Morgunblaðið - 10.07.1998, Blaðsíða 18

18 FÖSTUDAGUR 10. JÚLÍ 1998
VIÐSKIPTI
MORGUNBLAÐIÐ
Vátryggingar munu ekki bæta tjón vegna „2000 vandamálsiiis“
Falla utan bótasviðs al-
mennra tryggingaskilmála
VÁTRYGGINGAR munu ekki
bæta tjón sem fyrirtæki og aðrir
rekstraraðilar kunna að verða fyrir
vegna tölvubúnaðar þegar árið
2000 gengur í garð. Samband ís-
lenskra tryggingafélaga (SIT) tel-
ur að kröfur vegna slíkra tjóna falli
yfirleitt ekki undir bótasvið al-
mennra skilmála á sviði einstak-
lings- og atvinnurekstrartrygg-
inga. Tilgangur vátrygginga sé
fyrst og fremst að veita vernd gegn
óvæntum eða ófyrirséðum atburð-
um er valdið geta fjárhagstjóni.
Vandamál vegna ártalsins 2000 séu
á hinn bóginn fyrirséð og því á
ábyrgð fyrirtækja og einstaklinga
að leysa þau á sama hátt og önnur
upplýsingatæknileg vandamál.
Á síðastliðnum árum hafa ýmsir
tölvufræðingar varað við því að
tölvunotendur gætu orðið fyrir
tjóni um leið og árið 2000 gengur í
garð sökum þess að tölvubúnaður,
sem ætlað er að fást við 20. öldina
og ártöl sem byrja á 19, gæti
brugðist í einu vetfangi.
SIT hefur nú gefíð út bækling til
að skýra orsakir og eðli þessa
vanda og benda á leiðir til að tak-
marka tjón af völdum hans. Jafn-
framt er þar gerð grein fyrir að-
stöðu vátryggingastarfseminnar til
að takast á við tjón af þessu tagi og
túlkun erlendra sem innlendra vá-
tryggjenda um bótaskyldu vegna
slíkra tilvika.
Sigmar Ármannsson, fram-
kvæmdastjóri SÍT, segir að til-
gangur útgáfunnar sé að vekja at-
hygli fyrirtækja og einstaklinga á
að þau gætu orðið fyrir tjóni, sem
rakin verða til dagsetningarvanda-
mála, en fást ekki bætt úr vátrygg-
ingum. „Það er skilningur bæði ís-
lenskra og erlendra vátryggingafé-
laga að kröfur vegna tjóna, sem
raktar verða til ártalsins 2000 falli
yfirleitt ekki undir bótasvið al-
mennra skilmála á sviði einstak-
lings- og atvinnurekstrartrygg-
inga. Tilgangur vátrygginga er
fyrst og fremst að veita vátryggð-
um vernd gegn óvæntum og ófyrir-
séðum atburðum er valda fjár-
hagstjóni. Við viljum því hvetja
fyrirtæki og einstaklinga til að
hefjast handa við að leysa þessi
verkefni."
Mikilvægt að ganga
skipulega til verks
í bæklingnum er bent á nauðsyn
þess að ganga skipulega til verks
við lausn vandamálsins og taka
m.a. á eftirfarandi liðum:
• Að ganga úr skugga um að
vandamálið sé tekið fyrir, rætt
meðal æðstu stjórnenda fyrir-
tækisins og fái forgang.
• Að einhver úr hópi helstu
stjórnenda fyrirtækisins hafi
umsjón með viðfangsefninu.
• Að efla vitund og umræðu um
vanda þennan meðal starfs-
manna íyrirtækisins.
• Að fá nána samstarfsaðila, t.d.
birgja og ýmsa þjónustuaðila
fyrirtækisins, með í viðræður
um málefnið þannig að ekki
skorti hráefni, vörur eða þjón-
ustu frá þessum aðilum.
• Að útbúa gátlista yfir allan
tölvubúnað fyrirtækisins, bæði
hug- og vélbúnað.
• Að búnaðurinn sé prófaður
vegna vandamála er tengjast
dagsetningum eða leita eftir
staðfestingu framleiðanda þess
efnis að búnaðurinn standist
kröfur að þessu leyti.
• Að ganga úr skugga um að til
ráðstöfunar sé nægilegur mann-
afli og fé til þess að gera nauð-
synlegar breytingar og lagfær-
ingar.
• Að athuga einnig búnað, sem
ekki telst vera tölvubúnaður, en
gæti verið viðkvæmur að þessu
leyti. Allur búnaður með inn-
byggða tímastjómun gæti orðið
fyrir truflunum.
• Að leita til ráðgjafa og fá aðstoð
við að meta þau áhrif sem ár-
talið 2000 og skyld vandamál
geta haft á rekstur fyrirtækis-
ins.
Sameining
Spors og Skíf-
unnar stenst
samkeppnislög
SAMKEPPNISRÁÐ hefur komist
að þeirri niðurstöðu að fyrirhuguð
sameining Skífunnar ehf. og Spors
ehf. brjóti ekki í bága við sam-
keppnislög. Fyrirtækin höfðu sent
ráðinu erindi, þar sem óskað var
eftir að það tæki afstöðu til hvort
sameiningin færi í bága við lögin.
