Morgunblaðið - 10.03.1998, Qupperneq 14

14 ÞRIÐJUDAGUR 10. MARZ 1998
MORGUNBLAÐIÐ
AKUREYRI/BJÖRGUNARSTÖRF
ÞEGAR björgunarsveitarmennirnir komu niður í Sölvadal, þurfti að yfirfara sleðana fyrir frekari átök og gera við smávægilegar bilanir.
Átta björgunarsveitarmenn frá Dalvík í miklum hrakningum í Eyjafírði
Þrír komu kaldir til byggða
en fímm biðu í snióhúsi
Mikill viðbúnaður var 1 gær vegna leitar að
vélsleðamönnum frá Dalvík. Prír þeirra
komust fótgangandi til byggða, en fímm
héldu kyrru fyrir í vonskuveðri í snjóhúsi
ofan Djúpadals í Eyjafírði. Margrét Þóra
Þórsdóttir, Kristján Kristjánsson,
Jóhannes Tómasson og Ragnar Axelsson
fylgdust með framvindu mála.
, Morgunblaðið/Kristján
MAGNUS Arnarsson úr Hjálparsveit skáta og Pétur Torfason úr
Flugbjörgunarsveitinni á Akureyri skoða leitarsvæðið á korti í
stjórnstöð Flugbjörgunarsveitarinnar.
T • • (*• >C S • / (*• / 1 •
Leitm eríið 1 snjofjuki
ÞYRLA Landhelgisgæsiunnar,
TF-Líf, var kölluð í viðbragðs-
stöðu klukkan 6.20 í gærmorgun
og var ákveðið að halda til leitar
um hálfátta. Flugstjóri var Haf-
steinn Heiðarsson og sagði hann
fyrct hafa verið leitað yfir Bleiks-
mýrardal og suður um þar sem
talið var fyrst að mennirnir gætu
verið á ferð. Má segja að þyrlan
hafi útvfkkað leitarsvæði björgun-
arsveitarmannanna á jörðu niðri.
„Við leituðum einkanlega aust-
an við Eyjafjörðinn bæði til norð-
urs og suðurs en þarna hefur
verið mjög hvasst og erfitt að
leita í snjófjúki," sagði Hafsteinn
í samtali við Morgunblaðið þegar
þyrlan var lent á Akureyrarflug-
velli. Var ákveðið að doka við og
sjá hvort ekki lægði og birti og
freista þess þá að sækja mennina
fimm sem enn höfðust við ofan
við Hraunárdai í rúmlega 1.200
metra hæð. Auk Hafsteins skip-
uðu áhöfn þyrlunnar þeir Sigurð-
ur Ásgeirsson flugmaður, Hann-
es Petersen læknir, Hilmar Þór-
arinsson flugvirki og spilmaður
og leiðangursstjóri var Magni
Oskarsson.
„Það hvessti mjög mikið af
vestri rétt fyrir hádegi þarna
suður frá og þá varð kófið mjög
mikið. Okkur er sama um vind-
inn en það er kófíð sem blindar
okkur,“ sagði Hafsteinn og segir
þyrluna hafa verið í 500 til 1.000
feta hæð eftir aðstæðum. Þyrlan
beið betra færis á Akureyri fram
eftir degi og um klukkan 18 var
ekki enn talið fært en þá voru
björgunarsveitir á landi á leið til
hópsins í snjóhúsinu.
ATTA félagar úr Björgun-
arsveit Slysavarnarfé-
lagsins á Dalvík og
Hjálparsveit skáta á Dal-
vík lentu í miklum hrakningum á
leið sinni frá Laugafelli upp af
Eyjafirði og til byggða síðastliðinn
sunnudag. Þeir lögðu af stað á
vélsleðum úr Laugafelli um kl. 11 á
sunnudagsmorgun og hugðust aka
sem leið lá niður í Þormóðsstaðadal
og Sölvadal. Fólk sem var á bíl í
Laugafelli tók fyrir þá dót til
byggða, m.a. mat en þeim bíl var
ekið niður í Bárðardal og ætluðu
hóparnir að hittast í Eyjafírði um
miðjan dag. Dalvíkingarnir höfðu
breytt ferðaáætlun sinni og hugð-
ust koma til byggða niður úr Gler-
árdal, en um miðjan dag á sunnu-
dag var ágætisveður og vildu þeir
skoða sig betur um.
Veðrið breyttist hins vegar mjög
skyndilega er þeir voru á ferð í um
1.200 metra hæð á norðanverðu
Nýjabæjarfjalli, þannig að þeir
gripu til þess ráðs að grafa sér
snjóhús og hafast þar við. Þrír
mannanna komust kaldir og hrakt-
ir til byggða í Djúpadal, en hinir
fimm urðu eftir í snjóhúsinu. Allt
kapp var lagt á að komast að
mönnunum, en það gekk erfiðlega
þar sem veður var afar slæmt á
þessum slóðum.
Síðdegis á sunnudag milli kl. 16
og 17 er fólkið hafði beðið drjúga
stund var farið að undrast verulega
um hópinn. Akureyringar sem
einnig höfðu verið í Laugafelli að-
faranótt sunnudags lögðu af stað
heimleiðis um þremur tímum á eft-
ir Dalvíkingunum. Þeir voru um
tvo klukkutíma niður í Eyjafjörð. í
fyrstu voru menn á tveimur
vélsleðum fengnir til að svipast um
og óku þeir upp Þormóðsstaðadal
en urðu einskis varir, sáu engar
slóðir né vísbendingar um ferðir
þeirra.
