Morgunblaðið - 10.01.1999, Side 4

4 SUNNUDAGUR 10. JANÚAR 1999
MORGUNBLAÐIÐ
VIKAN 7/6 -13/6
►TAL hf. hyggst hefja sím-
þjónustu til útlanda fyrir al-
menna neytendur fyrir 15.
janúar nk. og á gjaldskrá
fyrirtækisins að vera að jafn-
aði 20% lægri en núgildandi
gjaldskrá Landssímans.
Gjaldskrá millilandasímtala
liefur lækkað að meðaltali
um 62%-77% seinustu tíu ár.
►BJÖRK Guðmundsdóttir
söngkona hélt tvenna tón-
leika í Þjóðleikhúsinu, á
þriðjudag og miðvikudag,
ásamt íslenskum strengja-
oktett og breska tónlistar-
manninum Mark Bell. Tón-
leikarnir þóttu takast með
mikhim ágætum og fögnuðu
gestir Björk lengi að þeim
loknum.
►ÓFREMDARÁSTAND var
í Hagaskóla i liðinni viku
vegna ítrekaðra sprenginga
á skoteldum innan veggja
skólans. Raskaðist skólahald
dag hvern frá áramótum
vegna þessa. Skólastjóri
skólans óskaði eftir því að
lögregla stæði vörð í skólan-
um á föstudag til að tryggja
eðlilegt skólastarf. I fyrra-
kvöld var flugeldum skotið
að gluggum Hagaskóla og
brotnuðu við það tvær rúð-
ur. Lögreglan þurfti enn að
hafa afskipti af unglingunum
í Vesturbænum.
►MIKIL eftirspurn var eftir
vinnuafli seinasta ár og er
víða orðinn umtalsverður
skortur á starfsfólki, ekki
síst á sviði hugbúnaðar og
tæknimenntunar. Farið er að
bera á að íslendingar erlend-
is leiti sér starfa hér heima.
►FASTEIGNAFYRIRTÆKI
Ð Þyrping, sem er í eigu
tjölskyldu Pálma Jónssonar,
stofnanda Hagkaups, hefur
keypt Hótel Esju og Hótel
Loftleiðir af Flugleiðum hf.
Kaupverðið er um 2 miRjarð-
ar. Þyrping leigir Flugleið-
um hótelin til 15 ára.
Veðdeildin býður
íbúðalán
VEÐDEILD Landsbankans mun
bjóða upp á almenn íbúðalán á þessu
ári í samvinnu við Ibúðalánasjóð.
Lánstími veðdeildarlána bankans
verður mjög svipaður því sem fólk
þekkir frá tíma Húsnæðisstofnunar
og þeirri starfsemi sem veðdeildin
hefur annast umsýslu fyrir fram til
þesssa. Miðað er við að vextir verði
markaðsvextir.
Tónlistarhús fyrir
fjóra milljarða
RÍKISSTJÓRNIN og Reykjavíkur-
borg tilkynntu á þriðjudag að þessir
aðilar hygðust beita sér fyrir bygg-
ingu tónlistarhúss og ráðstefnumið-
stöðvar í Reykjavík. Kostnaður er tal-
inn geta numið á milli 3,5 og 4 millj-
arðar kr. og er talið að mannvirkið
verði í fyrsta lagi tilbúið eftir 5 ár.
Fyrsta sérhannaða tónlistarhús lands-
ins var tekið í notkun í Kópavogi laug-
ardaginn 2. janúar. Byggingarkostn-
aður þess er talinn nema um 400 millj-
ónum króna.
Smábátasjómenn geta
valið um leiðir
SJÁVARÚTVEGSNEFND Alþingis
leggur til að smábátasjómenn geti valið
milli mismunandi leiða við stjórn físk-
veiða. Ágreiningur var í nefndinni og
þurfti að fresta fundum Alþingis af
þeim sökum, en niðurstaðan varð sú að
leyfa trillukörlum að velja um þær leiðir
sem um var deilt. Valið stendur á milli
dagakerfís og kerfis sem byggir á
þorskaflahámarki.
