Morgunblaðið - 22.04.1997, Qupperneq 19

MORGUNBLAÐIÐ
ÞRIÐJUDAGUR 22. APRÍL 1997 19
Liðið ár var besta ár í fjörutíu ára sögu
Síldarvinnslunnar
Veltanjókst
um 37%
AÐALFUNDUR Síldarvinnslunnar
hf. í Neskaupstað, sem haldinn var
á laugardag, ákvað að auka hluta-
fé félagsins um 100% með útgáfu
jöfnunarhlutabréfa. Jafnframt
samþykkti fundurinn að veita
stjórn félagsins heimild til að auka
hlutafé félagsins um 10% til viðbót-
ar með útgáfu nýrra hluta og
ákveðið var að greiða 10% arð
vegna ársins 1996.
Heildarvelta Sildarvinnslunnar
var 4.249 milljónir króna á siðasta
ári. Rekstrartekjur námu 3.539
milljónum króna og rekstrargjöld
án afskrifta 2.913 milljónum
króna. Hagnaður fyrir afskriftir
og fjármagnsliði nam 626 milljón-
um króna og hagnaður af reglu-
legri starfsemi, að teknu tilliti til
óreglulegra liða, nam 494 milljón-
um króna, en árið á undan var
hagnaður félagsins 165 milljónir
króna.
Kristinn V. Jóhannsson,
stjórnarformaður fyrirtækisins,
sagði í ræðu sinni á aðalfundinum
að afkoman á síðasta ári væri besta
afkoma fyrirtækisins frá upphafi.
Velta fyrirtækisins jókst um 37%
milli ára og sagði Kristinn að meg-
inskýringin á þessari auknu veltu
væri að loðnuveiðar og vinnsla
hefðu gengið vel á síðasta ári og
afurðaverð á mjöli og lýsi hefði
verið hagstætt.
Lýsisframleiðsla jókst um
102%
Kristinn sagði að síðasta ár hefði
verið mesta aflaár í sögu Síldar-
vinnslunnar frá upphafi. Heildar-
afli skipa fyrirtækisins hefði verið
103 þúsund tonn, en hefði verið
67 þúsund tonn árið áður. Mest
munaði um að loðnuaflinn hefði
aukist um 31 þúsund tonn og sílar-
aflinn um tæp 5 þúsund tonn. Þá
hefði framleiðsla fyrirtækisins
aldrei verið meiri og aukist um 53%
milli ára.
Aukning hafí orðið á öllum svið-
um nema í saltfiskverkun. Fram-
leiðsla á lýsi hafi aukist um 102%,
þó hráefni til bræðslu hafi ekki
aukist nema um 54%. Skýringin
sé aukin haustveiði á loðnu og að
síldveiðar úr norsk-íslenska síldar-
stofninum hafi hafist seinna en
árið 1995. Þá hafí Síldarvinnslan
verið stærsti síldarsaltandi á land-
inu undanfarin ár og nýtt met
500 milljóna
hagnaður af
Fríhöfninni
Fyrirtækið greiddi 150 milljónir króna í
áfengisskatt 1996
HAGNAÐUR fríhafnarverslunar-
innar í Leifsstöð á Keflavíkurflug-
velli nam rúmum 500 milljónum
króna á síðasta ári. Árið 1995 nam
hagnaðurinn 585 milljónum króna.
Velta fríhafnarverslunarinnar nam
2,6 milljörðum króna á síðasta ári
og hefur aukist um 17,45% frá
árinu 1995 en þá nam veltan 2,2
milljörðum króna.
Að sögn Guðmundar Karls Jóns-
sonar, forstjóra Fríhafnarinnar á
Keflavíkurflugvelli, eru hagnaðar-
tölur ekki sambærilegar á milli ára
þar sem Fríhöfnin hóf að greiða
áfengisskatt til ríkissjóðs í septem-
ber 1995. „Áfengisskatturinn hafði
tiltölulega lítil áhrif á árinu 1995
en á árinu 1996 greiddi Fríhöfnin
150 milljónir króna í áfengisskatt
sem kemur til viðbótar hagnaði
ársins sem rennur allur til ríkis-
sjóðs. Fríhöfnin greiddi síðan ríkis-
sjóði 100 milljónir króna í húsa-
leigu bæði árin.“
Framtíðarskipulag
endurskoðað
Utanríkisráðherra hefur nýverið
skipað nefnd til að endurskoða
framtíðarskipulag verslunar- og
þjónustureksturs í flugstöðvum.
Formaður nefndarinnar er Ólafur
Örn Haraldsson alþingismaður og
hittu nefndarmenn forsvarsmenn
Félags íslenskra stórkaupmanna,
Kaupmannasamtaka íslands og
Verslunarráðs íslands, á fundi sl.
fimmtudag þar sem ræddar voru
framtíðaráform verslunar- og þjón-
usturekstrar í Leifsstöð. Að sögn
Sigurðar Jónssonar, framkvæmda-
stjóra Kaupmannasamtaka ís-
lands, á nefndin að skila tillögum
um breytingar á rekstri verslunar
og þjónustu fyrir 1. ágúst nk. „Á
fundinum lögðum við áherslu á það
sjónarmið okkar að verslunar- og
þjónusturekstur í flugstöðinni ætti
að vera í höndum einkaaðila. Helst
að öllu leyti en a.m.k. á öllu öðru
en fríhafnarverslun með mjög tak-
markað vöruúrval og helst ekki
annað en áfengi og tóbak. Við
lögðum einnig mikla áherslu á að
heildarskipulag fyrir verslunar- og
þjónusturými í flugstöðinni yrði
ákveðið strax en síðan mætti fram-
kvæma það í áföngum og tóku
nefnarmenn jákvætt í þetta sjónar-
mið okkar.“
Hlutur komuverslunar 44%
Sigurður segir að hlutur komu-
verslunarinnar í 2,6 milljarða veltu
fríhafnarinnar á síðasta ári hafí
verið 1,1 milljarður, eða 44%.
