Morgunblaðið - 21.05.1998, Síða 10

10 FIMMTUDAGUR 21. MAÍ 1998
MORGUNBLAÐIÐ
FRÉTTIR
INGIMUNDUR Sigfússon, sendiherra íslands í Þýskalandi, ávarpar fund á vegum Konrad Adenauer-stofnun-
arinnar. Við borðið sitja (f.v.) Rolf Kirchfeld, bankastjóri Vereins- und Westbank AG, Dr. Manfred Dahlke frá
Konrad Adenauer-stofnuninni og Oswald Dreier-Eimbcke, ræðismaður íslands í Hamborg.
Sendiherra fslands í Þýskalandi fjailar um fsland og ESB
Stöðugleiki gerir Island
að kosti í fjárfestingum
Bonn. Morgunbladið.
Kunnátta 15
ára nemenda
rannsökuð
INGIMUNDUR Sigfússon, sendi-
herra íslands í Bonn, hélt nýlega er-
indi á vegum Konrad Adenauer-
stofnunarinnar í Hamborg um tengsl
íslands við Evrópusambandið. Ingi-
mundur útskýrði stöðu Islands á
alþjóðavettvangi og svaraði spurn-
ingum viðstaddra.
Erindið hélt Ingimundur í húsa-
kynnum Vereins- und Westbank en
bankinn hefur ræktað sérstaklega
viðskiptatengsl við Island.
Aðiium úr viðskiptalífínu, stjórn-
málum, menningarmálum og vísind-
um var boðið að hlýða á erindið.
Líflegar umræður fóru fram að
loknu erindinu þar sem gestum lék
forvitni á að fræðast um menningu
þjóðarinnar en einnig var talsvert
spurt um afstöðu almennings gagn-
vart evrópumálunum og stöðu lítillar
þjóðar meðal fjölmennra þjóða Evr-
ópu.
Ingimundur sagðist álíta að menn-
ingin væri besta verkfæri íslensku
þjóðarinnar til að bæta ímynd sína á
erlendum vetvangi. „Ég held að hún
sé jafnvel eini möguleiki okkar
varðandi landkynningu, að óg-
leymdri náttúrunni,“ bætti Ingi-
mundur við í samtali við fréttaritara
Morgunblaðsins.
Ingimundur talaði einnig um að
stutt væri síðan íslendingar réðu
niðurlögum verðbólgunnar þannig að
ekki hefur verið raunhæft að tala um
fjárfestingar á Islandi við erlenda
aðila fyrr en a allra síðustu árum.
„Nú er íslenskt efnahagslíf mjög
stöðugt og því, raunverulega í fyrsta
sinn, hægt að kynna það sem mögu-
leika í fjárfestingum. Þarna þarf að
vinna markvisst að málum og utan-
ríkisráðuneytið hefui- sett á stofn
viðskiptaþjónustu sem er vísir að því
að fá erlent fjármagn inn í iandið.
Mikilvægast er að skapa fyrirtækj-
um þannig aðstæður heima fyrir að
þeim fínnist Island áhugaverður
möguleiki til fjárfestinga. Mikilvægt
skilyrði er nú uppfyllt en það er
stöðugleiki í efnahagslífínu. Þessi
þróun á eftir að taka langan tíma,
sérstaklega vegna þess að á löngu
tímabili voru Islendingar andvígir
erlendu fé.“
Seinna sama dag hélt Ingimundur
sams konar erindi á sameiginlegri
samkomu Konrad Adenauer-stofn-
unarinnar og Félags Islandsvina.
MENNTAMÁLARÁÐUNEYTIÐ
hefur gert samning við
Rannsóknastofnun uppeldis- og
menntamála til fjögurra ára um
framkvæmd rannsóknar hérlendis
á kunnáttu 15 ára nemenda í lestri,
stærðfræði og náttúrufræði.
Rannsóknin er gerð á vegum Efna-
hags- og framfarastofnunarinnar
(OECD) og nær til 28 landa. Er
rannsóknin liður í áætlun OECD-
landa að birta með fjögurra ára
millibili samanburð á kunnáttu
nemenda á fyrrgreindum þremur
sviðum.
Niðurstöður árið 2001
Yfirstjórn verkefnisins er í hönd-
um rannsóknar- og háskólastofn-
ana í Ástralíu, Hollandi og Band-
aríkjunum. Undirbúningur
rannsóknarinnar hófst á miðju
síðasta ári og fer gagnasöfnun
fram á vormisseri árið 2000.
Rannsóknastofnun uppeldis- og
menntamála sér um öflun gagna
hérlendis samkvæmt fyrirsögn
verkefnisins. Gert er ráð fyrir að
fyrstu niðurstöður úr rannsókninni
verði birtar um mitt árið 2001.
Samanburðarhæfar upplýsingar
Þátttaka íslands í rannsókninni
er liður í þeirri stefnu menntamál-
aráðuneytisins að hafa tiltækar
samanburðarhæfar upplýsingar
um stöðu menntakerfisins hér á
landi miðað við önnur lönd. Slíkt
verður æ mikilvægara til að mæta
þeim ki’öfum sem fylgja aukinni
alþjóðavæðingu á öllum sviðum.
