Morgunblaðið - 09.10.1998, Page 10

10 FÖSTUDAGUR 9. OKTÓBER 1998
MORGUNBLAÐIÐ
FRÉTTIR
Skrifstofa Alþingis nýtir möguleika Netsins
til að miðla upplýsingum um starfsemi þingsins
Stefnt að því að geyma útsend-
ingar frá þingfundum á Netinu
ALÞINGI
Forsíöa
Velkomin á vef Alþingis
Alþingi Islendinga ar elsta stofnun þjó&arinnar, Þaö er tali5 stofnai á
Rngvöllum ári& 930 og markar sá atburður upphaf þjóðríkis á Islandi.
Ut'in Uiscnding frá þlnjgundum
I g i.ir.efunUlr || Mngmiil R*öm-

a)| j4A»urr 1 í | ffrfndlr ||| | w'wm iAðr|r vcnr
JCjnnlna «g <n(a ..Um x.f jjjjl
„SKRIFSTOFA Alþingis hefur tek-
ið þá stefnu að þingið starfi eins
mikið fyrir opnum tjöldum á Netinu
og hægt er hverju sinni,“ segh'
Haukur Ai-nþórsson, forstöðumaður
upplýsinga- og tæknisviðs skrifstofu
Alþingis. Tilefni þessara orða er sú
nýbreytni í upp-
lýsingamiðlun af
hálfu Alþingis að
þeir sem hafa að-
gang að Netinu
geta nú fylgst með
beinni útsendingu
af þingfundum Al-
þingis af tölvu-
skjánum. Að sögn
Hauks er þarna
um að ræða
myndatöku sem
skrifstofa Alþingis sér sjálf um, en
margir kannast eflaust við hana
vegna þess að Sjónvarpið notar
hana til þess að sýna beint frá þing-
fundum Alþingis.
Haukur segir að þessi nýi mögu-
leiki á Netinu sé liður í stærra verk-
efni á vegum skrifstofunnar um
miðlun upplýsinga um starfsemi
þingsins í gegnum Netið. Stefnt sé
að því gera myndgæði og hljóð betri
en nú er og ennfremur að hægt
verði að geyma útsendingarnar á
Netinu og tengja þær gagnagrunns-
upplýsingum. Pannig verði til dæm-
is hægt að leita að ákveðinni ræðu
og spila hana með hljóði og myndum
eftir að hún var flutt.
Að sögn Hauks er hægt að nálg-
ast útsendinguna á Netinu með því
að fara inn á heimasíðu Alþingis sem
hefur slóðina www.althingi.is. A for-
síðu heimasíðunnar eru nokkrir val-
möguleikar eða tenglar og þar á
meðal einn sem heitir Bein útsend-
ing frá þingfundum. Þegar sá tengill
er valinn kemur síða sem gefur
möguleika á þremur tengingum allt
eftir því hvernig mótald viðkomandi
hefur. Haukur segir m.a. að þriðji
valkosturinn, þar sem stendur
Mynd- og hljóðstraumur-56.6Kb
mótald, sé fyrir nýjustu mótöldin og
að í gegnum hann náist bestu mynd-
og hljóðgæðin.
Þegar einn af þessum þremur val-
kostum er valinn
kemur loks síðan
sem hefur að
geyma útsending-
una frá þingfund-
um Alþingis, en á
milli þingfunda er
sýnd stillimynd af
forsetastól Al-
þingis. Myndin af
þingfundinum
sést í litlum
ramma efst á
tölvuskjánum, en fyrir neðan hann
kemur nafnið á þeim þingmanni sem
er að tala, þingmálið sem rætt er um
og númer fundarins. Þar fyrir neðan
sést svo listi yfir þá sem em á mæl-
endaskrá. Að sögn Hauks er hægt
að smella á nafn þingmannsins,
þingmálið og fundarnúmerið til þess
að fá frekari upplýsingar. Sé tU
dæmis smellt á nafn þingmannsins
kemur mynd af honum á skjáinn og
yfirlit yfir æviferil hans. Sé hins
vegar smellt á þingmálið er hægt að
sjá feril þess máls á þinginu og sé
smellt á númer fundarins kemur
upp dagskrá þingfundarins.
Hægt verði að geyma
hljóð og myndir
Að sögn Hauks er þessi nýi mögu-
leiki byrjunin á stóru verkefni sem
miðar m.a. að því að bæta hljóð- og
myndgæði útsendingarinnar. Næsta
skref felist hins vegar í því að undir-
búa þann möguleika að geyma hljóð
og mynd og tengja gagnagrunns-
upplýsingum Alþingisvefsins. „Það
skref verður hins vegar ekki tekið
fyrr en á næsta ári,“ segir Haukur
en vill að öðru leyti ekki setja niður
neina tímasetningu á því hvenær að
því geti orðið.
