Morgunblaðið - 24.10.1998, Qupperneq 64

M LAUGARDAGUR 24. OKTÓBER 1998
MORGUNBLAÐIÐ
Grettir
Hundalíf
írog Eg Ufi reglu/ega
'tur Skipanir.J hundallhj . '
tg heyri-eJdkerti
annab J>esscL /
'MiErié tzt-
Ljóska
Smáfólk
LUELL, VOU
PIPN'T 5AT
"PLEA5E"
MERE, CRABBT..
PLEASE 5HARPFN
THI5 PENCIL..
Héma, Magga „yddaðu blý- Yddaðu hann sjálf! Hver þyk- Nú, þú sagðir Svona, fýlupoki, „viltu
antinn“. istu vera! Álfaprinsessa? ekki: „Viltu gjöra gjöra svo vel að ydda
En hvað þú getur verið fúl- svo vel“ þennan blýant“.
lynd...
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
„Land á vogar-
skálum“ -
Athugasemd
Frá Helga Björnssyni:
í LESBÓK Morgunblaðsins hinn
17. október sl. birtist rabb nefnt
Land á vogarskálum eftir Gísla Sig-
urðsson. Þar víkur hann að viðtali
blaðamanns Morgunblaðsins við
mig, 30. september sl. um umbrot í
Hagafellsjöklum. Orðrétt segir
Gísli: „Helgi Bjömsson jöklafræð-
ingur var inntur eftir orsökum
þessa framskriðs í Morgunblaðinu.
Birtist kort með og fannst mér leitt
að sjá, að Stóra-Jarlhetta, sem svo
hefur verið nefnd frá ómunatíð, var
kölluð Tröllhetta samkvæmt fyrir-
mælum jöklafræðingsins og korta-
teiknari blaðsins varð að beygja sig
þótt hann vissi betur. Sá mæti mað-
ur Jón heitinn Eyþórsson virðist
ekki hafa þekkt nafnið á fjallinu og
sló fram þessu Tröllhettuheiti, sem
háskólamenn virðast hafa kok-
gleypt, en heimamenn þekkja ekk-
ert fjall með því nafni.“ Síðar segir:
„Reynum að umgangast fom ör-
nefni með virðingu. Jöklafræðingar
og aðrir vísindamenn ættu að huga
að því ekki síður en aðrir.“
Eini þáttur minn í gerð þessa
korts var sá, að ég sendi blaða-
manni tölvuteikningu, sem sýndi
jaðar Langjökuls og hraða Haga-
fellsjöklanna. Á henni voru engin
ömefni sýnd og ég ræddi ekki við
teiknara blaðsins vegna þessarar
fréttar. Nafnið Hagafellsvatn í stað
Hagavatns í texta fréttarinnar var
heldur ekki frá mér komið. Athuga-
semd Gísla um að ég hafi mælt svo
fyrir að Jarlhettan skyldi kölluð
Tröllhetta er því algjörlega stað-
laus, en hann lætur ekki einu sinni
þar við sitja, heldur segir að ég hafí
beinlínis neytt kortateiknara Morg-
unblaðsins til þess að birta rangt ör-
nefni. Þessi fullyrðing er með ólík-
indum og fer ég fram á að Morgun-
blaðið biðji mig afsökunar á því að
birta þessar ósönnu og meiðandi
ásakanir.
Til fróðleiks vil ég að lokum nefna
að í nýjustu Árbók Ferðafélags ís-
lands (1998), sem skrifuð er af Gísla
Sigurðssyni, er rætt um Tröllhettu-
nafnið í nokkuð öðrum tón en í
rabbi Lesbókar. Þar segir (bls. 210):
„Sunnanvert við miðja röðina er sú
sem mest ber á og heitir frá fomu
fari Stóra-Jarlhetta (943 m). Þeim
mæta manni og ferðagarpi Jóni Ey-
þórssyni þótti það ekki nægilega til-
komumikið og vildi nefna tindinn
Tröllhettu; örnefni sem að minnsta
kosti hefur ekki skotið rótum í Bisk-
upstungum. Samt hefur það sést í
bókum og á nýju koi-ti Landmæl-
inga íslands."
HELGI BJÖRNSSON,
jöklafræðingur
Aths.
Staðreynd er að örnefninu á korti
Morgunblaðsins var breytt á meðan
kortið var í vinnslu, en hins vegar
voru mér ekki gefnar alveg réttar
upplýsingar. Kortateiknarar blaðs-
ins hafa nú upplýst að það var gert
að beiðni ungra ferðalanga og ljós-
myndara sem tekið höfðu ljósmynd
sem birtist með frétt í blaðinu um
framskrið Eystri-Hagafellsjökuls.
Helgi Björnsson jöklafræðingur
kom þar hvergi nærri og er ekki
nema sjálfsagt að biðja hann afsök-
unar. En fjallamennirnir ungu sem
létu breyta gamalgrónu örnefni
ættu að leggja á minnið að fjallið
heitir Stóra-Jarlhetta.
Gísli Sigurðsson
Af háleitum
hugsjónum
Frá Jóni K. Guðbergssyni:
EKKI er logið á stuttbuxnaliðið. Nú
hefur keppinautur Helga Hjörvars í
borgarstjórn um titilinn stuttbuxi
ársins slæðst inn á Alþingi. Og nátt-
úrlega láta frelsishugsjónimar Guð-
laug þennan ekki í friði. Hann hefur
fundið sér veglegt baráttumál og þá
auðvitað í þágu þeirra sem veitir
ekki af stuðningnum, kaupmanna-
stéttarinnar í landinu. Hann leggur
sem sé til í jómfrúarræðu sinni
(hvers eiga jómfrúr eiginlega að
gjalda?) að kaupmönnum verði falið
að annast dreifingu eina löglega
vímuefnisins sem höndlað er með í
landinu.
Þetta er náttúrulega afskaplega
vel til fundið. Við könnun í Hafnar-
firði í fyrra kom nefnilega í ljós að
kaupmönnum er afar vel trúandi
fyrir að selja tóbak. Það voru ein-
ungis 80% þeirra sem seldu ung-
lingum innan lögaldurs þetta ííkni-
efni. Og flestir vita hversu grand-
varir frelsisunnandi veitingamenn
eru. Ekki fer mikið fyrir því að þeir
selji unglingum innan lögaldurs
áfengi eða heimili þeim dvöl í húsa-
kynnum sínum á þeim tímum sem
slíkt er óheimilt. Ekki ber heldur á
því að frjálsir framleiðendur og
sölumenn áfengis reyni að snið-
ganga lög þau sem Álþingi hefur
sett um bann við áfengisauglýsing-
um. Og enginn skyldi láta sér detta
í hug að sala áfengis ykist þótt sölu-
stöðum yrði fjölgað frekar en að
áfengiskaup aukist þótt varan sé
auglýst. Um áfengi gilda nefnilega
allt aðrar reglur en um annan sölu-
varning.
Þetta er sem sagt allt mjög gott
og ánægjulegt, að stuttbuxnaliðið
skuli fá að viðra hugsjónir sínar og
háleit stefnumið á sjálfu Alþingi ís-
lendinga.
JÓN K. GUÐBERGSSON,
Máshólum 6, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.