I áliti samkeppnisráðs kemur
fram, að árið 1993 hafi Jón Ólafs-
son, aðaleigandi Skífunnar, og
Steinar Berg Isleifsson stofnað
fyrirtækið Spor. Hafi þeir hvor um
sig eignast 50% hlut í fyrirtækinu.
Með því hafi Jóni Ólafssyni orðið
unnt að hafa ákvarðandi áhrif í
Spori og fyrirtækin orðið að einni
samkeppnislegri einingu. „Stofnun
Spors og yfirtaka félagsins á
rekstri Hljómplötuútgáfunnar
Steina og Steina Músík og myndir
fól því í sér slíka samþjöppun á
viðkomandi markaði að samkeppn-
isyfirvöld tóku hana til athugunar
á grundvelli 18. gr. samkeppn-
islaga. Vegna rekstrarlegrar og
fjárhagslegrar stöðu yfirteknu fyr-
irtækjanna, var ekki talið tilefni til
íhlutunar," segir í áliti ráðsins.
Niðurstöður álitsins eru
svohljóðandi: „Með vísan til þess
sem að framan hefur verið rakið er
það álit samkeppnisráðs að fyrir-
huguð sameining Skífunnar og
Spors hafi ekki í för með sér frek-
ari samþjöppun á markaðnum eða
frekari áhrif á samkeppnislega
gerð markaða sem fyrirtækin
starfa á, en þegar varð í maí 1993.
Fyrirhuguð sameining getur því
ekki komið til athugunar á grund-
velli 18. gr. samkeppnislaga.“
Morgunblaðið/Golli
GENGIÐ frá samningum vegna kaupa Skýrr á Breytu. F.v: Sigurjón
Pétursson, framkvæmdastjóri stjórnunardeildar Skýrr, Hreinn Jak-
obsson forstjóri, Atli Guðmundsson, frkvstj. Breytu, og Hrafnkell
Gíslason, frkvstj. þjónustudeildar Skýrr.
Skýrr kaupir Breytu
SKÝRR hf. hefur keypt hugbúnað-
arfyrirtækið Breytu ehf. en það hef-
ur aðallega sérhæft sig í aðferðum
tengdum „Vöruhúsi gagna“ (Date
Warehousing). Með kaupunum
hyggst Skýrr leggja meiri áherslu á
þessa tegund hugbúnaðarlausna og
skapa sóknarfæri á nýjum mörkuð-
um.
Breyta hefur umboð frá tveimur
erlendum hugbúnaðarfyi’irtækjum,
Business Objects og Informatica en
kerfi frá þeim eru uppistaðan í heild-
arlausn fyrir mörg fyrirtæki og
stofnanir á þessu sviði hérlendis.
Meðal viðskiptavina Breytu eru
Eimskip, ÚA, Landssíminn, Ríkis-
spítalar, _ Tryggingamiðstöðin og
Europay ísland.
Hreinn Jakobsson, forstjóri
Skýrr, segir að fyrirtækið hafi á und-
anfornum árum unnið að ýmsum
málum varðandi Vöruhús gagna en
með kaupunum á Breytu er stefnt að
því að leggja aukinn kraft í þennan
málaflokk. „Við ákváðum að kaupa
Breytu og sameina rekstur þess og
Skýn- til að bjóða viðskiptavinum ár-
angursríkar lausnir, skapa sóknar-
færi á nýjum mörkuðum og nýta þau
tækifæri sem felast í nýrri tækni.
Aðferðir Breytu og þau verkfæri
sem fyrirtækið hefur haft umboð
fyrir hafa leitt til mjög árangurs-
ríkra lausna til að veita stjórnendum
aðgang að ýmsum sérhæfðum upp-
lýsingum sem nauðsynlegar eru við
töku ákvarðana. Með þessum lausn-
um er hægt að veita stjórnendum og
starfsmönnum nýjan og mun betri
aðgang að upplýsingum úr tölvukerf-
um fyiirtækjanna. Þannig eru upp-
lýsingar nýttar betur sem virkt
stjórntæki í rekstri viðkomandi fyr-
irtækja og margir telja að á næstu
árum muni þetta svið fá aukið rými í
uppbyggingu upplýsingakerfa fyrir-
tækja og stofnana.“
Atli Guðmundsson framkvæmda-
stjóri hefur verið eini starfsmaður
Breytu en velta fyrh’tækisins nam
um fimmtán milljónum króna á síð-
asta ári. Starfsemi þess verður nú
sameinuð ráðgjafahópi þjónustu-
deildar Skýrr hf. og mun Átli hafa
umsjón með þeim verkefnum hjá
Skýrr sem falla undir Vöruhús
gagna.
Breyta er þriðja hugbúnaðarfyrir-
tækið sem Skýrr fjárfestir í á þessu
ári en áður hafði það keypt 62,5%
hlut í Kuggi og 10% í Gagnalind hf.