Morgunblaðið - 21.05.1998, Side 38

38 FIMMTUDAGUR 21. MAÍ 1998
LISTIR
MORGUNBLAÐIÐ
Þrjátíu ár frá stofnun Kórs Menntaskólans við Hamrahlíð
Tónleikar
í hátíðar-
sal
skólans
í kvöld
ÞRJÁTÍU ár eru liðin frá stofn-
un Kórs Menntaskólans við
Hamrahh'ð. Afmælisins hefur
verið minnst á ýmsan hátt, m.a.
með tónleikum í febrúar síðast-
liðnum þar sem kórarnir við
Hamrahlíð tóku þátt í að flytja
verk eistneska tónskáldsins
Arvo Párt.
Nú efna kóramir til af-
mælistónleika í dag, uppstign-
ingardag, kl. 20 í hátíðarsal
Menntaskólans við Hamrahlíð.
Kór Menntaskólans við
Hamrahlið og Hamrahlíðarkór-
inn munu flylja íslenska og er-
lenda tónlist. Mörg íslensku
verkanna hafa verið samin sér-
staklega fyrir kórana. Fyrrver-
andi kórfélagar syngja með í
nokkrum lögum.
Syngjandi
sendiherrar
Stofnandi og sljómandi
kóranna frá upphafi er Þorgerð-
ur Ingólfsdóttir. Kórinn hefur
ÞORGERÐUR Ingólfsdóttir talar máli tónlistarinnar við kórfélaga.
vakið mikla athygli bæði heima
fyrir og erlendis. í greininni
Syngjandi sendiherrar eftir
Heimi Pálsson sem birtist í 30
ára afmælisriti skólans segir
m.a. að ekki sé víst „að menn
hugsi oft til þess hve ótrúleg
áhrif Hamrahlíðarkórarnir hafa
haft og hve mikilvægan kafla
þeir og stjórnandi þeirra frá
upphafi, Þorgerður Ingólfsdótt-
ir, hafa skrifað í íslenska tónlist-
ar- og skólasögu. Oft hefur líka
gleymst að meta og virða það
menningarstarf sem nemendur
hafa unnið í kórnum og þakka
það orðspor sem kórarnir hafa
getið skóla sínum“. Enn fremur
segir að „hinir syngjandi sendi-
herrar Menntaskólans við
Hamrahh'ð" hafi átt drjúgan
þátt í að skapa skólanum það
góða orð sem hann hefur á sér.
Tónleikarnir hefjast sem fyrr
segir kl. 20 í skólanum. Aðgang-
ur er ókeypis og allir velkomnir.
... harðast
harma minna
TðNLIST
III jómdiskur
HAUKUR TÓMASSON/FJÓRÐI
SÖNGUR GUÐRÚNAR
Caput Ensemble, stjórnandi Christian
Eggen. Berit Mæland, sópran
(Guðrún), Merete Sveistrup, sópran
(Kostbera, norn), Ulla Kudsk Jensen,
mezzó (Glaumvör, norn), Isabel Pig-
aniol, mezzó (Brynhildur), Rudi
Sisseck, bass-bariton (Atli), Sverrir
Guðjónsson, kontra-tenór (Knéfröð-
ur, norn), Þórunn A. Kristjánsdóttir,
sópran (Erpur), Herdís A. Jónsdóttir,
alt (Eitill), Karlakórinn Fóstbræður
(menn Atla). Hljóðritað íDigranes-
kirkju í ágúst 1997. Tónmeistari:
Marion Schwebel. Framleiðandi:
Hans Kipfer. Tími: 59’58. 1998,
Grammofon AB BIS, Djursholm. BIS-
CD-908. Dreifing Japis.
ÓPERAN Fjórði söngur Guðrúnar
var frumflutt við mikinn orðstír í
Kaupmannahöfn 1996 í tilefni af þess
að borgin var menningarhöfuðborg
Evrópu. Óperan var sviðsett í gam-
alli skipakví, undir beru lofti og und-
ir sjávarmáli. Einhver gagnrýnand-
inn sagði verkið marka tímamót í
danskri óperusögu. Undrar engan,
en hvað um það hefði undirritaður
viljað gefa mikið fyrir að verða vitni
að þessum viðburði. Óperan var
hljóðrituð á íslandi á síðastliðnu
sumri með Caput og sömu söngvur-
um undir stjórn norska hljómsveit-
arstjórans Christians Eggen.
Fjórði söngur Guðrúnar er sterkt
verk og grípandi fagurt - þrátt fyrir
hryllilegt efni, sem sótt er í hetju-
kvæði Eddu. Guðrún Gjúkadóttir er
hér að sjálfsögðu í aðalhlutverki,
enda snýst verkið um grimmileg ör-
lög hennar og þeirra sem henni
tengdust. Harmsaga hennar er ljót,
nístandi og ægileg, hrein forneskja -
og samt er þetta hrífandi fagur
skáldskapur! I lokin syngur hún:
Það er mér harðast / harma minna /
um þann inn hvíta / hadd Svanhildar
/ auri troddu / und jóa fótum. / En sá
sárastur, / er þeir Sigurð minn, /
sigri ræntan, /í sæng vógu, /en sá
grimmastur, /er þeir Gunnari fránir
ormar/ til fjörs skriðu, /en sá
hvassastur, /er til hjarta / konung
óblauðan / kvikan skáru.
Söguþráðurinn, sem ekki gefst
rúm til að lýsa, greinist í tólf atriði:
Prólóg, För Sigurðar, Brynhildur,
Brúðkaupsnóttin, Fyrra tregróf,
Sendiboðinn, Draumar, Gildran,
Dauði Högna, Dauði Gunnars, Veisl-
an, Síðara tregróf (Exodus). Öll er
tónlistin samfelld og lýsir hverju at-
riði á áhrifaríkan hátt. Sérlega eftir-
minnileg eru þriðja atriðið (Bryn-
hildur), fjórða (Brúðkaupsnóttin) og
fimmta (Fyrra tregrof, þar sem
fyrsta hlutanum af hrikalegu lífs-
hlaupi Guðrúnar lýkur og hún hverf-
ur á braut). Einnig 8. og 9. (dauði
Högna og Gunnars), og lokatregrófið
- þar sem Guðrún telur upp harms-
efni lífs síns og syrgir hlutskipti sitt.
Söngurinn er aðdáanlegur, ekki
síst Beritar Mæland í hlutverki
Guðrúnar og Isabelu Piganiol í hlut-
verki Brynhildar. Svo er „auðvitað"
um hljómsveitina (í Caput eru ein-
tómir einleikarar, allt þekktir snill-
ingar), og skáldlega og hárnákvæma
stjórn Christians Eggen.
Fyrsta flokks hljóðritun er líka
hluti af vel heppnuðum hljómdiski,
sem seint verður oflofaður.
Oddur Björnsson
Hvar sem þú ert
og hvern sem
þú kýst...