Morgunblaðið - 28.10.1998, Blaðsíða 18
18 MIÐVIKUDAGUR 28. OKTÓBER 1998
VIÐSKIPTI
MORGUNBLAÐIÐ
Verðtryggð
spariskírteini
*
Avöxtunar-
krafa
hækkar
ÁVÖXTUNARKRAFA verð-
tryggðra skuldabréfa hefur
hækkað undanfarna daga en
síðan fjármálaráðherra heimil-
aði Lánasýslu Ríkisins hinn 15.
október sl. að nota allt að tveim-
ur milljörðum króna til þess að
kaupa á markaði og innleysa
spariskírteini ríkissjóðs til
langs tíma, hefur ávöxtunar-
krafan farið stiglækkandi.
Að sögn Ómars Tryggvason-
ar hjá viðskiptastofu Islands-
banka skýrist þessi hækkun nú
á því að þar sem lækkunin hafí
verið svo hröð undanfarið hafí
komið inn hagnaðartökuþáttur,
þ.e. að menn sem keypt höfðu
bréf þegar ávöxtunarkrafan var
há og verðið lægra, séu að selja
aftur til að fá hagnað strax af
bréfunum.
„Við teljum þetta eðlilega
leiðréttingu á lækkununum og
er nokkuð sem alltaf gerist.
Lækkunin var mjög hröð og því
kemur inn svona hagnaðartöku-
þáttur. Þrátt fyrir þetta sjáum
við fyrir okkur áframhaldandi
lækkun á langtímavöxtum.
Vextimir geta hæglega farið í
3,5% í kringum mitt næsta ár og
hugsanlega neðar,“ sagði Ómar
í samtali við Morgunblaðið.
Ríkið býður út
ný spariskírteini
Ávöxtunarkrafa 17 ára spari-
skírteina hefur hækkað um
rúma 6 punkta, er núna 3,95%
en fór lægst niður í 3,89%.
5-7 ára bréfin hafa hækkað
mest síðustu þrjá daga, um
9-23 punkta en ávöxtunarkrafa
þeirra er nú 4,68-4,84%.
I dag klukkan 14 mun Lána-
sýsla ríkisins bjóða út verð-
tryggð spariskírteini að heildar-
fjárhæð á bilinu 100-500 millj-
ónir króna að söluvirði. Gjald-
dagi bréfanna er 10. apríl 2004
og greiðsludagur er 30. október.
EBÍ stóð á bak við hæsta tilboðið í hlutabréf Landsbanka íslands hf.
Eignarhlutur félagsins
nemur samtals 2,5%
EIGNARHALDSFE LAGIÐ
Brunabótafélag íslands (EBÍ) stóð
á bak við kaup Vilhjálms Bjarna-
sonar viðskiptafræðings á hlutafé í
Landsbanka íslands hf. í þriðja til-
boðsflokki hlutafjárútboðs bankans
fyrr í þessum mánuði. Eignarhalds-
félagið keypti þannig fímmtíu millj-
ónir að nafnvirði eða 128 milljónir
að markaðsvirði. Félagið lét ekki
þar við sitja heldur hefur að undan-
fömu til viðbótar keypt hlutabréf í
Landsbankanum úr almenna út-
boðsflokknum. Það á nú hlutafé í
bankanum fyrir 162,5 milljónir
króna að nafnvirði og hefur það alls
varið 370 milljónum króna til
kaupanna. Eignarhaldsfélagið á nú
alls 2,5% hlutafjár í Landsbankan-
um og er stærsti hluthafinn á eftir
ríkinu.
Ekki er útilokað að Eignarhalds-
félagið kaupi fleiri hlutabréf í bank-
anum á næstunni þar sem því verð-
ur væntanlega gefinn kostur á að
kaupa á tilboðsverði það hlutafé,
sem áskrifendur í almennum flokki
útboðsins greiða ekki fyrir.
Tímabundin leynd
Þegar tilboð voru opnuð, 29.
september sl., vildi Vilhjálmur ekki
gefa upp hverjir stæðu að tilboðinu
með honum en sagði að um væri að
ræða venjulega sparifjáreigendur,
sem vildu fá hlutdeild í hagnaði
bankans og reiknuðu með að það
skilaði þeim hærri ávöxtun en vext-
ir, sem bankinn borgaði. Nú hefur
hins vegar komið á daginn að EBÍ
stendur að tilboðinu. Vilhjálmur
segir að rétt hafi þótt að halda því
leyndu að EBI stæði að baki tilboð-
inu á meðan félagið væri að auka
við hlut sinn í félaginu á almennum
markaði. Að öðrum kosti hefði
hætta verið á að verð bréfanna
hefði hækkað og þau ekki fengist á
eins hagstæðu verði.
