Morgunblaðið - 17.05.1997, Blaðsíða 4

4 LAUGARDAGUR 17. MAÍ 1997
MORGUNBLAÐIÐ
FRÉTTIR
Morgunblaðið/Anna Magnea Hreinsdóttir
BRÚÐAN Palli hvílist í bakpoka eins samferðamanna sinna
undir Eiffel-turninum, einu þekktasta tákni Parísarborgar.
Tuskubrúðan Palli
í borg elskendanna
TU SKUBRÚÐ AN Palli held-
ur áfram sinni ævintýraför
og er nýkomin úr vel heppn-
aðri ferð til Parísar. Fyrr í
vetur var sagt frá ferðum
Palla um landið og nú hefur
verið ákveðið að hann skuli
fá að skoða sig um í heimin-
um og segja svo vinum sín-
um á leikskólanum Kjarrið
í Garðabæ fráþví markverð-
asta sem fyrir augum ber.
Ferðalag brúðunnar víð-
förlu hófst þegar mæður
tveggja barna á leikskólan-
um sem starfa sem flug-
menn Flugleiða buðu Palla
að slást í för með sér í
tengslum við verkefni um
landið okkar ísland sem
eldri hópar barnaheimilisins
unnu þá að. Verkefnið gafst
vel og því var ákveðið að
næst skyldu börnin fræðast
um helstu staði í Evrópu og
Ameríku.
Til Parísar kom Palli
tuskubrúða með starfsfólki
leikskólans og Hulda Þóris-
dóttir, leikskólakennari, var
ekki frá því að honum hefði
tekist að læra nokkur frönsk
orð. Að minnsta kosti upp-
lifði hann framandi um-
hverfi sem gaman verður að
segja krökkunum á Kjarrinu
frá. Formlegar utanlands-
ferðir tuskubrúðunnar Palla
hefjast í haust en næst mun
brúðan fara til Hveragerðis
í lok maí með útskriftarhóp
barna af leikskólanum.
Það borgar sig að kunna skil á úrgangi.
Kynntu þér breytta gjaldskyldu
lá endurvinnslustöðvum okkar.
veikomln á endurvinnslustöðvarnar
SORPEYÐING
HÖFUÐBORGARSVÆÐISINS bs
Níu aðilar buðu í vél- og rafbúnað Sultartangavirkjunar
Lægsta boð tæp 80%
af kostnaðaráætlun
Tilboð opnuð í Sultartangavirkjun
Vél- og rafbúnaður Heildar- upphæð millj. kr. Hlutfall (%) af áætlun
Kostnaðaráætlun* 4.109,7 100,00
1. Sulzer Hydro Gmbh 3.404,4 79.68
2. Siemens II 3.421,3 82.84
3. ABB Generation AB/Kværner 3.459,3 83.25
4. GEC Alsthorn Neypric 3.465,2 84.17
5. Siemens I 3.634,3 84.32
6. Siemens III 3.668,5 88.43
7. CEGELEC, Hydro Veyvey, Energ., Stálsm. 3.734,9 89.26
8. Voith - Elin - Metalna 3.746,0 90.88
9. GEC Alsthorn Neypric 3.847,3 91.15
10. Ansaldo Energia SpA 4.020,6 93.61
13. Agra Monenco, GE Kanada, Clemessy II 4.088,6 97.83
14. Agra Monenco, GE Kanada, Clemessy I 4.112,8 99.49
15. IMPSA International 4.734,2 100.07
* Kostnaðaráætlun er unnin af Verkfræðistofu Sigurðar Thoroddsen hf., ráðgjafa
Landsvirkjunar.
NÍU aðilar, einstök fyrirtæki eða
fleiri fyrirtæki í sameiningu, Iögðu
fram tilboð í vél- og rafbúnað Sult-
artangavirkjunar en tilboðin voru
opnuð hjá Landsvirkjun í gær.
Lægsta boðið barst frá svissneska
fyrirtækinu Sulzer Hydro og hljóð-
aði upp á rúmlega 3.274 milljónir
íslenskra kr. en það eru 79,68% af
kostnaðaráætlun Landsvirkjunar.
Kostnaðaráætlun 4,1
milljarður
Verkið sem boðið var út felst í
smíði og uppsetningu tveggja 60
MW vélasamstæðna, loka, spenna,
rofa og annars tilheyrandi vél-,
raf- og stjórnbúnaðar virkjunar-
innar. Kostnaðaráætlun ráðgjafa
Landsvirkjunar, Verkfræðistofu
Sigurðar Thoroddsen hf. nam
4.109,8 milljónum kr.
Næst lægsta boðið sem barst í
útboðinu er frávikstilboð frá Siem-
ens sem hljóðar upp á rúmlega
3.404 millj. kr. Aðaltilboð Siemens
er að upphæð rúmlega 3.465 millj.
kr. ABB Generation AB/Kværner
áttu saman þriðja lægsta tilboðið,
rúmlega 3.421. millj. kr., auk
þriggja frávikstilboða.
Fyrirtækin sem buðu í búnaðinn
eru öll erlend að Stálsmiðjunni und-
anskilinni, en hún er aðili að tilboði
frá CEGELEC, Hydro Vervey og
Energomachexport. Tilboðum bjóð-
enda er skipt á milli íslenskra króna
og ýmissa erlendra gjaldmiðla.
Tilboðin verða nú yfirfarin og
metin af Landsvirkjun en að því
búnu tekur stjóm Landsvirkjunar
ákvörðun um hvaða tilboði verður
tekið.
Kjaraviðræðurnar á Vestfjörðum eru í hörðum hnút
Bónusinn er ásteyt-
ingarsteinninn
Ýmsir telja miðlunartillögu einu lausnina í
kjaradeilunni á Vestfjörðum. Jóhannes Tóm-
asson var á ísafirði á fímmtudag og skyggnd-
ist bak við tjöldin í þessari erfíðu deilu.
