Morgunblaðið - 06.01.1999, Blaðsíða 22

22 MIÐVIKUDAGUR 6. JANÚAR 1999
MORGUNBLAÐIÐ
ERLENT
Línur taka að skýrast um hverjir hyggja á forsetaframboð í Bandarrkjunum árið 2000
Kona í fyrsta sinn alvar-
lega orðuð við framboð
Gengið verður til forsetakosninga í Banda-
ríkjunum í nóvember á næsta ári og er nú
óðum að skýrast hverjir munu gefa kost á
sér í forkosningum demókrata og repúblik-
ana. A1 Gore varaforseti hefur þegar hafíð
kosningabaráttu sína formlega og nú er
útlit fyrir að kona muni í fyrsta sinn
sækjast eftir forsetaembættinu.
Reuters
ELIZABETH Dole klappar fyrir samstarfsfólki sínu hjá Rauða
krossinum, eftir að hún tilkynnti um afsögn sína á mánudag.
ELIZABETH Dole, fyrrverandi
vinnu- og samgöngumálaráðherra
Bandaríkjanna og eiginkona Bobs
Doles, sem beið ósigur fyrir Bill
Clinton í forsetakosningunum árið
1996, tilkynnti á mánudag að hún
myndi láta af starfi formanns
bandaríska Rauða krossins, og sagð-
ist hún íhuga að gefa kost á sér sem
forsetaframbjóðandi repúblikana í
næstu forsetakosningum í Banda-
ríkjunum sem fram fara í nóvember
árið 2000.
Elizabeth Dole, sem er 62 ára
gömul, hefur oft verið nefnd sem
hugsanlegur forsetaframbjóðandi
repúblikana. Þykir hún bæði hafa
menntun og starfsreynslu sem geri
hana hæfa til að takast embættið á
hendur. Hún lauk lögfræðiprófí frá
Harvard-háskóla og var í starfsliði
Hvíta hússins um margra ára skeið,
auk þess sem hún átti sæti í við-
skiptanefnd alríkisstjórnarinnar.
Hún gegndi embætti samgöngu-
málaráðherra í fjögur ár í forsetatíð
Ronalds Reagans og var vinnumála-
ráðherra íyrstu tvö stjórnarár Geor-
ges Bush.
Dole tók við starfí formanns
bandaríska Rauða krossins árið
1991 og þykir hún hafa staðið sig
með miklum ágætum. Afsögn henn-
ar er sögð til marks um að hún sé í
fullri alvöru að íhuga framboð, því
hún tók sér einungis leyfi frá störf-
um árið 1996, þegar eiginmaður
hennar bauð sig fram í forsetakosn-
ingum.
Nýtur fylgis breiðs hóps
repúblikana
í ávarpi er Elizabeth Dole til-
kynnti um afsögn sína á mánudag
sagðist hún trúa því að hún gæti
þjónað landi sínu á annan hátt en
sem formaður Rauða krossins. A
fréttmannafundi í kjölfarið sagðist
hún ekki enn hafa tekið ákvörðun, en
að hún væri alvarlega að íhuga for-
setaframboð. Haft hefur verið eftir
nánum samstarfsmönnum hennar að
„sterkar líkur“ séu til þess að hún
muni á næstu vikum stofna nefnd til
að kanna horfur á framboði, og gefa í
kjölfarið formlega kost á sér.
Elizabeth Dole nýtur töluverðra
vinsælda innan Repúblikanaflokks-
ins, og hefur iðulega verið meðal
efstu manna er fylgi hugsanlegra
frambjóðenda flokksins hefur verið
kannað. Hún þykir góður ræðumað-
ur og er sögð eiga auðvelt með að
hrífa fólk. Þá þykir hún standa vel
að vígi varðandi fjáröflun, þar sem
hún er vel þekkt og hefur góð sam-
bönd, og er hún þess vegna talin
geta leyft sér að draga ákvörðun um
framboð lengur en aðrir.