AUGLÝSING ÞESSIEREINGÖNGU BIRT í UPPLÝSINGASKYNI
Skráning hlutabréfa
Hraðfrystihússins hf.,
Hnífsdal
á Verðbréfaþingi íslands
Verðbréfaþing íslands hefur samþykkt
að skrá hlutabréf Hraðfrystihússins hf.
á Vaxtarlista þingsins þann 2. nóvember nk.
Heildarnafnverð hlutafjár:
Heildarnafnverð hlutafjár félagsins er kr. 339.891.705. Hlutaféð er ailt í
einum flokki jafn rétthárra bréfa.
Starfsemi samkvæmt samþykktum:
Tilgangur félagsins samkvæmt 2. grein samþykkla er fiskkaup, alhliða
fiskverkun og sala afurða, útgerð skipa, kaup, sala og rekstur fasteigna og
lánastarfsemi.
Umsjón með skráningu:
íslandsbanki hf., kt. 421289-5069, Kirkjusandi, 155 Reykjavík, sími 560-
8000 og bréfsími 560-8190 er umsjónaraðili og annast milligöngu við
skráningu á Verðbréfaþing íslands.
Upplýsingar og gögn:
Skráningarlýsing og önnur gögn um Hraöfrystihúsiö hf. liggja frammi
hjá viðskiptastofu íslandsbanka hf., Kirkjusandi, 155 Reykjavík og hjá
Hraðfrystihúsinu hf., 410 Hnífsdal.
ISLANDSBANKI
Stjóm Eignarhaldsfélagsins
Brunabótafélags íslands (EBÍ)
ákvað á fundi sínum 23. september
sl. að senda inn tilboð í þriðja til-
boðsflokk hlutafjárútboðs Lands-
bankans, fyrir fimmtíu milljónir
króna að nafnvirði. Eftir skoðun á
málinu var ákveðið að hafa tilboðs-
gengið 2,566 og var Vilhjálmur
fenginn til samstarfs í málinu en
hann situr í fulltrúaráði EBÍ fyrir
Garðabæ. Vilhjálmur gerði síðan til-
boð í eigin nafni eins og kunnugt er
og kom á daginn að það var hæsta
tilboðið eða 0,066 hærra en næst-
hæsta tilboðið.
Meðalgengi kaupanna 2,35
Þegar ljóst varð að EBÍ væri með
tilboðsrétt á þessum þriðja hluta-
bréfaflokki útboðsins fyrir fimmtíu
milljónir króna að nafnvirði, var
ákveðið að fjárfesta frekar í Lands-
bankanum með viðbótarkaupum á
frjálsum markaði. Heildareign
hlutafjár EBÍ í bankanum nemur
nú um 2,5% af heildarhlutafé bank-
ans á meðalgengi 2,35 samkvæmt
upplýsingum frá félaginu.
Heildareignir EBÍ nema um
þremur milljörðum króna og hefur
það því keypt hiutabréf í Lands-
bankanum fyrir rúmlega 10% af
þeim. Nýlega keypti EBÍ einnig
0,8% hlut í Sjóvá-AImennum og
nam kaupverðið um 100 milljónum
króna. Þá gekk það einnig frá kaup-
um í smáum hlut í Tryggingamið-
stöðinni fyrir skömmu.
I samræmi við
fjárfestingarstefnu EBÍ
Samkvæmt fjárfestingarstefnu
EBÍ ber því að fjárfesta í vátrygg-
ingastarfsemi, fjármálastarfsemi og
blandaðri fjármála- og vátrygginga-
starfsemi. Forsenda siíkrar fjár-
festingar er að hún sé arðsöm og
skili félaginu tekjum til að standa
við hlutverk sitt. Hilmar Pálsson,
forstjóra EBÍ, segir að Landsbank-
inn fullnægi þeim kröfum sem fé-
iagið geri til fjárfestingar. „Lands-
bankinn hefur í meira en heila öld
starfað alls staðar á landinu og
eignarhald bankans í vátrygginga-
starfsemi gerir bankann að góðum
fjárfestingarkosti. Landsbankinn
og Eignarhaldsfélagið Brunabótafé-
lag Islands hafa átt samieið og
traust samskipti í tugi ára í þjón-
ustu við sveitarfélögin í landinu og
hefur bankinn enn treyst þau sam-
skipti með stofnun sérstakrar ráð-
gjafardeildar fyrir fjármálaþjón-
ustu við sveitarfélögin.
Morgunblaðið/Árni Sæberg
LEYNDINNI aflétt. Vilhjálmur Bjarnason viðskiptafræðingur og
Hilmar Pálsson, forstjóri Eignarhaldsfélagsins Brunabdtafélags
Islands, skýra frá hlutafjárkaupum félagsins í Landsbankanum.
Microsoft sakar
Netscape um klæki
Washington. Reuters.
MICROSOFT hefur sakað
Netscape Communications
Coi-p. um að hafa lagt fyrir sig
gildru með því að nota fund fyr-
irtækjanna 1995 til að afla
gagna, sem bandaríska dóms-
málaráðuneytið gæti notað í
rannsókn sinni á því hvort
Microsoft bryti gegn lögum
gegn hringamyndunum.