DJÚPSTÆÐUR ágreiningur er milli
atvinnurekenda og verkalýðsforyst-
unnar á Vestfjörðum og er ekki út-
lit fyrir að verkfallið þar leysist í
bráð. Viðræðum var slitið undir mið-
nætti í fyrrakvöld og verður deiluað-
ilum ekki stefnt saman á ný í bráð
nema einhver merki berist frá þeim
um tilslökun.
Síðustu daga hafa deiluaðilar
skipst á útfærslum á ýmsum minni
háttar atriðum en launaliðurinn er
ekki ræddur meðan ágreiningur er
um hlutverk bónusgreiðslna í samn-
ingnum. Þar stendur hnífurinn í
kúnni. Kröfur ASV eru 100 þúsund
króna lágmarkslaun og að bónus
verði tekinn inní dagvinnutaxtann. Á
það vilja vinnuveitendur ekki fallast
og segja útilokað að samþykkja að
iágmarksbónus í fiskvinnslunni verði
jafnhár og hámarksbónus. „Fái menn
slíkan bónus er búið að eyðileggja
bónuskerfið og hann hættir að verða
mönnum hvati til afkasta ef hann
fæst hvort eð er,“ segja atvinnurek-
endur. Telja þeir að afköstin muni
minnka, fyrirtækin skili þá minni
framlegð og að staða þeirra veikist.
Verða að bæta reksturinn
Fulltrúar verkalýðsfélaganna telja
að fískvinnslan geti greitt hærri laun
og standa þess vegna fast á kröfu
sinni um verulega hækkun. Telja
þeir fyrirtækin standa það vel og
þau sem ekki treysti sér til að verða
við kröfum ASV verði hreinlega að
bæta rekstur sinn. Þeir benda einnig
á mikla óánægju í mörgum félögum
með samningana sem gerðir hafa
verið innan Verkamannasambands-
ins, sums staðar hafi komið í Ijós
að útborguð laun hafi lækkað og
segja þessa óánægju einnig fyrir
hendi í Bolungarvík. Halda þeir fram
að samningamir hafí verið sam-
þykktir þar vegna þess að þar séu
útlendingar stór hluti félagsmanna
sem óttist að missa annars vinnuna.
Mikill tími hefur farið í samninga-
viðræðumar og má segja að þar hafí
margir vinnudagar farið fyrir lítið.
Samninganefnd vinnuveitenda skipa
5-7 menn og 10-12 koma að viðræð-
unum fyrir hönd ASV. Kjarasamn-
ingar ganga oft fyrir sig eftir óskráðu
mynstri, skipst er á hugmyndum sem
hvor aðili um sig metur og reiknar
í sínum herbúðum, sáttasemjari leiðir
síðan talsmenn hópanna saman til
að heyra hvort þeir hafi nálgast.
Kynslóðaskipti
Þegar hægt gengur ræða menn
gjaman málin óformlega, einn til
tveir úr hvoru liði, sem em í góðu
sambandi við einhvem úr herbúðum
hinna, spjalla til að freista þess að
fínna fleti sem nálgast megi með.
Þeir eru síðan ræddir í hópunum og
hugsanlega stigið enn eitt skrefíð
til samkomulags. Þessi ferill hefur
verið með öðrum hætti í viðræðunum
vestra. Nokkur umskipti hafa orðið
í stjórnum verkalýðsfélaganna, yngri
félagsmenn tekið við sem vilja sýna
klærnar í viðræðum ASV við vinnu-
veitendur. Sjónarmið hinna varkár-
ari og kannski raunsærri hafa því
orðið að vikja og því ekki um tilslak-
anir að ræða, menn hanga á á upp-
haflegu kröfunum og neita að horf-
ast í augu við eitthvað sem gæti
verið raunvemleg niðurstaða. Má
segja að nokkur kynslóðaskipti séu
að verða innan verkalýðsfélaganna.
Verkfallsmenn segjast standa vel
að vígi, hafa fengið verkfallsbætur
og framlög í verkfallssjóði frá öðrum
verkalýðsfélögum. Þeim sé því ekk-
ert að vanbúnaði að vera í verkfalli
áfram. Útilokað er að segja á þess-
ari stundu hvenær næsta skref verð-
ur stigið. Vinnuveitendur tala af
meiri svartsýni, fyrirtækin eru farin
að missa sölusamninga og sumir
starfsmenn hafa sagt upp og horfið
til annarra landshluta þar sem næg
vinna er þar sem þeir sjá ekki að
verkfall leysist á næstunni.
Miðlunartillaga eína lausnin?
Miðlunartillaga frá sáttasemjara
þykir ekki raunhæfur kostur meðan
svo breitt bil er milli aðila. Slík til-
laga er ekki lögð fram fyrr en nokk-
uð ljóst þykir að báðir aðilar geti
við hana unað. Kæmi slík tillaga
fram í dag yrði hún að vera nokkuð
nálægt samningunum sem þegar
hafa verið gerðir til að þóknast
vinnuveitendum en talsvert hærri ef
ASV á að geta samþykkt hana.
Eins og alltaf í hörðum kjaravið-
ræðum hafa ýmsar yfirlýsingar
gengið á milli og spurning er hvern-
ig hvor aðili um sig getur fallist á
viðunandi lausn. í herbúðum verk-
fallsmanna féllu þau orð að forystu-
menn og samningamenn ASV
myndu vart þora út á götur ef niður-
staðan yrði eitthvað minna en kröf-
urnar gera ráð fyrir. Spuming er
hvort miðlunartillaga dugi til að all-
ir „haldi andlitinu".