Morgunblaðið - 04.09.1997, Qupperneq 2

2 FIMMTUDAGUR 4. SEPTEMBER 1997
FRETTIR
MORGUNBLAÐIÐ

Fjármálaráðherra um birtingu
álagningar- og skattskrár
Nauðsynlegt að
samræma gagn-
stæð sjónarmið
STARFSHÓPUR á vegum fjármála-
ráðuneytisins, sem fjallað hefur um
hvort ástæða sé til að breyta laga-
reglum um birtingu álagningar- og
skattskráa og kannað hvaða reglur
gilda um birtingu slíkra upplýsinga
í öðrum löndum, skilar væntanlega
Friðrik Sophussyni fjármálaráðherra
endanlegri niðurstöðu sinni í haust.
„Þá fyrst get ég sagt til um hvert
framhaldið verður," segir Friðrik.
Fjármálaráðherra gaf á síðasta
ári út reglugerð sem takmarkaði
aðgang að álagningarskrám og
byggðist sú ákvörðun á þeim sjónar-
miðum Tölvunefndar að upplýsingar
um tekjur manna væru persónuupp-
lýsingar sem fara bæri varlega með.
Reglugerðin var gagnrýnd harðlega
á Alþingi og var fallið frá megin-
breytingunni en látið nægja að gera
minniháttar breytingar. I framhaldi
af því fól íjármálaráðherra starfs-
hópi að skoða málið nánar. Skilaði
hópurinn áfangaskýrslu í mars sl.
sem rædd var í ríkisstjóm en ákveð-
ið var að afla frekari upplýsinga um
efnið frá öðrum löndum.
Þróunin í öðrum löndum að
fólk eigi að njóta friðhelgi
Fjármálaráðherra segir að í
þessu máli takist á tvö gagnstæð
viðhorf sem nauðsynlegt sé að sam-
ræma með einhveijum hætti. „Þar
er annars vegar um það viðhorf að
ræða að birta skuli skrá yfir þá
skatta sem greiddir eru til þess að
auka aðhald almennings og hefur
það sjónarmið verið ríkjandi hér á
landi. Hitt sjónarmiðið byggir á
friðhelgi einkalífs og á þau sjónar-
mið hefur Tölvunefnd einkum lagt
áherslu, ekki síst nú þegar mjög
auðvelt er að nýta sér tölvukeyrðar
skrár í sérstökum tilgangi eins og
þeim að selja slíkar skrár aðilum,
sem eru að markaðssetja vörur eða
þjónustu," segir Friðrik. Fjármála-
ráðherra segist ekkert geta sagt til
um á þessari stundu hvort sjónar-
miðið muni vega þyngra í endanleg-
um niðurstöðum starfshópsins.
„Mér sýnist augljóst af starfí nefnd-
arinnar að mjög mismunandi reglur
gildi um þessi mál í öðrum löndum
og má geta þess að í Noregi eru
eingöngu lagðar fram álagningar-
skrár, í Svíþjóð eru aðgengilegar
víðtækar upplýsingar úr skatt-
skrám en í Danmörku eru slíkar
upplýsingar taldar persónuupplýs-
ingar og aðgangur að þeim mjög
takmarkaður. Þessi hópur hefur
verið að kanna þetta í fleiri löndum
og mér sýnist að það gæti í vax-
andi mæli þeirra sjónarmiða að fólk
eigi að njóta friðhelgi hvað þessar
upplýsingar varðar," segir Friðrik.
Flýta birtingn
skattskrár
Friðrik segir að í áfangaskýrslu
starfshópsins í mars sl. hafi komið
fram það sjónarmið að eðlilegt
væri að birta framvegis einungis
skattskrá en ekki álagningarskrá,
þar sem álagningarskráin byggði
að verulegu leyti á áætlunum. „Til
þess að gera skattskrána þannig
úr garði að birting hennar gæti
verkað sem aðhald þyrfti að flýta
birtingu hennar en í dag líður tals-
vert langur tími frá því álagningar-
skrá er birt og þar til skattskrá ligg-
ur fyrir. Fyrstu hugmyndir hópsins
eru þær að með nútíma vinnubrögð-
um, breytingum á framtölum og
vinnu skattkerfisins megi jafnvel
flýta fyrir málinu svo hægt sé að
birta skattskrá við upphaf hvers árs
ári eftir að talið er fram, hugsan-
lega um sama leyti og menn eru
að ganga frá skattframtölum sín-
um. Það þýddi til dæmis að í upp-
hafi ársins 1998 gætu legið fyrir
skattskrár vegna tekjuársins 1996
eða um svipað leyti og menn eru
að ganga frá skattframtölum sínum
vegna ársins 1997,“ segir Friðrik.