Talið er að Dole muni njóta fylgis
meðal breiðs hóps repúblikana, þar
á meðal kristinna íhaldsmanna,
margra forystumanna flokksins og
fólks úr viðskiptalífinu. Að auki
þykir víst að hún muni njóta mikils
fylgis meðal kvenna, enda er hún
fyrsta konan sem alvarlega er orðuð
við forsetaframboð í Bandaríkjun-
um.
Margir áhrifamenn innan Repú-
blikanaflokksins telja Elizabeth
Dole auk þess vera álitlegt varafor-
setaefni, hvort sem hún gefur kost á
sér sem forsetaframbjóðandi eða
ekki. Reyndar kom hún sterklega til
greina sem varaforsetaefni Georges
Bush árið 1988.
George Bush yngri efstur
i könnunum
Stjórnmálaskýrendur telja að
þeim muni fjölga mjög á næstu vík-
um sem gefí formlega kost á sér í
forkosningum Repúblikanaflokks-
ins. Öldungadeildarþingmaðurinn
John McCain frá Arizona hóf kosn-
ingabaráttu formlega í síðustu viku,
og öldungadeildarþingmaðurinn Ro-
bert C. Smith frá New Hampshire
skráði sig á mánudag til þátttöku í
forkosningunum.
Aðrir sem þykja líklegir frambjóð-
endur repúblikana eru Dan Quayle,
fyrrverandi varaforseti, Lamar
Alexander, íyrrverandi ríkisstjóri í
Tennessee, blaðaútgefandinn
Malcolm S. Forbes, sem gaf kost á
sér í forkosningum fyrir síðustu for-
setakosningar, og íhaldssami bar-
áttumaðm-inn Gary Bauer. Búist er
við að George Bush yngri, ríkisstjóri
í Texas, geri fyrirætlanir sínar kunn-
ar í vor, en hann hefur mælst með
mest fylgi hugsanlegra frambjóð-
enda flokksins í flestum skoðana-
könnunum. Ávörðunar Petes Wil-
sons, fráfarandi ríkisstjóra í Kali-
fomíu, er einnig vænst með vorinu.
Gore hefur formlega
kosningabaráttu
A1 Gore varaforseti hóf baráttu
sína fyrir útnefningu sem forseta-
frambjóðandi Demókrataflokksins
formlega á gamlárskvöld, er hann
tilkynnti að hann hefði lagt fram
skjöl sem gera honum kleift að hefja
fjáröflun, ráða starfslið og reka
kosningabaráttu viðs vegar um
landið. Hann hefur sem varaforseti
gífurlegt forskot á keppinauta sína,
ekki síst þar sem forsetinn hefur
með ótvíræðum hætti gefið til kynna
stuðning sinn við hann. Goi-e er
stöðugt í sviðsljósinu, er með reynda
ráðgjafa á sínum snærum, hefur góð
tengsl við forystumenn flokksins um
allt land og á auðvelt með að safna
fé í kosningasjóð sinn.
Stjórnmálaskýrendur telja að
Gore muni þess vegna fara varlega
og reka hefðbundna og áhættulausa
kosningabaráttu. Hann hefur orð á
sér fyrir að vera litlaus og lítt afger-
andi stjórnmálamaður og margir
telja ólíklegt að hann kæmi með
ferska strauma í Hvíta húsið. Þetta
gæti gefið djörfum og ákveðnum
frambjóðendum færi á að láta ljós
sitt skína.
Þegar hafa tveir demókratar gefið
til kynna að þeir hyggist taka þátt í
forkosningum, Bill Bradley, fyrrver-
andi öldungadeildarþingmaður frá
New Jersey, og Paul Wellstone, öld-
ungadeildarþingmaður frá
Minnesota. Richard Gephardt, leið-
togi demókrata í fulltrúadeildinni,
hefur verið orðaður við framboð, en
talið er að hann muni ekki taka af
skarið strax, enda þyki honum
freistandi að reyna að tryggja
demókrötum meirihluta í deildinni í
þingkosningum árið 2000. Þá þykir
öldungadeildarþingmaðurinn John
F. Kerry frá Massachusetts líklegur
til að gefa kost á sér.