Það að hægt verði að geyma hljóð
og mynd býður upp á fleiri mögu-
leika, segir hann. „Þá verður hægt
að fara á ákveðið þing, ákveðið þing-
mál, ákveðna umræðu og niður í
ákveðna ræðu og spila hana með
mynd og hljóði," segir hann og bætir
því við að það sé í raun mjög hagnýtt
þar sem auðveldara verður að fylgj-
ast með einstökum málum. Sem
dæmi nefnir hann að dagskrárliðir
þingfundar séu ekki tímasettir og
því geti þeir sem vilji fylgjast með
ákveðnu máli misst af málinu vegna
þess að það kemur kannski fyrr á
dagskrá en viðkomandi átti von á.
Hafí það gerst geti viðkomandi með
fyrirhugaðri nýjung hins vegar fund-
ið umræðuna í gagnagi-unninum og
spilað hana eftir að hún átti sér stað.
Aðspurður um sjónvai-psrásina á
breiðbandinu sem Alþingi fær afnot
af vegna samnings sem undirritaður
var milli Alþingis og Landssímans
fyrir stuttu, segir hann að tilgangur
samningsins sé að senda frá Alþingi
órofna dagskrá frá þingfundum sem
öll þjóðin muni geta náð innan nokk-
urra ára. Hugmyndir um að nýta
rásina að öðru leyti fyrir til dæmis
kynningarefni frá þingflokkum eða
til að segja nánar frá störfum Al-
þingis eru á hinn bóginn ekki langt á
veg komnar.
Hann segir til dæmis að ekki sé
hægt að segja nákvæmlega til um
það hvenær byrjað verði að senda út
á þessari sjónvarpsrás annað efni en
frá þingfundum og ennfremur að
það komi í hlut forsætisnefndar og
þingflokka Alþingis að ákveða nánar
með hvaða hætti slík sjónvarpsrás
verði notuð.
Iíím|
ALÞINGI
Umræður um Kyoto-bókunina á Alþingi
Þingmenn jafnaðar-
manna sakaðir um
óskýra stefnu
ÞINGMENN úr þingflokki jafnað-
armanna voru sakaðir um óskýra
stefnu í stóriðjuframkvæmdum í
umræóum á Alþingi í gær og í
fyrradag, en þá var rætt um þingsá-
lyktunartillögu samfylkingarflokk-
anna um undirritun Kyoto-bókunar-
innar. Vilja flutningsmenn tillög-
unnar að rikisstjórnin undirriti nú
þegar fyrir íslands hönd Kyoto-
bókunina svokölluðu, bókun við
samning Sameinuðu þjóðanna um
loftslagsbreytingar.
Hjörleifur Guttormsson, þing-
flokki óháðra, reið á vaðið og benti á
að með kröfunni um undirritun
Kyoto-bókunarinnar nú þegar væru
þingmenn Alþýðuflokksins að lýsa
sig reiðubúna til þess að slá striki
yfir þær hugmyndir í stóriðjufram-
kvæmdum sem uppi hefðu verið á
Islandi að undanfömu. Benti hann
m.a. á máli sínu til stuðnings að
áætluð losun gróðurhúsaloftteg-
unda vegna fyrirhugaðrar
magnesíumverksmiðju á Reykja-
nesi myndi ekki rúmast innan
þeirra takmarkana sem settar væru
i Kyoto-bókuninni eins og hún liti út
núna.
Sagðist Hjörleifur ánægður með
það sem hann kallaði sinnaskipti
talsmanna Alþýðuflokksins og benti
á að ekki væri langt síðan hann
hefði staðið í nokkuð hörðum deilum
við alþýðuflokksmenn þar sem þeir
hefðu varið stóriðjuframkvæmdir.
Valgerður Sverrisdóttir, þingmaður
Framsóknarflokks, tók undir mál-
flutning Hjörleifs og sagði m.a. að
það færi ekki saman að vera fylgj-
andi stóriðjuframkvæmdum og um
leið undirritun Kyoto-bókunarinnar
nú þegar. Benti hún á að það yrði
ekki bæði sleppt og haldið í þessum
efnum.
Ekki bæði sleppt og haldið
Ágúst Einarsson, þingflokki jafn-
aðarmanna, sem mælti fyrir þingsá-
lyktunartillögunni, mótmælti þessu
hins vegar og sagði að málið snerist
ekki um það að „sleppa og halda“,
eins og hann orðaði það, heldur um
atvinnustefnu framtíðarinnar.
Rannveig Guðmundsdóttir, þing-
flokki jafnaðarmanna, sagði einnig
að ekki væri um ný sinnaskipti að
ræða, heldur hefðu sinnaskiptin átt
sér stað á flokksþingi Alþýðuflokks-
ins fyrir tveimur árum. „Þá var
gerð samþykkt um að gerbreyta
okkar stefnu, fara í endurskoðun á
henni og vinna að því að fínna út
hvernig við mundum standa að mál-
um,“ sagði hún meðal annars.
Morgunblaðið/Þorkell
FULLTRÚAR Vestmannaeyjabæjar, Guðjón Hjörleifsson og Þorgerð-
ur Jóhannsdóttir, gengu á fund fjárveitinganefndar í gær.