Um kl. 20 á sunnudagskvöld var
óskað eftir aðstoð Flugbjörgunar-
sveitarinnar á Akureyri og Hjálp-
arsveitar skáta á Akureyri.
Áhersla var lögð á að komast í
skála og sæluhús á hálendinu upp
af Eyjafirði. Björgunannenn á
þremur bílum fóru upp úr Bárðar-
dal og vélsleðamenn fóru frá Akur-
eyri. Veður var fremur slæmt,
gekk á með dimmum éljum og á
köflum var vonskuveður. Einnig
voru eknar allar aðalleiðir sem
vaninn er að fara úr Laugafelli og
til byggða, en án árangurs.
Þekkt veðravíti
Ingimar Eydal, sveitarforingi
Hjálparsveitar skáta á Akureyri,
sagði að í gærmorgun hefði verið
búið að leita á öllu svæðinu og fara
allar líklegar slóðir úr Laugafelli
og til byggða í Eyjafirði.
„Staðan var þannig í gærmorgun
þegar ekkert hafði spurst til Dal-
víkinganna að við höfðum gert ráð-
stafanir til að fá til liðs við okkur
björgunarmenn víða að, frá Olafs-
firði, Siglufirði, auk þeirra sem
komnir voru af stað úr Fnjóskadal,
Báðardal og Skagafirði og þá var
björgunarsveitin á Hellu í við-
bragðsstöðu. Þetta var í þann veg-
inn að verða að allsherjar útkalli
þar sem fara átti allt suður að
Hofsjökli, en veðrið hamlaði þvi að
af því yrði,“ sagði Ingimar.
Hann sagði að þverdalir Eyja-
fjarðar og svæðið fremst í Nýja-
bæjarfjalli væru þekkt veðravíti og
var arfavitlaust veður á þessum
slóðum í gærmorgun. A milli 11 og
12 vindstig voru þar í gær og mikið
snjókóf og tafði það mjög alla leit.
Þrír komu kaldir
og hraktir til byggða
Um kl. 13 í gærdag komu þrír
mannanna fram á bænum Stórada)
í Djúpadal, en þeir höfðu þá gengið
í tæpa 6 klukkutíma um 15 kíló-
metra langa leið af Nýjabæjarfjalli.
Voru þeir mjög kaldir og hraktir
eftir ferðalagið, en þeir höfðu
ásamt hinum fimm hafst við í snjó-
húsi um nóttina í um 1.200 metra
hæð á norðanverðu fjallinu.
Ingimar sagði að allt kapp hefði
verið lagt á að komast að fimm-
menningunum í gær en það gekk
afar erfiðlega. „Við höfum ekkert
frétt af líðan þeirra frá því kl. 7 í
morgun er félagar þeirra héldu
gangandi til byggða, þannig að við
leggjum ríka áherslu á að komast
til þeirra."
Allar leiðir reyndar
Snjóbíll ásamt mannskap á 9
vélsleðum fór síðdegis áleiðis upp á
Öxnadalsheiði og átti að reyna að
fara eftir Kaldbaksdal að Nýjabæj-
arfjalli, um 20 kílómetra langa leið.
Beðið var átekta fram til kl. 20.30 í
gærkvöld þegar loks var hægt að
komast af stað þegar dálítið lægði.
Ferðalagið gekk þó fremur hægt.
Leitarflokkar fóru einnig af stað
áleiðis að snjóhúsi mannanna frá
Laugafelli og upp úr Djúpadal.
„Við reyndum allar hugsanlegai’
leiðir," sagði Ingimar, en menn
komust lftt áfram. AIls voru 23
menn á sleðum á svæðinu og undir
kvöld voru 6 þeirra enn á ferðinni,
en fóru hægt. „Menn eru að fikra
sig upp á fjallið, en telja sig varla
komast lengra áfram,“ sagði Ingi-
mar í gærkvöld.
Undanfarar sendir af
höfuðborgarsvæðinu
Landsstjórn Landsbjargar
bauðst undir kvöld til að senda um
25 manna flokk undanfara af höf-
uðborgarsvæðinu norður til aðstoð-
ar, en þá hafði sú ákvörðun verið
tekin að senda skíðagönguflokk á
Nýjabæjarfjall og var það boð þeg-
ið að sögn Ingimars. Undanfararn-
ir komu um kl. 21 í gærkvöld með
Fokker-flugvél Landhelgisgæsl-
unnar og héldu fljótlega af stað
fram í Eyjafjörð. Nokki-u áður
höfðu um 20 skíðagöngumenn frá
Hjálparsveit skáta á Akureyi'i og
Flugbjörgunarsveitinni á Akureyri
lagt af stað. Skíðafæri reyndist af-
leitt þannig að farið var fótgang-
andi úr Djúpadal og upp úr
Hraunárdal að snjóhúsinu. Ljóst
var þá orðið að þyrlan kæmist ekki
að mönnunum vegna veðurs og
myrkurs. Þyrlan átti að fara suður
í gærkvöld, en brottfór tafðist
vegna bilunar.
Ekki var í gærkvöld vitað ná-
kvæmlega hvar snjóhús Dalvíking-
anna var, en að sögn Ingimars
höfðu menn nokkra punkta til að
fara eftir en það svæði var um fjög-
urra til fimm kílómetra langt.
„Þetta hefur verið eins erfið leit og
hægt er að hugsa sér. Þegar okkar
vönustu menn treysta sér ekki til
að halda áfram þá er alveg ljóst að
veðrið er alveg glóruvitlaust,"
sagði Ingimar.
I
t
l