Menningarhús á lands-
byggðinni
RÍKISSTJÓRNIN hefur ákveðið að
styðja byggingu fimm menningarhúsa á
landsbyggðinni á næstu árum. Þau verða
byggð á Isafirði, Sauðárkróki, Akureyri,
Egilsstöðum og Vestmannaeyjum.
Viðskipti hafin
í evrum
ELLEFU aðildarþjóðir Evrópusam-
bandsins, ESB, tóku um áramótin upp
sameiginlegan gjaldmiðil, evruna, og
hófust viðskipti með hana á fjármála-
mörkuðum á mánudag. Stjómmálamenn
og kauphallarfjárfestar í Evrópu og um
allan heim fögnuðu tilkomu evrunnar
sem sögulegum tímamótum í efnahags-
legri samrunaþróun álfunnar. Á alþjóð-
legum gjaldeyrismörkuðum hefur hin
nýja mynt þegar haslað sér völl sem eft-
irsóttur gjaldmiðill og mikið gengissig
Bandaríkjadollara gagnvart japanska
jeninu í vikunni er m.a. rakið til tilkomu
evrunnar. Gengi hlutabréfa í evru-ríkj-
um hækkaði strax töluvert. Almenning-
ur tók tímamótunum annars með jafnað-
argeði, enda rata seðlar og mynt í evrum
fyrst í vasa hans árið 2002. í Danmörku
og Svíþjóð sýna nýjustu skoðanakann-
anir að meirihluti styður aðild að mynt-
bandalaginu, en hingað til hafa andstæð-
ingar þess verið í meirihluta.
Tilhögun réttarhalda
yfír Clinton ákveðin
ÖLDUNGADEILD Bandaríkjaþings
samþykkti á föstudag áætlun um tilhög-
un réttarhalda yfir Bill Clinton Banda-
ríkjaforseta vegna ákærunnar á hendur
honum til embættismissis. Samkvæmt
henni er hugsanlegt að vitnum verði
stefnt fyrir réttinn en það verður ekki
ákveðið endanlega fyrr en undir lok
mánaðarins og meirihluti öldungadeild-
arinnar þarf að samþykkja vitnastefn-
urnar. Verði vitni kölluð fyrir er talið lík-
legast að Monica Lewinsky, fyrrverandi
starfsstúlka í Hvíta húsinu, verði þar á
meðal. Trent Lott, leiðtogi repúblikana í
öldungadeildinni, og Tom Daschle, leið-
togi demókrata, sögðust bjartsýnni en
áður á að réttarhöldin gætu farið fram
án þess að þau einkenndust um of af deil-
um milli flokkanna. Gert er ráð fyrir að
málflutningur saksóknara, sem eru 13
fulltrúadeildarþingmenn repúblikana,
hefjist á fimmtudag.
►VOPNAEFTIRLITSNEFND
Sameinuðu þjóðanna í írak
(UNSCOM) skiptist á upplýs-
ingum við fjórar þjóðir, auk
Bandaríkjamanna, um vopna-
búr íraka, að því er haft var
eftir Scott Ritter, fyrrver-
andi starfsmanni nefndarinn-
ar, á föstudag. Á miðvikudag
neitaði Kofi Annan, fram-
kvæmdastjóri SÞ, fregnum
þess efnis að hann hefði und-
ir höndum órækar sannanir
fyrir því að starfsmenn
UNSCOM hefðu stundað
njósnir í landinu fyrir hönd
Bandaríkjamanna.
►JACQUES Santer, forseti
framkvæmdastjórnar Evr-
ópusambandsins, sagði á mið-
vikudag að framkvæmda-
stjórnin myndi ekki segja af
sér ef tilskilinn tveggja þriðju
hluta meirihluti næst ekki í
atkvæðagreiðslu um van-
traust á hana, sem efnt verð-
ur til í vikunni í Evrópuþing-
inu, jafnvel þótt einfaldur
meirihluti styðji tillöguna.
Hún er til komin vegna ásak-
ana um spillingu sem einkum
beinast að tveimur meðlimum
framkvæmdastjórnarinnar.