Jafnframt geta slíkar upplýsingar
verið hvati að nýjungum í þróunar-
starfi innan menntakerfisins.
Lítið unnið á veg-
um Melmis í sumar
ENGAR ákvarðanir hafa verið
teknar um frekari gullleit á veg-
um Melmis í sumar. Að sögn Hall-
gríms Jónassonar, forstjóra
Iðntæknistofnunar, liggur þó fyr-
ir að lítið verði unnið í sumar.
Það er kanadískt félag, sem sér
um fjármögnun leitarinnar og
mun endanleg ákvörðun um fram-
kvæmdir sumarsins verða teknar
á aðalfundi félagsins í lok júní.
Sagði Hallgrímur að ef ákvörðun
yrði tekin um einhverjar fram-
kvæmdir þá yrðu þær í lágmarki.
„Við erum komnir með niðurstöð-
ur frá síðasta sumri og þær eru
ágætar en það vantar fjármagn
og markaðurinn er ekld hagstæð-
ur núna til að sækja það,“ sagði
hann.
Þrír forstöðumenn Landmælinga fslands senda frá sér sameiginlega yfírlýsingu
Akveða að starfa
áfram eftir flutning
✓
Tólf starfsmenn Landmælinga Islands segjast í bréfí til umhverf-
isráðherra áskilja sér rétt til að leita til dómstóla verði ekki hætt
við að flytja Landmælingar til Akraness. Þrír forstöðumenn
stofnunarinnar lýstu hins vegar yfir því í gær að þeir hygðust
starfa áfram hjá stofnuninni og vinna að uppbyggingu hennar á
nýjum stað. Karl Blöndal kynnti sér málið.
FORSTOÐUMENN Landmælinga
Islands, Kristján Guðjónsson,
Magnús Guðmundsson og Þorvald-
ur Bragason, gáfu í gær út yfirlýs-
ingu um að þeir hefðu ákveðið að
starfa áfram hjá stofnuninni eftir
að hún verður flutt frá Reykjavík
til Akraness, en gagnrýna um leið
flutninginn. Andstaða hefur verið
við flutninginn innan stofnunarinn-
ar og sagði Guðjón Olafur Jónsson,
aðstoðarmaður Guðmundar
Bjarnasonar umhverfisráðherra, í
gær að þessi yfirlýsing markaði
þáttaskil í þessu máli. Tólf starfs-
menn Landmælinga hafa ritað um-
hverfisráðherra bréf þar sem því
er haldið fram að ákvörðun hans
um að flytja stofnunina sé ólögmæt
og áskilja þeir sér rétt til að láta
reyna á gildi hennar fyrir dómi
verði ekki horfið frá fyrirætlunum
um flutning.
í yfirlýsingu forstöðumannanna
segir að frá því að umhverfis-
ráðherra tók ákvörðun um að flytja
stofnunina hafi verið miklir erfið-
leikar í starfsemi hennar: „Flutn-
ingurinn mun að okkar mati
óhjákvæmilega hafa í för með sér
aukinn kostnað og óhagræði bæði
fyrir starfsmenn og viðskiptavini.
Það hefur hins vegar ítrekað komið
fram hjá ráðherra að hann muni
ekld draga ákvörðun sína til baka.“
í yfirlýsingunni er bent á að
núverandi húsnæði stofnunarinnar í
Reykjavík hafi verið selt í lok
síðasta árs og þar sem það þurfi að
vera laust innan nokkurra mánaða
verði stofnunin að flytjast í annað
húsnæði. Þeir Kristján, Magnús og
Þorvaldur hafi á undanfómum vik-
um unnið með stjóm Landmælinga
íslands að því að móta stefnu stofn-
unarinnar til framtíðar.
„Lögð hefur verið megináhersla á
að finna nýjar leiðir til að efla hana
faglega og fjárhagslega þannig að
möguleikar verði á að hún geti bet-
ur sinnt skyldum sínum en hingað
til,“ skrifa þeir. „í tengslum við
þessa vinnu og í trausti þess að
verkefnin nái fram að ganga höfum
við tekið ákvörðun um að starfa
áfram hjá Landmælingum Islands
og vinna að uppbyggingu stofnunar-
innar á nýjum stað.“
Ákveðin þáttaskil
Guðjón Ólafur Jónsson, aðstoðar-
maður umhverfisráðherra, kvaðst í
gær fagna yfirlýsingunni.
„Það er í sjálfu sér lítið annað um
málið að segja en það að þetta em
ákveðin þáttaskil,“ sagði Guðjón
Ólafur, sem einnig er varaformaður
stjómar Landmælinga. „Og það er
mikið fagnaðarefni að þeir skuli
hafa tekið þá ákvörðun að vilja
vinna með okkur að því að gera
Landmælingar að betri stofnun á
nýjum stað.“
Að sögn hans hefur verið unnið
að stefnumótun fyrir stofnunina
undanfama mánuði og forstöðu-
mennimir þrír hefðu tekið þátt í
því.