Verkalýðsfélag Austur-Húnvetninga
Iðja og Verka-
mannasamband
verði sameinuð
FÉLAGSFUNDUR í Verkalýðsfé-
lagi Austur-Húnvetninga hefur
samþykkt ályktun þar sem skorað
er á forystumenn Landssambands
iðnverkafólks og Verkamanna-
sambands íslands að hefja nú þeg-
ar viðræður um sameiningu þess-
ara tveggja landssambanda ófag-
lærðs verkafólks með það að
markmiði að gengið verði frá sam-
einingu fyrir næsta reglulegt þing
Alþýðusambands íslands.
Engar formlegar viðræður
hingað til
Guðmundur Þ. Jónsson, formað-
ur Iðju, sagði að þessi hugmynd
hefði verið nefnd áður en engar
formlegar viðræður hefðu átt sér
stað milli landssambandanna um
sameiningu. Hann sagðist ekki
útiloka að þessi landssambönd
sameinuðust, en sagði að vera
kynni að þetta kallaði á frekari
uppstokkun. Skipulagsmál verka-
lýðshreyfingarinnar væru alltaf til
skoðunar og ættu að vera það.
Fram að þessu hefðu menn hins
vegar meira rætt um sameiningu
félaga en landssambanda.
Kynni að vera ávinningur
af sameiningu
Björn Grétar Sveinsson, for-
maður VMSÍ, sagðist telja að það
kynni að vera ávinningur af því
að þessi tvö landssambönd samein-
uðust.
Hann minnti hins vegar á að
landssamböndin stæðu á gömlum
merg og að mörgu væri að hyggja.
Talsverð umræða ætti sér nú stað
um sameiningu verkalýðsfélaga
og félögin í Húnavatnssýslum
hefðu einmitt nýlega samþykkt að
sameina kraftana. Björn Grétar
sagði að stjórn VMSI væri skylt
að taka þessa ályktun Húnvetn-
inga til skoðunar og það yrði gert
á næstu vikum.
Morgunblaðið/Kristinn
Skólplagnir með nýrri aðferð >
UNNIÐ var að því í gærdag að leggja
nýja skólplögn undir Hverfisgötu í
Reykjavík, frá Ingólfsstræti að Lækj-
argötu. Til þess þurfti þó ekki að
loka fyrir bílaumferð og grafa upp
götu, eins og hingað til hefur verið
gert við slíkar framkvæmdir, heldur
var notast við nýlegri aðferð sem
fyrirtækið Hreinsibílar hefur sérhæft
sig í. „Aðferðin felst í því að renna
eins konar fíltersokki, sem hefur ver-
ið bleyttur í plastefnum, inn í gömlu
skólplögnina. Þegar það er búið er
sokkurinn þaninn út með vatni og
hitaður," segir Jón Guðni Kristinsson
eigandi Hreinsibíla. „Þegar búið er
að hita sokkinn verður hann harður
og myndar þannig nýtt plaströr innan
í því gamla. Eftir það er farið með
fjarstýrða myndavél eftir nýju lögn-
inni og fræsara sem opnar fyrir hlið-
arlagnir,“ segir hann. Að sögn Jóns
tekur ekki langan tíma að leggja
skólprör með þessum hætti, en fram-
kvæmdir við Hverfisgötuna hófust
snemma í gærmorgun og var lokið
um kvöldið. Það eina sem íbúar við
götuna þurftu að gera var að nota
ekki heita vatnið meðan á fram-
kvæmdum stóð. Þá segir Jón að þessi
nýju rör endist lengur en gömlu
steyptu skólprörin eða í að minnsta
kosti 100 ár í staðinn fyrir 50 ár. Á
myndinni er Hjörtur Sigurpálsson að
koma fíltersokk inn í gamla skólprör-
ið.
SVR tekur við umsjón með strætisvögnum í Mosfellsbæ
Sjö ára samningur
um akstur án útboðs
STRÆTIS V AGNAR Reykjavíkur
hafa gert sjö ára samning við Meiri-
háttar ehf. um akstur almennings-
vagna í Mosfelisbæ, en fyrirtækið
hafði einnig með höndum aksturinn
meðan hann var á vegum Almenn-
ingsvagna bs. SVR hefur umsjón
með rekstri og þjónustu strætis-
vagna í Mosfellsbæ frá 1. septem-
ber síðastliðnum.