►HARKA er þegar farin að
færast í kosningabaráttuna í
ísrael, í sömu vikunni og boð-
að var til þingkosninga 17.
maí nk. Amnon Lipkin-
Shahak, fyrrverandi yfirmað-
ur ísraelshers, lýsti því yfir á
þriðjudag að hann hygðist
bjóða sig fram gegn Net-
anyahu forsætisráðherra og
stofna nýjan miðflokk.
►ÞRÍR serbneskir lögreglu-
menn féllu og þrír óbreyttir
borgarar særðust í skotbar-
daga í suðurhluta Kosovo á
föstudag og er óttast að átök-
in í héraðinu magnist og nýtt
strið blossi upp milli Serba
og aðskilnaðarsinnaðra
Kosovo-Albana.
FRÉTTIR
Nýjar íbúðir fatlaðra í fjölbýlishúsi
Búseta fatlaðra verði
Morgunblaðið/RAX
Stuðningur
á hálum ís
sem eðlilegust
LANDSSAMTÖKIN Þroskahjálp
hafa fengið afhentar sex félagslegar
íbúðir í nýju fjölbýlishúsi á Skúla-
götu 46 í Reykjavík. Fimm íbúðanna
eru einstaklingsíbúðir sem leigðar
verða fötluðum en sú sjötta er þjón-
ustuíbúð.
„Tilgangur okkar með þessu er að
stuðla að bættri búsetu fatlaðra og
að búseta þeirra verði sem eðlileg-
ust,“ segir Friðrik Sigurðsson, fram-
kvæmdastjóri Landssamtakanna
Þroskahjálpar. „Þetta er hluti af
hugmyndafræði þessara samtaka; að
stefna að blöndun fatlaðra og ófatl-
aðra í sem allra ríkustum mæli.“
Friðrik segir að markmið Þroska-
hjálpar sé að fatlaðir, og ekki síst
þroskaheftir, hafi möguleika á að
búa í eigin íbúðum. „Sambýli hafa oft
á tíðum verið þannig að eina einka-
rýmið sem menn hafa er í raun og
veru svefnherbergi. Síðan þurfa
menn að deila eldhúsi, stofu og baði
með öðrum. Það að deila eldhúsi með
öðrum þýðir til dæmis það líkast til
að menn verða einnig að deila matar-
smekk með öðrum. Við erum að
halda áfram að reyna að þróa þessa
búsetu úr stofnunum og líka svolítið
frá sambýlunum þar sem hver ein-
staklingur hefur í raun og veru ekki
fullan sjálfsákvörðunarrétt."
Húsnæðið er fjármagnað með lán-
um frá Félagsíbúðardeild Húsnæðis-
stofnunar ríkisins og með framlagi
frá Reykjavíkurborg og Fram-
kvæmdasjóði fatlaðra. Leigjendur í
félagslegu íbúðunum munu njóta
þjónustu frá Svæðisskrifstofu mál-
efna fatlaðra í Reykjavík og Félags-
þjónustu Reykjavíkurborgar.
Heildarkostnaður við íbúðimar er
um 42 milljónir króna.
ÞAÐ er gott að hafa einhvern
til að leiða sig þegar fyrstu
skrefín eru stigin á hálu svell-
inu. Enginn ætti reyndar að
fara út á ísinn á Tjörninni
nema að athuga fyrst hvort
lögreglan telur hann öruggan.
I gær var ísinn talinn of þunn-
ur til að ráðlegt væri að vera
þar á ferð-inni, en líkur þóttu
vera á því að hann væri orðinn
nógu þykkur í dag.
89,4% íbúa
eru í þjóð-
kirkjunni
ALLS voru 89,4% íbúa á landinu í
þjóðkirkjunni 1. desember síðast-
liðinn, að því er fram kemur í frétt
frá Hagstofu Islands. Þá voru
3,6% í fríkirkjum, 3,3% í öðrum
skráðum trúfélögum, 1,6% í
óskráðum trúfélögum og með ótil-
greind trúarbrögð og 2,1% var ut-
an trúfélaga.
