk þess verður fjallað
um sögu landgræðslu á Islandi og
landgræðslustarfið frá ýmsum
hliðum. Kynntar verða breyttar
forsendur í ljósi nýrrar þekkingar
á jarðvegsrofi og rætt verður um
þátttöku landsmanna í land-
græðslustarfinu.
Alþjóðleg viðhorf
í ljósi þess hve alþjóðlegar
skuldbindingar hafa mikil áhrif á
alla umgengni við náttúruna verð-
ur einnig Qallað um alþjóðleg við-
horf og samninga á sviði land-
græðslu og sjálfbæra þróun og sið-
fræði landnýtingar.
í tilefni af ráðstefnunni verður
undirrituð yfirlýsing um samstarf
Landgræðslunnar, Olís og Akur-
eyrarbæjar um uppgræðsluátak í
Glerárdal. Áætlað er að verkefninu
ljúki árið 2000.
Matvælakynning
Einnig verður efnt til kynningar
á matvælaframleiðslu fyrirtækja
við Eyjafjörð og fyrirtækjum og
stofnunum gefinn kostur á að
kynna starfsemi sína og einstök
verkefni er tengast landgræðslu
og umhverfismálum í sérstökum
sýningarbásum sem settir verða
upp á ráðstefnustað.
Forseti íslands, herra Ólafur
Ragnar Grímsson, heiðrar sam-
komuna með nærveru sinni. Land-
græðsla ríkisins, Landbúnaðar-
ráðuneytið og Háskólinn á Akur-
eyri efna til ráðstefnunnar.
Landsí maþj ónustan
lögð niður á ísafirði
ísafirði - Þeir sem notfæra sér
landsímaþjónustu Pósts og síma hf.
á Isafirði mega eiga von á því á
næstunni að ókunnar raddir svari
þegar hringt er í númerið 119.
Unnið er að því að leggja þessa
þjónustu niður á ísafirði og verður
hún framvegis rekin úr Reykjavík
en í staðinn verður upplýsingaþjón-
usta fyrir Vestfirði í númerinu 118.
„Við miðuðum að því að þessar
breytingar yrðu yfirstaðnar á
mánudag en tæknilega gekk það
ekki upp og þess vegna er þetta
ekki komið í gagnið. Ég á von á
að tæknimálin leysist fljótlega og
þá verður þessu breytt,“ sagði
Sveinbjörn Björnsson hjá þjónustu-
miðstöð Pósts og síma hf. í samtali
við blaðið.
„Það kemur maður í manns stað
og breytingin er raunverulega fólg-
in í því að dömurnar í Reykjavík
svara í staðinn fyrir dömurnar hér.
Ég vona að þær fyrir sunnan veiti
ekki verri þjónustu. Það er nú samt
svo að þjónustan verður oft öðru-
vísi og persónulegri þegar fólk
þekkist," sagði Sveinbjörn aðspurð-
ur um hvort fólk ætti ekki eftir að
sakna ísfirsku raddanna á land-
símanum.
Morgunblaðið/Anna Ingólfsdóttir
NOKKRIR íbúar Fljótsdalshéraðs fengu viðurkenningu fyrir gott framtak. Þeir tóku við viðurkenn-
ingunum úr hendi formanns félagsins, Philip Vogler.
Einstaklingar verðlaunaðir fyrir gott framtak
Egilsstöðum - Framfarafélag
Fljótsdalshéraðs viðurkenndi
10 aðila fyrir gott framtak á
sviði menningarmála, atvinnu-
mála og umhverfis og ferða-
mála. Viðurkenningarnar voru
afhentar á hátíðardagskrá árs-
hátíðar Harmóníkufélags Hér-
aðsbúa.
Framfarafélag Fljótsdalshér-
aðs er 10 ára á þessu ári og
vildi af því tilefni vekja athygli
á þeim einstaklingum sem hafa
lagt sig fram við eitthvert mál-
efni og unnið að því af alúð.
