Morgunblaðið - 03.03.1998, Blaðsíða 16

16 ÞRIÐJUDAGUR 3. MARZ 1998
MORGUNBLAÐIÐ
LANDIÐ
Morgunblaðið/Pétur Kristjánsson
KRAKKARNIR í leikskólanum Sólvöllum ásamt leikskólakennurum.
Skemmtilegur ösku-
dagur á Seyðisfirði
Seyðisfirði - Margt hefðarfólks
var saman komið í leikskóla
Seyðfirðinga, Sólvöllum, á ösku-
daginn. Sjaldan hafa sést fleiri
prinsessur samankomnar á ein-
um stað. Mikil öryggisgæsla var
viðhöfð og þó nokkrir Battmenn,
Spædermenn og Ninja gæjar til
reiðu ef á þyrfti að halda. Að
sjálfsögðu voru þar trúðar og
ýmiss konar dýr til þess að sam-
komugestir færu ekki að láta sér
leiðast.
Förðunarmeistarar Sólvalla
sáu um förðun gestanna og þjón-
ustukonur aðstoðuðu síðan við að
slá köttinn úr „kassanum". Við-
staddir eyddu síðan deginum við
dans og söng eins og sæmir tignu
fólki og gestum þess.
Úti í hinum stóra heimi mátti
svo sjá marga hópa furðulegra
aðkomumanna ganga milli versl-
ana bæjarins og bjóða upp á söng
og þiggja veitingar og sætindi
fyrir. Kunnugir teija fullvíst að
aðsókn barnanna hafi verið með
mesta móti. Af þessu höfðu bæj-
arbúar hina bestu skemmtan þótt
margir hafi saknað ösku-
pokanna.
Fjárhagsáætlun Stykkishólmsbæjar 1998 samþykkt
125 milljónum kr. varið
til sundlaugarbyggingar
Stykkishólmi - Á fundi bæjar-
stjómar Stykkishólms, sem hald-
inn var 24. febrúar, var fjárhagsá-
ætlun fyrir árið 1998 samþykkt
samhljóða eftir aðra umræðu.
Þar kemur fram að tekjur bæj-
arfélagsins eru áætlaðar um 207,5
milljónir króna, sem er tæplega
10% hækkun frá síðustu áætlun.
Tekjurnar skiptast í útsvar sem
áætlað er 159 milljónir, fasteigna-
gjöld 22 milljónir og framlag úr
Jöfnunarsjóði sveitarfélaga 26
milljónir. Þegar litið er á gjöldin
kemur í ljós að allur rekstur mála-
flokka sveitarfélagins kostar um
185,6 milljónir kr. eða um 89,5% af
tekjum. Stærsti hluti útgjaldanna
fer til fræðslumála, 76,7 milljónir,
37% af tekjum. Félagsþjónustan
kostar um 22 milljónir, 10,5% af
tekjum, og æskulýðs- og íþrótta-
mál kosta um 18,5 milljónir króna.
Ráðist verður í miklar fjárfest-
ingar á þessu ári og verður 163
milljónum króna varið til þeirra.
Langstærsti hlutinn fer til ný-
byggingar sundlaugar, 125 millj-
ónir króna, og er reiknað með að
sundlaugin verði tilbúin á þessu
ári. I endurbætur á gamla Kaupfé-
lagshúsinu, sem ætlað er að hýsa
skrifstofur bæjarins, er áætlað að
verja 15 milljónum og 3 milljónum
í endurbætur og viðhald Amts-
bókasafnsins.
Morgunblaðið/Gunnlaugur Árnason
BÆJARSTJÓRN Stykkishólms samþykkti á fundi sínum siðustu fjár-
hagsáætlunina á þessu kjörtimabili. Frá vinstri að ofan: Guðbrandur
Björgvinsson, Davíð Sveinsson, Hilmar Hallvarðsson og Guðmundur
Andrésson bæjarritari. Frá vinstri, neðri röð, Helga Sigurjónsdóttir,
Ólafur Hilmar Sverrisson bæjarsljóri, Guðrún Gunnarsdóttir, Rúnar
Gislason og Margrét Thorlacius.
í fjárhagsáætlun er nýr liður
sem ætlaður er grunnskóianum.
