Morgunblaðið - 03.11.1998, Page 13

MORGUNBLAÐIÐ
ÞRIÐJUDAGUR 3. NÓVEMBER 1998 13
AKUREYRI
Mikill og góður skiðasnjór í Dalvíkurbyggð og Ólafsfírði
Fjölmennt á skíða-
svæðum um helgina
SKÍÐAÁHUGAFÓLK fjölmennti í
skíðabrekkurnar í Böggvisstaða-
fjalli við Dalvík og í Tindaöxl í
Ólafsfirði sl. laugardag. Þar voru
skíðalyftur í gangi og ágætis skíða-
færi. Veðrið setti hins vegar strik í
reikninginn á sunnudag og þá var
ekkert hægt að hafa opið í Böggvis-
staðafjalli. Skíðasvæðið í Tindaöxl
var hins vegar opið en veðrið var
mjög leiðinlegt og því fáir á skíðum.
Óskar Óskarsson, formaður
Skíðafélags Dalvíkur, sagði að vel á
annað hundrað manns hefði verið á
skíðum í Böggvisstaðafjalli á laug-
ardag. Stór hluti þeirra var að-
komufólk, m.a. frá Akureyri og
Reykjavík. „Einnig verður mikið
um að vera hér um næstu helgi en
þá eigum við von á yfir 100 manns
frá Reykjavík, bæði bretta- og
skíðafólki. Skíðaæfingar eru hér í
fullum gangi og hingað koma m.a.
elstu krakkanir hjá Skíðaráði Akur-
eyrar.“
Skíðasvæðið í Böggvisstaðafjalli
er opið mánudaga, miðvikudaga og
föstudaga frá kl. 17.30-20 og um
helgar frá kl. 12-16. Óskar sagði að
þótt snjóinn hefði tekið mikið upp í
bænum, væri enn nægur snjór í
fjallinu og þar sæi varla á dökkan
díl. Upplýsingasími félagsins er
878 1606.
Getum tekið
á móti hópum
Kristján Hauksson, formaður
Skíðadeildar Leifturs, sagði að að-
sóknin á laugardag hefði verið mjög
góð og að hann vonaðist eftir enn
fleh-a fólki á skíðasvæðið næstu
helgar. „Aðstæður hér eru góðar og
við getum tekið á móti hópum frá
öðrum landshlutum. Við höfum m.a.
sent skíðafélögum landsins upplýs-
ingar um skíðasvæðið. Hér eru líka
góðar göngubrautir og A-landsliðið
í norrænum gi-einum var hér á æf-
ingu á dögunum og þá er von á hópi
til æfinga sem fer á Ólympíuleika
æskunnar í mars á næsta ári.“
Kristján sagði að skíðasvæðið
væri nú opnað nokkuð snemma en
þó hefði áður verið farið af stað í
lok október. „Við höfum verið frek-
ar óheppin síðustu tvö ár og því er
það hið besta mál fyrir okkur að
geta opnað þetta snemma í ár.“
Fyrst um sinn er ráðgert að
skíðasvæðið verði opið tvo til þrjá
daga í viku frá kl. 17-19 og um
helgar frá kl. 13-17.
Morgunblaðið/Kristján
SKÍÐAÁHUGAFÓLK fjölmennti í Böggvisstaðafjall á laugardag og
komu margir nokkuð langt að. í þeim hópi voru frændsystkinin Sigríð-
ur Sigurðardóttir og Anna Hafþórsdóttir frá Akureyri og Jökull Helgi
Sigurðsson, en hann kom alla leið úr Reykjavík.
Morgunblaðið/Kristján
Margir
þáðu heim-
boð ÚA og
Samherja
FJÖLMARGIR gestir þáðu heim-
boð Utgerðarfélags Akureyringa
hf. og Samherja hf. og skoðuðu
tvö af frystiskipum félaganna,
Sléttbak EA og Baldvin Þor-
steinsson EA sl. Iaugardag. Skip-
verjar tóku á móti gestum, leið-
beindu þeim og fræddu um skip-
in._
I skemmu Flutningamiðstöðv-
ar Norðurlands kynntu fyrirtæki
sem tengjast sjávarútveginum
vörur sínar og gestir fengu að
bragða á framieiðslu ÚA og Sam-
herja. Þá var í gangi getraun,
þar sem vinningar voru 9 kg
öskjur með fiskflökum og bolir
og því fóru margir heim á leið
eftir góðan dag með glaðning í
farteskinu.