Alls komu um 50 tilnefningar
og voru 10 valdar þar úr.
Þeir sem hlutu viðurkenn-
Viðurkenning-
ar Heilbrigðis-
eftirlits Suð-
urlands
Selfossi - Á aðalfundi Samtaka
sunnlenskra sveitarfélaga, sem
haldin var að Hótel Geysi 4.-5.
apríl sl., veitti Heilbrigðiseftir-
lit Suðurlands viðurkenningar
til nokkurra fyrirtækja sem
skara fram úr varðandi um-
hverfis- og heilbrigðisþætti.
í ár voru tilnefndir til viður-
kenninga um 20 aðilar, af þeim
630 sem njóta þjónustu Heil-
brigðiseftirlitsins, 9 aðilar
hlutu viðurkenningu. Að þessu
sinni var það matvælafram-
leiðsla og ferðaþjónusta í byggð
og á hálendinu ásamt fleirum
sem hlutu þessar viðurkenning-
ar.
í matvælageiranum var það
Sláturfélag Suðurlands sem
hlaut viðurkenningu vegna
margvíslegra úrbóta á slátur-
húsi fyrirtækisins, bæði á vett-
fangi umhverfismála og vegna
innanhúsframkvæmda.
í ferðaþjónustunni hlutu
ingar voru; á sviði menningar-
mála: Kristján Gissurarson,
Eiðum, fyrir störf að tónlistar-
málum, kórstarf, svo og störf
að málefnum fatlaðra. Árni
Isleifsson, Egilsstöðum, fyrir
Djasshátíð Egilsstaða, tónlist-
arkennslu og kórstarf. Krist-
rún Jónsdóttir, Egilsstöðum,
fyrir leiklistarstarf barna og
unglinga í Leikfélagi Fljóts-
dalshéraðs. Fyrir atvinnumál:
Helgi Arngrímsson og Bryndís
Snjólfsdóttir, Borgarfirði
eystra. Hlynur Halldórsson og
Edda Björnsdóttir, Miðhúsum,
Egilsstöðum, og Sveinn Jóns-
son, Egilsstöðum. Fyrir um-
hverfis- og ferðamál: Eysteinn
Einarsson, Tjarnarlandi, fyrir
frumkvæði og góða fram-
kvæmd sorpeyðingarmála. Jón
Hallgrímsson, MælivöIIum,
Jökuldal, fyrir uppgræðslu
lands. Vernharður Vilhjálms-
son og Anna Birna Snæþórs-
dóttir, Möðrudal, fyrir örygg-
ismál ferðamanna á Möðru-
dalsöræfum. Sérstaka viður-
kenningu fengu Eymundur
Magnússon og Kristbjörg
Kristmundsdóttir, Vallanesi,
fyrir nýjungar á sviði landbún-
aðar, en þau voru erlendis og
gátu því ekki tekið við viður-
kenningunni.
Morgunblaðið/Sig. Fannar.
FRÁ verðlaunaafhendingu Heilbrigðiseftirlits Suðurlands 1997.
eftirtalin fyrirtæki viðurkenn-
ingu : Mosfell á Hellu, Leiru-
bakki í Holta- og Landsveit,
Rangárvallarhreppur, Hótel
Versalir á Sprengisandi, Ferða-
félag Islands vegna hálendis-
skála í Nýjadal á Sprengisandi,
Vestur Eyjafjallahreppur
vegna Hamragarða, og Sérleyf-
isbílar Selfoss. Hitaveita
Reykjavíkur hlaut einnig verð-
laun vegna Nesjavalla í Grafn-
ingshreppi.
Þeim Guðmundi Inga Gunn-
laugssyni sveitarstjóra og for-
manni SASS og ísólfi Gylfa
Pálmasyni, fyrrverandi sveitar-
stjóra í Hvolhreppi og núver-
andi þingmanni, voru færðar
kveðjur og þakkir fyrir sinn
þátt í uppbyggingu Heilbrigðis-
eftirlits Suðurlands.