Þar eru peningar sem eiga að fara
til þróunarstarfs innan skólans.
Könnuð verður þörf fyrir heils-
dagsvistun í skólanum og reiknað
er með að stofna sérdeild innan
skólans í haust.
Þá er reiknað með miklum hita-
veituframkvæmdum í Stykkis-
hólmi í sumar, en þær fram-
kvæmdir koma ekki inn í fjár-
hagsáætlun bæjarins, þar sem
stefnt er að því að stofna félag um
framkvæmd og rekstur hitaveit-
unnar.
FRÁ fundi húsviska samstarfshópsins um vímuefnavarnir.
Morgunblaðið/SilU
Morgunblaðið/Sig. Fannar
Þorrareið
á Selfossi
Selfossi - Hin árlega þorrareið
Hestamannafélagsins Sleipnis á
Selfossi fór fram á dögunum.
Riðið var heim að Laugadælum í
Hraungerðishreppi, þar sem sr.
Kristinn Ágúst Friðfinnsson
messaði yfir hópnum. Reiðin end-
aði í félagsheimili Sleipnis þar
sem félagsmenn blótuðu þorra
fram eftir morgni
Unglinga-
vandinn ekki
á Husavík
Húsavik - Ár er nú liðið síðan
Húsavík gerðist aðili að forvarnar-
verkefni SÁÁ ásamt fimm öðrum
kaupstöðum á landinu. Af því tilefni
boðaði húsvíski samstarfshópurinn
um vímuefnavarnir til fundar á
Húsavík fulltrúa allra félagssam-
taka sem þátt hafa tekið í verkefn-
inu, s.s. lögreglu, heilsugæslu,
skóla, íþróttafélög, foreldrafélag og
nemendafélag.
Markmið verkefnisins voru: Að
sveitarfélagið marki sér heildstæða
stefnu í forvömum, að þeir aðilar í
sveitarfélaginu sem sinna málefn-
um barna og unglinga stilli saman
strengi sína, að sú þekking sem
SÁÁ hefur fram að færa nýtist
sveitarfélaginu, að fram fari ítar-
legt og vandað mat á árangri for-
varnarstarfsins sem síðan yrði
grundvöllur endurbóta á starfínu.
Að þessum markmiðum hefur
verið unnið á ýmsa vegu. Með ráð-
stefnu þar sem mættu forvígis-
menn sveitarfélaga, kirkju, heil-
brigðisfélaga, mennta- og tóm-
stundamála ásamt lögreglu og fé-
lagasamtaka í bænum. Haldinn var
borgarafundur. Komið var á for-
eldravakt í bænum sem m.a. varð
til þess að 13-15 ára unglingar
hættu að flykkjast utan við sam-
komustaði þegar skemmtanir og
útivistartímaákvæði voru virt.
Haldin voru ýmis námskeið og fyr-
irlestrar fluttir við ýmis tækifæri.
Áramótafagnaður unglinga fór
mjög vel fram og lögreglan segir
unglinga á kvöldin aldrei hafa verið
eins góða og rólega í bænum og í
vetur.
Fyrirhuguð er áframhaldandi
sókn gegn vímuefnum sem kynnt
var á fundinum og aðilar hvattir til
áframhaldandi víðtækrar þátttöku.
Forsvarsmenn samtarfshópsins
eru: Elín B. Hartmannsdóttir,
hjúkrunarfræðingur, Ingólfur
Freysson, íþróttakennari, Soffía
Gísladóttir, félagsmálastjóri,
Hreiðar Hreiðarsson, lögreglu-
þjónn og Jón Sigurjónsson, kennari
og fluttu þau öllum þeim þakkir
fyrir samstarfið á liðnu ári svo og
forvarnardeild SÁÁ
Eilrjstaki: btakifi
— ótruleg
Dúndur afsláttur á öll
POLRRIS vélsleða
Gildir út mars.
Aðalumboð
Undirhlíð 2, sími 462 2840,
603 Akureyri.
HK ÞJONUSTAN
Funahöfða 17, sími 587 5128,
112 Reykjavík.
og umboðsmenn.
Véiaverkstæði
Sigursveins
Breiðdalsvík,
sími 475 6616.