Fulltrúar Vestmannaeyjabæjar
funduðu með fjárveitinganefnd
Vatnsleiðslan verði
grafin niður
FULLTRÚAR Vestmannaeyjabæj-
ar gengu á fund fjárveitinganefndar
í gær og gerðu nefndinni grein fyrir
sínum málum, en meðal verkefna
sem bæjarfélagið leggur mikla
áherslu á er að vatnsleiðslan til bæj-
arins verði grafin niður þar sem
hún liggur yfir Markarfljót til að
minnka hættuna á að leiðslan fari í
sundur.
Guðjón Hjörleifsson, bæjarstjóri í
Vestmannaeyjum, sagði að vatns-
leiðslan til Vestmannaeyja hefði
ekki verið færð þegar ný brú yfír
Markarfljót hefði verið byggð og
þótt gert væri ráð fyrir vatnsleiðslu
í biúnni væri svo mikill kostnaður
því samfara að færa leiðsluna eða
120 milljónir króna að þau sæju
ekki fyrir að fjárveiting fengist að
svo komnu til þess.
Hins vegar væri hægt að leysa
málið með því að grafa leiðsluna
fjóra metra niður fyrir botninn á
ánni. Það kostaði 15 milljónir og
þau hefðu verið að óska eftir fjár-
veitingu til þess. Verkefnið væri
mjög mikilvægt fyrir bæjarfélagið
eins og sæist best af því ef vatns-
leiðslan færi í sundur á miðri vertíð
í Eyjum og varatankurinn einn ætti
að sjá Eyjunum fyrir vatni.
Alþingi
Stutt
Þingmenn
þingflokks óháðra
Vilja umhverf-
ismat á Fljóts-
dalsvirkjun
ÞINGMENN þingflokks óháðra
hafa lagt fram á Alþingi þingsálykt-
unartillögu þess efnis að Alþingi
álykti að skora á ríkisstjórnina að
láta fara fram mat samkvæmt lög-
um nr. 63/1993 á umhverfisáhrifum
fyi-irhugaðrar Fljótsdalsvirkjunar,
þrátt fyrir að virkjunarleyfí hafi
verið veitt. Tillagan var einnig lögð
fram á síðasta löggjafarþingi án
þess að ná fram að ganga og er
fyrsti flutningsmaður hennar Hjör-
leifur Guttormsson.
„Seytján ár era liðin frá því að
heimildarlög voru sett um virkjun-
ina og sjö ár frá því að stjórnvöld
veittu virkjunarleyfi. Með því að
samþykkja áskorun til ríkisstjórn-
arinnar um að mat fari fram á um-
hverfisáhrifum virkjunarinnar, eins
og lögbundið er um hliðstæð mann-
virki, legði Alþingi sitt af mörkum
til að sem skýrust mynd lægi fyrir
og almannaviðhorf kæmu fram um
málið eins og eðlilegt verður að telj-
ast áður en ákvarðanir eru teknar,"
segir m.a. í greinargerð með tillög-
unni.
Vill úttekt á
útlánatöpum
banka
JÓHANNA Sigurðardóttir, þing-
flokki jafnaðarmanna, hefur lagt
fram á Alþingi tillögu til þingsálykt-
unar um úttekt á útlánatöpum
Landsbanka Islands og Búnaðar-
banka Islands. Meðflutningsmaður
hennar er Ásta R. Jóhannesdóttir,
þingflokki jafnaðarmanna.
Meginefni tillögunnar er að Al-
þingi álykti að fela viðskiptaráð-
herra að láta fara fram úttekt á út-
lánatöpum Landsbankans og Bún-
aðarbankans á árunum 1993-1997.
Skal hún framkvæmd af hlutlausum
fagaðilum eins og endurskoðunar-
skrifstofum, innlendum eða erlend-
um. Úttektin skal sérstaklega bein-
ast að því að finna og skýra ástæður
þessara útlánatapa. Jafnframt skal
kannað hvort um óeðlilega fyrir-
greiðslu eða hagsmunaárekstra hafi
verið að ræða við veitingu þessara
lána eða ófullnægjandi tryggingar.
Niðurstaða úttektarinnar skal lögð
fyrir Alþingi á haustþingi 1999.
Táknmál verði
viðurkennt
móðurmál
heyrnarlausra
TILLAGA Svavars Gestssonar,
þingflokki Alþýðubandalags, um að
íslenska táknmálið verði viðurkennt
móðurmál heyrnarlausra hlaut góð-
ar undirtektir þingmanna á Alþingi
í vikunni þegar hann mælti fyrir til-
lögunni. Meginefni tillögunnar er að
Alþingi álykti að fela menntamála-
ráðherra að undirbúa frumvarp til
laga um að íslenska táknmálið verði
viðurkennt móðurmál heyrnar-
lausra hér á landi.
I greinargerð tillögunnar segir
m.a. að sérstök lög um íslenska
táknmálið sem móðurmál snúist um
það að tiltekinn hópur hafi rétt á því
að taka þátt í öllum athöfnum þjóð-
félagsins til jafns við aðra og að
hann eigi því rétt á túlkun. „Jafn-
framt væri samfélagið með slíkri
lagasetningu að ákveða að mennta
túlka og að rannsaka og þróa ís-
lenska táknmálið svo sem nauðsyn-
legt er,“ segir meðal annars í grein-
argerðinni.