„Meðalsala alls á hvern farþega
sem fóru um flugvöllinn var 2.531
króna en ef aðeins er litið á komuf-
arþega, sem alls voru 373 þúsund,
þá var meðalsala á farþega í komu-
verslun 3.058 krónur. Salan í
komuversluninni reyndist vera
mest síðustu þijá mánuði ársins,
en það er einmitt sá tími sem svo-
kallaðar borgarferðir Islendinga til
útlanda standa yfír.“
VIÐSKIPTI
//^\\ 10 stærstu hluthafar Lsvn I Síldarvinnslunnar hf. Neskaupstað 19- apríl 1997 Hiutaté Eignarh|Utiaprí| 997
1.S.Ú.N. 92.659.4
2. Bæiarsióður Neskaupstaðar 38.817,6 ■■■19,70%
3. Lífeyrissióður Austurlands 38.788.9 ■■■■9,69%
4. Olíuverslun Íslands 27.718.5 ■■■ 6,92%
5. Burðarás 26.026.5 ■■ 6,50%
6. Auðlind 12.328.8 ■ 3,08%
7. Trvflninqarmiðstöðin 10.468.0 ■ 2,62%
8. Þróunarfélaq íslands 7.274,0 ■ 1,82%
9. Olíusamlag Utvegsmanna 7.146,5 ■ 1,79%
10. Gísli V. Einarsson 7.116.8 ■ 1,78%^m ,
Samtals 268.344,8 67,05%
Aðrir hluthafar (um 5701 131.655.2 32.95%
Hlutafé alls 400.000.0 100.00%
| |
hafi verið sett í þeim efnum á síð- asta ári þegar söltuð hafi verið 8.500 tonn af síld. Flest bendi til þess að aukning verði á síldarsölu næstu ár, einkum á frystri síld. Að lokum sagði Kristinn og vitn- aði þar til ávarpsorða í ársskýrslu fyrirtækisins: „Árferði í hafínu skiptir sjávarútvegsfyrirtæki að sjálfsögðu miklu og í þeim efnum virðist ástæða til nokkurrar bjart- sýni. En „árferðið" í landi, það er að segja það starfsumhverfí sem fyrirtækjunum er búið, skiptir engu minna máli. Þar eru gildustu þættirnir stöðugleiki í efnahags- málum og skilvirkt fiskveiðistjórn- unarkerfi. Fyrirtækin eru nú að
FRÁ aðalfundi Síldarvinnsl-
unnar sem haldinn var á laug-
ardaginn var. Finnbogi Jóns-
son, framkvæmdastjóri er i
ræðustól.
byija að uppskera árangur afla-
markskerfisins og mikils starfs við
endurskipulagningu og breyttan
rekstur. Fái þau eðlilegan starfs-
frið mun þjóðin öll uppskera ríku-
lega í framtíðinni."
Hluthöfum í Síldarvinnslunni
fjölgaði verulega á síðasta ári eða
um 154 og voru í árslok 501 tals-
ins. Gengi hlutabréfa í félaginu
hækkaði einnig mjög mikið á ár-
inu eða úr 4 í ársbyijun í 11,80
í árslok eða um 224% að teknu
tilliti til útgáfu 10% jöfnunar-
hlutabréfa. Eiginfjárhlutfall í
árslok var 37%, en í ársbyijun
var það rúm 28%. Arðsemi eigin
fjár var 47%. 360 starfsmenn
störfuðu að meðaltali hjá fyrir-
tækinu á síðasta ári og námu
heildarlaunagreiðslur 965 millj-
ónum króna. Stjórn félagsins var
endurkjörin á aðalfundinum.
1
Almennt hlutafjárútboð
Útgefandi: Sláturfélag Suðurlands svf.
Sölutímabil: 22. apríl-20.júní 1997
Forkaupsréttur: Félagsmenn í A-deild stofnsjóðs og eigendur hlutabréfa í B-deild stofnsjóðs hafa forkaupsrétt á útboðinu í réttu hlutfalli við inneignir á tímabilinu 22. apríl - 6. maí 1997. Þau hlutabréf sem óseld kunna að verða mun félagið selja á almennum markaði frá 12. maí 1997.
Nafnverð hlutabréfa: 67.168.349 krónur.
Sölugengi: Sölugengi til forkaupsréttarhafa er 3,00 en 3,20 í upphafi almennrar sölu. Gengið getur breyst eftir að almenn sala hefst.
Skilmálar: Hlutabréf í almennu útboði skulu staðgreidd við kaup. Lágmarksupphæð í almennri sölu er kr. 10.000 að nafnverði.
Söluaðilar: Kaupþing hf. og Kaupþing Norðurlands hf.
Skráning: Núverandi hlutabréf í B-deild stofnsjóðs félagsins eru skráð á Verðbréfaþingi íslands. Óskað verður eftir skráningu á hinu nýja hlutafé.
Umsjónaraðili útboðs: Kaupþing hf.
Útboðslýsing liggur frammi hjá söluaðilum og útgefanda.
1
KAUPÞING HF löggilt verðbréfafyrirtœki Ármúla 13a, 108 Reykjavík - Sími 515-1500, fax 515-1509