Samtals voru 246.012 í þjóð-
kirkjunni. í Fríkirkjunni í
Reykjavík voru 4.927 manns, eða
1,8% landsmanna, í Óháða söfnuð-
inum 1.895, eða 0,7% og í Frí-
kirkjunni í Hafnarfirði voru 3.185,
eða 1,2%. Alls eru 18 önnur trúfé-
lög skráð og voru flestir í kaþ-
ólsku kirkjunni, eða 3.513, sem
eru 1,3% landsmanna. I Hvíta-
sunnusöfnuðinum voru 1.349, eða
0,5%, aðventistar voru 723, eða
0,3%, og í fríkirkjunni Veginum
var 721, 0,3%, en færri í öðrum
trúfélögum og fæstir í baptista-
kirkjunni eða 4.
GUÐMUNDUR Ragnarsson, formaður Þroskahjálpar, Páll Pétursson
félagsmálaráðherra, Margrét Margeirsdóttir, deildarstjóri í félags-
málaráðuneytinu, og Friðrik Sigurðsson, framkvæmdastjóri Þroska-
hjálpar, við afliendingu nýrra íbúða samtakanna við Skúlagötu.

Formaður LIU um breytmgartillögur sjávarútvegsnefndar
Tillit tekið til sér-
sjónarmiða útgerða
KRISTJÁN Ragnarsson, formaður
LÍÚ, segir að sumar tillögur sjávar-
útvegsnefndar um breytingar á regl-
um um veiðar smábáta einkennist af
því að verið sé að taka tillit til sér-
sjónarmiða einstakra nefndarmanna.
Þeirra sjónarmið sé að setja fram til-
lögur sem taki mið af hagsmunum
ákveðinna útgerða sem hafi fjárfest
út frá þeirri forsendu að þær gætu
áfram veitt án þess að búa við þær
takmarkanir sem aðrir búa við.
Kristján sagði að með breytingar-
tillögum sjávarútvegsnefndar væri
verið að búa til þrjú kerfi fyrir smá-
bátaflotann, aflamarkskerfi, afla-
markskerfi með tiltekinni útfærslu
og dagakerfi. Hann sagði að útvegs-
menn hefðu alla tíð gert mestar at-
hugasemdir við dagakerfi smábáta-
sjómanna. Nú ætti að gera þessa
daga framseljanlega. Utvegsmenn
hefðu á síðasta fundi sjávarútvegs-
nefndar spurt hvort fyrh-hugað væri
að smábátasjómenn gætu framselt
alla daga sem þeir fengju úthlutað án
þess að fara nokkurn tímann á sjó, en
við því hefðu ekki fengist skýr svör.
Ekki tekið tillit til stærðar báta
Kristján sagði einnig óeðlilegt að
ekkert tillit væri tekið til stærðar
eða ganghraða smábáta við úthlutun
sóknardaga.
Kristján sagði greinilegt að í til-
lögum sjávarútvegsnefndar væri
tekið tillit til sérsjónarmiða ein-
stakra nefndarmanna sem leituðust
við að búa til reglur sem hentuðu
ákveðnum útgerðum sem hefðu fjár-
fest út frá þeirri forsendu að þær
fengju áfram að spila frítt. Þarna
væri því ekki verið að gæta al-
mennra sjónarmiða heldur sérsjón-
armiða. Áfram ætti að gæta sérsjón-
armiða varðandi þann hluta smá-
bátaflotans sem hefði verið á
þorskaflahámarki en fengið að
stunda frjálsar veiðar á öðrum teg-
undum. Þetta fyrirkomulag væri
auðvitað óviðunandi fyrir aðra hluta
flotans sem byggju við takmarkaðar
veiðai-.
Kristján sagði greinilegt að mikilli
orku hefði verið varið til að sníða regl-
ur fyrir lítinn hluta smábátaflotans.
Þessi hluti flotans skipti takmörkuðu
máli í heildarveiðinni en hann hefði
hins vegar verið mjög fyrirferðamikill
í umræðu um stjóm veiðanna.
Kristján sagði að LÍÚ hefði alla tíð
haft vantrú á öllum jöfnunarpottum
vai’ðandi úthlutun veiðiheimilda.
Hann sagði hins vegar að úr því að á
annað borð var verið að fara út á
þessa braut fagnaði hann því að tekið
hefði verið tillit til tillagna LÍÚ um
að bátar upp að 200 tonnum að stærð
yrðu með í pottinum.