Ekki var efnt til útboðs vegna
akstursins, en leitað álits Innkaupa-
stofnunar Reykjavíkurborgar á að
ganga til samninga án undangeng-
ins útboðs, og samþykkti stofnunin
það samhljóða, að sögn Árna Þórs
Sigurðssonar, formanns stjómar
SVR. Jóhann Siguijónsson, bæjar-
stjóri í Mosfellsbæ, segir að samn-
ingurinn tryggi verktakanum 39
milljónir á ári, sem sé lækkun um
4 milljónir á ári frá fyrri samningi
sem gilti undanfarin fímm ár. Jó-
hann segir að bæjarstjórn Mosfells-
bæjar, sem borgi brúsann, hafí sam-
þykkt samhljóða að fara þessa leið,
enda hafi náðst lækkun á fargjöld-
um sem komi bæjarbúum til góða.
Árni Þór Sigurðsson sagði að
Meiriháttar ehf. myndi annast akst-
urinn á vegum SVR til að byrja
með. Vagnarnir yrðu málaðir í litum
SVR og bæru merki SVR. Sama
gjaldskrá myndi gilda og á leiðum
innan Reykjavíkur og vagnarnir
yrðu í talstöðvarsambandi við
stjórnstöð SVR. Akstrinum yrði
þannig stjórnað af SVR þó vagnarn-
ir væru frá öðru fyrirtæki. Leiða-
kerfið yrði óbreytt í vetur. Reiknað
væri með að gerðar yrðu breytingar
í vor, en SVR hefði ákveðið að end-
urskoða leiðakerfi sitt árlega. Þá
yrðu bæði akstursleiðir og tímatöfl-
ur endurskoðaðar með það fyrir
augum að tengja leiðakerfið enn
betur leiðakerfi vagna í Reykjavík.
„í raun er þetta þannig að það
eru bæjaryfirvöld í Mosfellsbæ sem
eru að kaupa þessa þjónustu af SVR
og ákveða þess vegna hversu mikla
þjónustu þau vilja fá,“ sagði Árni.
Hann sagði að rætt hefði verið
um hvort fara ætti í útboð nú vegna
akstursins en niðurstaðan hefði orð-
ið sú að framlengja samninginn við
Meiriháttar ehf. þar sem þeir hefðu
haft þennan akstur með höndum
og verið með samning í gildi. Það
hefði verið lagt fyrir stjórn Inn-
kaupastofnunar og samþykkt sam-
hljóða að standa þannig að málum.
Árni sagði að þegar SVR tæki
við akstri til Kjalarness, sem gerist
í vetur í aðdraganda þess að sveitar-
félögin sameinuðust, myndi það
sama gerast. Teitur Jónasson hefði
haft sérleyfi upp á Kjalarnes og það
yrði farið í viðræður við hann um
aksturinn þangað til að byija með.
SVR fær 3
milljónir á ári
Jóhann Siguijónsson bæjarstjóri
sagði að SVR fengi 3 milljónir
króna á ári fyrir að hafa umsjón
með leiðakerfinu, annast útgáfu og
sölu á farmiðaspjöldum og fl. „Mos-
fellingar telja sig hafa mikinn hag
af samvinnu við nágrannasveitarfé-
lagið og við erum sannfærðir um
að enn frekari hagræðing næst síð-
ar meir. Samningurinn við verktak-
ann, sem hefur ekið hér síðustu
fímm ár, er ágætur og alltaf hægt
að endurskoða hann ef tilefni gefst
til.“
Skjálfti í Eyjafjarðarál
JARÐSKJÁLFTI fannst í Ólafs-
firði og á Siglufirði kl. 16.31 í
gær. Að sögn Gunnars Guð-
mundssonar, jarðeðlisfræðings á
Veðurstofu íslands, voru upptök
skjálftans, sem mældist 3,7 á
Richter-kvarða, um 24 kílómetra
norð-austur af Siglufirði, úti í
Eyjafjarðarál.
Gunnar sagði ekki sérstaka
ástæðu til að óttast að skjálfta-
virkni á þessum slóðum væri að
færast í aukana, eða að hún væri
að færast austar.
Gunnar sagði að á þriðjudag
hefði verið hrina af skjálftum tölu-
vert vestar, eða út af Gjögri, og
mældust þeir stærstu um 3,3 á
Richter. „Þessir skjálftar eru á
svokölluðu Húsavíkur-Flateyjar
misgengi og þar hefur verið tölu-
verð virkni annað slagið frá 1994.
Skjálftinn sem Ólafsfirðingar og
Siglfirðingar fundu virðist hins
vegar hafa verið stakur. Eftir-
skjálftar hafa verið mjög litlir og
fáir.“