Morgunblaðið - 28.10.1998, Blaðsíða 64
MORGUNBLAÐID, KRINGLAN1,103 REYKJAVIK, SÍM1S691100, SÍMBRÉFS691181
PÓSTHÓLF 3040, NETFANG: RITSTJ&MBL.IS, AKUREYRI: KAUPVANGSSTRÆTI1
MIÐVIKUDAGUR 28. OKTÓBER 1998
. VERÐ í LAUSASÖLU 125 KR. MEÐ VSK
Vilja umhverfísmat
á Fljótsdalsvirkjun
EBÍ með 2,5%
eignarhlut í
Landsbanka
Eignarhaldsfélagið Brunabótafé-
—lag Islands (EBÍ) stóð á bak við
kaup Vilhjálms Bjarnasonar við-
skiptafræðings á hlutafé í Lands-
banka íslands hf. í þriðja tilboðs-
flokki hlutafjárútboðs bankans fyi'r
í þessum mánuði. Eignarhaldsfélag-
ið keypti þannig fimmtíu milljónir
að nafnvirði eða 128 milljónir að
markaðsvirði. Félagið lét ekki þar
við sitja heldur hefur að undanförnu
til viðbótar keypt hlutabréf í Lands-
bankanum úr almenna útboðs-
flokknum. Það á nú hlutafé í bank-
anum fyrir 162,5 milljónir króna að
nafnvirði og hefur það alls varið 370
milljónum króna til kaupanna.
Eignarhaldsfélagið á nú alls 2,5%
hlutafjár í Landsbankanum og er
— stærsti hluthafmn á eftir ríkinu.
■Eignar hlutur /18
Morgunblaðið/Þorkell
MÁVAGER
HREPPSNEFND Fljótsdals-
hrepps hefur samþykkt ályktun
þar sem mælt er með því að fram-
kvæmt verði lögformlegt mat á
umhverfisáhrifum Fljótsdalsvirkj-
unar. Nefndin beinir því ennfrem-
ur til Landsvirkjunar og stjórn-
valda að beita sér fyrir því að mat á
umhverfisáhrifum Fljótsdalsvirkj-
unar verði framkvæmt með lög-
formlegum hætti.
Fjórir af fimm hreppsnefndar-
mönnum samþykktu ályktunina, en
oddviti hreppsins sat hjá. Jóhann
F. Þórhallsson hreppsnefndarmað-
ur bar tillöguna upp og segir
kveikjuna að henni vera komna frá
því hve miklar breytingar hafi orð-
ið á viðhorfi almennings til náttúr-
unnar á undanfórnum ámm.
Viðhorf til náttúru
og umhverfis breyst
„Leyfi fyrir Fljótsdalsvirkjun
var samþykkt á Alþingi árið 1981,
en síðan þá hefur mikið vatn runn-
ið til sjávar. Viðhorf til náttúra og
umhverfis er allt annað en það var
þá. Menn eru famir að sjá að
ósnortin náttúra er ekki einskis
virði. Við teljum að það yrði slæmt
ef menn stæðu uppi eftir ár eða
áratugi og almennt sjónarmið væri
að með Fljótsdalsvirkjun hefðu
verið gerð slæm mistök. Þá verður
hægt að benda á að það hafi ekki
verið notuð bestu tæki sem til vora
til að varna þessum mistökum.
En við höfum lögformlegt mat á
umhverfisáhrifum og það er full-
komnasta tækið sem við höfum til
að meta áhrif virkjunarinnar á
náttúra og lífríki svæðisins. Það er
okkar skoðun að við eigum að nota
það. Það segir í sjálfu sér ekkert
um það hvort við séum á móti
virkjunum eða ekki, en við eigum
ekki að fara út í svona fram-
kvæmdir nema að vera búin að
kanna afleiðingar þeirra ítarlega,"
segir Jóhann F. Þórhallsson.
Sýslumaðurinn í Hafnarfírði
Lögbann á að-
gerðir sjómanna
í Straumsvík
SÝSLUMAÐURINN í Hafnarfirði
lagði um sexleytið í gær lögbann á
aðgerðir Sjómannafélags Reykja-
víkur á hafnarbakkanum í
Straumsvík, en félagið stöðvaði
löndun úr flutningaskipinu Hanse-
duo á miðnætti í fyrrinótt vegna
deilna um kjör sjómanna um borð.
Lögbannið tók strax gildi og
óskaði gerðarbeiðandi eftir aðstoð
lögreglu til þess að framfylgja lög-
banninu þai' sem gerðarþoli, Sjó-
mannafélag Reykjavíkur, vildi ekki
tjá sig um hvort aðgerðunum yrði
hætt eða ekki. Lögregla kom á
staðinn um kvöldmatarleytið og
hætti Sjómannafélagið þá aðgerð-
um og yfirgaf svæðið.
Skipið er í eigu þýskrar útgerð-
ar, en Eimskipafélag íslands hefur
það á leigu, meðal annars til flutn-
inga fyrir íslenska álfélagið í
Straumsvík. Gerðarbeiðandi, sem
er Eimskipafélag Islands, og Is-
lenska álfélagið verða að krefjast
staðfestingar á lögbanninu fyrir
dómstólum innan viku frá gildis-
töku þess.