Ljóst er að því fleiri sem fram-
bjóðendurnir verða, því sterkari
verður staða Gores. „I sannleika
sagt, því fleiri því betra,“ var haft
eftir einum ráðgjafa hans á nýárs-
dag.
Hillary Clinton á þing?
En vangaveltur eru einnig uppi
um væntanlega frambjóðendur í
þingkosningum, sem fara fram sam-
tímis forsetakosningunum á næsta
ári. Orðrómur hefur verið á kreiki
um að Hillary Clinton muni sækjast
eftir sæti í öldungadeildinni, og fékk
hann byr undir báða vængi um liðna
helgi er Robert Torricelli, formaður
nefndar er hefur umsjón með kosn-
ingabaráttu demókrata, sagði í við-
tali ú NBC-sjónvarpsstöðinni að for-
setafrúin hygðist gefa kost á sér í
New York-ríki, en öldungadeildar-
þingmaður demókrata þar mun setj-
ast í helgan stein að loknu þessu
kjörtímabili. Talsmaður forsetafrú-
arinnar hefur aftekið að hún hyggi á
þingmennsku árið 2000.

Spertrtdodi námskeið
fyrir börrt framtíðariaaar
Nú eru að hefjast spennandi og fróðleg námskeið í skóla Framtíðarbarna sem er tölvuskóli fyrir börn og unglinga á aldrinum
5 -14 ára. Hringdu strax í dag og gefðu barninu forskot á framtíðina.
Námskeið Framtíðarbarna, jan. - maí 1999

1. íþróttir
Til að undirbúa sérstakan íþróttaviðburð útbúa nemendur dagskrá yfir keppnisgreinar, búa til boðskort og auglýsingar til að draga að áhorfendur, útbúa
möppur fyrir fjölmiðla, upplýsingablöð, minjagripi og ýmislegt annað.
Hugbúnaðurfyriryngri nemendur: PrintArtist (umbrotsforrrit).
Hugbúnaðurfyrir eldri nemendur: Microsoft Publisher (umbrotsforrrit) og Intemet Explorer (vefskoðari).
2. Vistfræði
Nemendur leggja sitt af mörkum til að bæta lífsskilyrði á jörðu. Þeir nota töflureikni til að fylgjast með fjölgun dýrategunda í útrýmingarhættu,
búa til litrík línurit sem sýna hve mikinn mat og orku fólk notar og spá um heilbrigði vistkerfis jarðarinnar í framtíðinni.
Hugbúnaðuryngri nemenda: Cruncher (töflureiknir) og Kid Pix Studio.
Hugbúnaður eldri nemenda: Microsoft Excel (töflureiknir), Microsoft Word og Intemet Explorer (vefskoðari).
3. Ákvörðurtarstaðir
Til að skrá ævintýraferðir sínar til spennandi ákvörðunarstaða á borð við virk eldfjöll, brennheitar eyðimerkur, gegnblauta
regnskóga, hyldýpismyrkur úthafsins og fjarlægar plánetur, setja bömin saman fræðslukynningar og heimildarkvikmyndir.
Hugbúnaður yngri nemenda: Kid Pix Studio (myndvinnsla og margmiðlun) og Storybook Weaver (sögugerð og margmiðlun).
Hugbúnaður eldri nemenda: Microsoft Powerpoint (margmiðlunarforrit) og IntemetExplorer (vefskoðari).
C
Hringdu strax í dag. Síminn er: Reykjavík 553 3322 • Selfoss 482 3937 • Akureyri 4613328
D
* Tilboðsverð gildir fyrir alla klúbbfélaga Landsbanka íslands og áskrifendur Símans Intemet. Miðað er við 5 mánaða námskeið.
SÍHINN internet"’ IsSEj framtídarbörn
sími 553 3322