Microsoft hélt því einnig fram
í byrjun annarrar viku málaferla
gegn hugbúnaðarrisanum að
stjórnvöld hefðu haldið nýjum
skjölum um fundinn leyndum
þar til á laugardag.
Það sem gerðist á fundi 21.
júní 1995 hefur úrslitaþýðingu í
máli því sem alríkið og 20 ríki
hafa höfðað gegn Microsoft.
Stjómvöld og Netscape halda
því fram að Microsoft hafi borið
fram þá ólöglegu uppástungu að
fyrirtækin skiptu á milli sín
markaði fyrir netskoðunarbúnað
og hótað að koma Netscape fyrir
kattarnef ef samvinnu yrði hafn-
að. Microsoft neitar því að hafa
gert nokkuð misjafnt og sagði
dómstólnum í síðustu viku að
Netscape hlyti að hafa spunnið
upp frásögn sína af fundinum.
Á mánudag hélt lögfræðingur
Microsofts, John Warden, áfram
að draga sannleiksgildi fram-
burðar Netscapes í efa þegar
hann yfírheyrði forstjóra
Netscape, Jim Barksdale, fjórða
daginn í röð.
Leiddir í gildru?
Warden spurði hvort ekki
væri rétt að fundurinn 21. júní
1995 hefði verið haldinn til að
búa til eitthvað, sem kalla mætti
skýrslu, til að afhenda hana
dómsmálaráðuneytinu og þrýsta
á það að láta til skarar skríða
gegn Microsoft. Barksdale kvað
það fráleitt.
Mál stjórnarinnar byggist
sumpart á minnismiðum, sem
Netscape-meðstofnandinn Marc
Andreessen skrifaði um fund-
inn. I síðustu skjölum málsins
eru þessir miðar ásamt bréfi,
sem einn lögmanna Netscapes,
Gary Reback, sendi dómsmála-
ráðuneytinu degi síðar, 22. júní
1995.
Starfsmönnum ríkisfyrir-
tækja boðin hagstæð kjör
FRAMKVÆMDANEFND um
einkavæðingu hefur lagt á það
áherslu þegar hún hefur komið að
einkavæðingu ríkisfyrirtækja að
starfsmönnum sé boðið að kaupa
hlutabréf á sama gengi og almenn-
ingi en jafnframt sé þeim boðið
upp á hagstæðari greiðslukjör,
segir Hreinn Loftsson, formaður
framkvæmdanefndar um einka-
væðingu.
Starfsmenn Fjárfestinarbanka
atvinnulífsins og nokkrir fyrrum
starfsmenn þeirra fjárfestingar-
lánasjóða sem eru forverar FBA
geta keypt hlut í FBA á betri kjör-
um en almenningi býðst en gengi
bréfanna er það sama. Aftur á móti
gátu starfsmenn Landsbankans
keypt hlut í Landsbankanum á mun
lægra gengi en almenningur. Hið
sama verður upp á teningnum hjá
Búnaðarbanka Islands.
Hreinn segist telja að ákvörðun
um lægra gengi til starfsmanna
Landsbanka og Búnaðarbanka stafi
af uppgjöri við starfsmenn og
starfsmannafélög á lífeyrissjóða-
skuldbindingum.
Hreinn segir að starfsmenn FBA
hafi verið sammála framkvæmda-
nefndinni um að halda sig við þá
stefnu sem áður hefur verið mörkuð
við einkavæðingu, það er sama
gengi en hagstæðari kjör. Eins hafi
Landsbankinn Iánað sínum starfs-
mönnum fyrir hlutabréfakaupum
þannig að þeir gátu notið hagræðis-
ins strax en hjá FBA fá starfsmenn
ekki hlutabréfin afhent fyrr en þau
eru að fullu greidd.
Aðspurður segir Hreinn að ekki
hafi verið vitað, þegar ákvörðun um
kjör starfsmanna FBA var tekin,
hvernig skattyfii-völd myndu taka á
þeim mismun sem var á sölugengi
til starfsmanna Landsbankans og
sölugengi í almennum flokki.
Þegar ríkið seldi hlut sinn í
Lyfjaverslun íslands, Jarðborun-
um og ísienska járnblendifélaginu
gilti sama regla og hjá FBA, sama
gengi til starfsmanna en hagstæð-
ari kjör en til almennings. I lok
nóvernber verður 44% hlutur ríkis-
sjóðs, Reykjavíkurborgar og Raf-
magnsveitu Reykjavíkur í Skýrr
boðinn út. Að sögn Hreins verður
starfsmönnum Skýrr ekki boðið að
kaupa á hagstæðari kjörum þar
sem þeir hafi keypt 5% hlut í Skýrr
í ársbyrjun 1997 á hagstæðum
kjörum.