Megn óþefur
Jónas Garðarsson, formaður
Sjómannafélags Reykjavíkur,
sagði að megn óþefur væri af
þessum úrskurði sýslumannsins í
Hafnarfirði og hann byggði það á
þeim málflutningi sem vinnuveit-
endur hefðu haft uppi þegar málið
var tekið fyrir hjá sýslumanni í
gær. Hann hefði ekki verið upp á
marga físka.
■Lögbann/11
Morgunblaðið/Árni Sæberg
SJÓMENN yfirgefa Straumsvíkurhöfn um kvöldmatarleytið í gær eftir að lögreglan í Hafnarfirði hafði
komið á staðinn til að fylgja eftir lögbanni sýslumannsins í Hafnarfirði. A innfelldu myndinni ræðir Jónas
Garðarsson, forniaður Sjómannafélags Reykjavíkur, við lögregluna.
Vinnuveitendur óska eftir viðræðum við fjármálaráðherra
VSÍ vill ekki lækka
atvinnutry ggingagj ald
FRAMKVÆMDASTJÓRI Vinnu-
veitendasambands íslands hefur
kynnt fjármálaráðherra hugmynd
um að fallið verði frá fyrirhugaðri
lækkun atvinnutryggingagjalds á
næsta ári sem boðuð er í fjárlaga-
framvarpinu. Vilja vinnuveitendur
Atvinnuleysistryggingasjóður
geti vaxið í góðæri en minnkað á
erfiðleikaskeiðum.
Þórarinn V. Þórarinsson, fram-
kvæmdastjóri VSÍ, segir að Geir H.
Haarde fjármálaráðherra hafi tekið
vel í hugmyndina og að hún yrði tek-
in með í fjáriagaumræðuna á næstu
vikum. Atvinnurekendum hefur frá
árinu 1996 verið gert að standa
straum af kostnaði við atvinnuleysis-
tryggingar með gjaldi sem verið hef-
ur 1,15% af öllum launum. Hefur
heildargjaldið numið rúmum 3,4
milljörðum króna en verði það 1%,
eins og lagt er til í fjárlagafrumvarp-
inu, lækkar það um 450 milljónir
króna. Er þá miðað við að atvinnu-
leysi sé að meðaltali um 2,6%.
„Við teljum að Atvinnuleysis-
tryggingasjóðurinn eigi að vera til
sveiflujöfnunar en ekki til að magna
sveiflurnar. Þess vegna er það til-
laga okkar að fallið verði frá áform-
um um að lækka skatta á atvinnu-
reksturinn heldur verði skattheimt-
unni haldið áfram í þágu þessa
sjóðs. Jafnhliða óskum við eftir því
að fundið verði út hvaða reglur
koma í staðinn, hvernig sjóðurinn
eigi að skerðast við vaxandi at-
vinnuleysi og hvert samhengi milli
iðgjalds og sjóðs eigi að vera,“ sagði
Þórarinn V. Þórarinsson í samtali
við Morgunblaðið í gær.
Sjóðurinn vaxi í góðæri
I bréfinu til fjármálaráðherra
segir meðal annars: „Um þessar
mundir er afar mikil eftirspurn eftir
starfsfólki í nær öllum greinum at-
vinnulífsins. Því liggur nærri að
álykta að skráð atvinnuleysi sé að
nálgast lágmark þannig að brejd-
ingar verði fremur til hækkunar en
lækkunar. Þótt enn séu engin merki
um alvarlegan samdrátt í efnahags-
lífi Islendinga er óskynsamlegt að
gera ekki ráð fyrir því að úr hag-
vexti kunni að draga á næstu miss-
erum samfara erfiðleikum í efna-
hagsstarfsemi víða um heim.
Við þessar aðstæður og með tilliti
til þess hversu mikilvægt er að búa
atvinnulífið sem best undir mögu-
legar afkomusveiflur á næstu áram
telur VSÍ rétt að mæla með þeirri
grandvallarbreytingu á fjármögnun
Atvinnuleysistryggingasjóðs að
sjóðnum verði ætlað að vaxa í góð-
æri en minnka á erfíðleikaskeiðum.“
Iðnó
39 milljónir
umfram fjár-
veitingu
í GREINARGERÐ borgar-
verkfræðings vegna fram-
kvæmda við Iðnó kemur fram
að gert var ráð fyrir 40 milljóna
króna kostnaði á árinu en útlit
er fyrir að kostnaður verði 79
milljónir. Heildarkostnaður
vegna endurbyggingarinnar er
því áætlaður 241 milljón króna
miðað við verðlag í september
sl. í stað 205 milljóna.
Fram kemur að mestur hluti
hækkunarinnar sé vegna sviðs-
búnaðar eða 11,5 milljónir
ki-óna, ýmiskonar sérbúnaðar
eða 14,4 milljónir og sérstakra
aðgerða vegna hljóðeinangrun-
ar, 5,4 milljónir. Tekið er fram
að kostnaðurinn sé vegna sér-
stöðu rekstraraðila og að ekki
hafi legið fyrir ákvarðanir um
þennan kostnað þegar heildar-
áætlun var gerð.