Heimboðið var liður í fræðslu-
átaki íslenskra útvegsmanna á
ári hafsins en tilgangurinn er að
glæða áhuga og auka þekkingu
landsmanna á undirstöðuatvinnu-
vegi íslensku þjóðarinnar.
Leifur Þormóðsson, stýrimað-
ur á Baldvini Þorsteinssyni EA,
sýnir hér áhugasömum gestum
stjórntækin í brú skipsins. Á
millidekkinu voru þeir Páll
Skúlason, rektor Háskóla Is-
lands, og Þorsteinn Gunnarsson,
rektor Háskólans á Akureyri, að
skoða vinnslubúnaðinn um borð.
, Morgunblaðið/Kristján
KARÓLINA - Restaurant hefur þá sérstöðu að gestir geta fylgst með
matreiðslumeistaranum að störfum. Á myndinni eru Friðrik V. Karls-
son yfirmatreiðslumeistari og Vignir Már Þormóðsson veitingamaður.
Nýr veitmgastað-
ur í Listagilinu
NÝR veitingastaður hefur verið
opnaður í Listagilinu á Akureyri.
Staðurinn ber nafnið Karólína -
Restaurant og er í raun viðbót við
þann rekstur sem fram hefur farið í
Café Karólínu undanfarin ár og eru
rekstraraðilar þeir sömu.
Karólína - Restaurant hefur sér-
stöðu í veitingastaðaflóru bæjarins,
þar sem gestir eiga þess kost að sjá
matreiðslumeistarann að störfum
við matseldina. Yfirmatreiðslumeist-
ari er Friðrik V. Karlsson og yfir-
framreiðslumaður Lilja Ingibjörg
Hjartardóttir.
Listin einkennir staðinn og hafa
margir listamenn komið þar að
verki. Hallgrímur Ingólfsson hafði
yfirumsjón með innanhússhönnun,
Jón Laxdal Halldórsson gerði lista-
verk á borðplötur, Jenný Valdimars-
dóttir hannaði og framleiddi borð-
búnað, Jóhann Sigurðsson hannaði
lýsingu, Sigriður Sunneva hannaði
búninga starfsfólks, svo og möppu
um mat- og vínseðla og Gunnur
Gunnarsdóttir saumaði búninga.
Iðnsveinar
útskrifast
NÝÚTSKRIFAÐIR iðnsveinar á
Norðurlandi, níu í húsasmíði og
einn í málaraiðn fengu aflient
sveinsbréf sín nýlega. Að venju
var efnt til hófs á Akureyri af því
tilefni en aðeins þrír af þeim tíu
sem útskrifuðust gátu mætt þar
og m.a. setti veðrið strik í reikn-
inginn. Á myndinni eru f.v.
Hólmsteinn Snædal prófnefndar-
maður, Guðmundur Jóhannsson
prófmeistari, þá húsasmíðasvein-
arnir Kristbjörn Arngrímsson og
Sindri Björn Hreiðarsson, mál-
arasveinninn Ingibjörg Guð-
laugsdóttir, Guðmundur Ómar
Guðmundsson, formaður Félags
byggingamanna í Eyjafirði, og
Stefán Jónsson formaður Meist-
arafélags byggingamanna á
Norðurlandi.
Morgunblaðið/Kristján
Myndlist eftir Erró
og Amí til sýnis
Þá er einn þekktasti myndlistar-
maður þjóðarinnar, Erró, íyrstur til
að sýna verk sín í efri sal veitinga-
staðarins. Um er að ræða verk sem
listamaðurinn gaf Reykjavíkurborg
og þar á meðal sería keramikverka
en slíkar myndir Erró hafa aldrei
áður verið sýndar á Akureyri. I
neðri sal er sýning á verkum eftir
myndlistarkonuna Amí, Önnu Maríu
Guðmann.
Aksjón
3. nóvember, þiiðjudagur
12.00ÞSkjáfréttir
18.15ÞKortér Fréttaþáttur í
samvinnu við Dag. Endursýnd-
ur kl. 18.45, 19.15, 19.45, 20.15
og 20.45.
21.00ÞBæjarmál Fundur í
bæjarstjórn Akureyrar frá
fyrr um daginn sýndur í heild.