Stafrænn kortagrunnur
meðal nýrra verkefna
„Þar em ýmis verkefni, sem við
viljum beita okkur fyrir á næstu ár-
um,“ sagði hann. „Þar má meðal
annars nefna stafrænan korta-
gmnn, sem við vonumst til að hafist
verði handa við og umhverfis-
ráðherra hefur tekið upp í ríkis-
stjórn við góðar undirtektir. Þar
yrði um að ræða stafrænan grunn á
mælikvarðanum 1:50.000, sem
myndi kosta um 240 milljónir og
yrði lokið á fjórum til fimm ámm.“
Vatn á myllu
ráðherrans
Einn af starfsmönnum stofnunar-
innar sagði í samtali við Morgun-
blaðið að yfirlýsing forstöðumann-
anna þriggja væri óljós. „En hún er
náttúmlega vatn á myllu ráðherr-
ans,“ bætti hann við.
Hann sagði að starfsmenn hefðu
ekki gefið afdráttarlaus svör um
það hvort þeir hygðust starfa áfram
hjá stofnuninni eftir að hún verður
flutt til Akraness: „Menn hafa sagt
að þeir séu tilbúnir að vinna hjá
Landmælingum fslands eftir að
stofnunin flytur upp á Akranes, en
við erum alveg tilbúnir að vinna í
Reykjavík."
Starfsmenn senda
ráðherra bréf
Starfsmenn stofnunarinnar era
24 um þessar mundir. Tólf starfs-
menn skrifuðu umhverfisráðherra
bréf, sem afhent var á mánudag,
þar sem færð em rök að því að
ákvörðunin um að flytja Landmæl-
ingar standist ekki lög. Þetta er
annað bréfið, sem umhverfis-
ráðherra fær vegna flutningsins á
skömmum tíma. Fyrra bréfið
skrifuðu trúnaðarmenn í apríl og
kvaðst ráðherra þá ætla að svara
innan 15 daga. Því hefur enn ekki
verið svarað.
í bréfinu, sem sent var á mánu-
dag, er áhersla lögð á lagahliðina og
er það í átta liðum. Þar er vísað til
álits Gunnlaugs Claessens, þáver-
andi ríkislögmanns, og Guðrúnar
Margrétar Arnadóttur hæstaréttar-
lögmanns frá 8. mars 1994 þess efn-
is að ráðherra geti ekki flutt ríkis-
stofnun jafnvel þótt hann hafi til
þess fulltingi ríkisstjómar, heldur
þurfi að leita til Alþingis. Því til
stuðnings er bent á að sett hafi *ær-
ið lög þegar Skógrækt ríkisins var
flutt til Egilsstaða. í bréfinu er sagt
að hvergi hafi komið fram hjá um-
hverfisráðherra að álit ríkislög-
manns sé til.
Öllum bréfum svarað
Guðjón Ólafur sagði að bréfinu
yrði svarað eins og öðrum bréfum,
sem bæmst ráðherra. „Það liggur
fyrir álit Eiríks Tómassonar lagapró-
fessors um það að ráðherra sé þetta
heimilt,“ sagði hann. „Menn hafa
haldið fram að ákvörðun ráðherra
nægði ekki, en við teljum okkur hafa
haft heimild til að gera þetta með
þeim hætti, sem ráðherra gerði.
Hann telur að hann hafi staðið bæði
rétt og löglega að þeirri ákvörðun.
Ella hefði hún ekki verið tekin.“
Hann bætti við um þá yfirlýsingu
starfsmannanna að þeir áskildu sér
rétt til að leita til dómstóla að það
væri réttur manna teldu þeir að á
sér hefði verið brotið. „Ef þeir vilja
fara þá leið verður það að hafa sinn
gang,“ sagði hann. „En við vonumst
til þess að sem flestir núverandi
starfsmenn verði áfram hjá stofnun-
inni á nýjum stað.“
Hann sagði að hinu bréfinu, sem
væri frá tveimur trúnaðarmönnum
á vinnustaðnum, yrði svarað.
Forstjóra Landmælinga, Ágústi
Guðmundssyni, var veitt lausn frá
embætti um stundarsakir í apríl í
kjölfar þess að Ríldsendurskoðun
gerði athugasemdir við fjárhagsleg
samskipti hans við stofnunina.
Skipuð hefur verið nefnd, sem
starfar samkvæmt nýjum starfs-
mannalögum, og hefrn’ hún málið til
meðferðar. Henni er ætlað að segja
til um það hvort Ágústi verður veitt
embættið að nýju eða hann leystur
frá störfum varanlega. Guðjón Ólaf-
ur kvaðst ekki vita hvenær niður-
staða myndi liggja fyrir hjá nefnd-
inni, en hún myndi sennilega koma
saman íyrsta sinni innan tíðar. A
meðan málið er til meðferðar er
Ágúst á hálfum launum. í fjarveru
Ágústs gegna Kristján, Magnús og
Þorvaldur stöðu hans.