Morgunblaðið - 10.01.1999, Qupperneq 20

20 SUNNUDAGUR 10. JANÚAR 1999
MORGUNBLAÐIÐ
LISTIR
Að hittast og síðan ekkert
TONLIST
S a 1 ii r i n n
KAMMERTÓNLEIKAR
Roland og Alniita Vamos léku ásamt
íslenskum strengjaleikuruin verk
eftir Haivorsen, Vivaldi og
Mendelssohn. Fimmtudagurinn
7.janúar, 1999.
EINN af þeim tónleikum sem
segja má að séu eins konar hljóm-
burðartilraun á Salnum var haldinn
sl. fimmtudag því þar komu ein-
göngu fram íslenskir strengjaleikar-
ar ásamt Vamos-hjónunum, sem
hafa verið hér á landi með námskeið
fyrir strengjaleikara en í hópi þeirra
sem notið hafa kennslu hjónanna,
við Oberlin-tónlistarskólann í Ohio,
eru Sigrún Eðvaldsdóttir, Aður Haf-
steinsdóttir, Sif Tulinius, Sigurbjörn
Bernharðsson og Ragnhildur Pét-
ursdóttir og tóku flestir þeirra
einnig þátt í þessum tónleikum,
bæði sem einleikarar og stjórnend-
ur.
Tónleikarnir hófust á Hándel-
Halvorsen passakalíunni, sem raun-
verulega er í chaconne-formi,
þ.e.a.s. tilbrigðaverk sem byggir á
Sýning*
framlengd
GESTABOÐ Ingu Elínar, gler-
lista- og keramiksýning á Pall-
inum í Alafossbúðinni, Alafoss-
vegi 23, Mosfellsbæ, verður
framlengd til laugardagsins 23.
janúar.
Sýningin er opin alla virka
daga frá kl. 10-18 og laugar-
daga kl. 10-14.
sömu hljómaskipan, en passakalía er
tilbrigðaverk sem byggir á bassa-
stefi þar sem leitast er við að vinna
yfir það með síbreytilegum hljómum
og kontrapunktísku lagferli.
Passakalían eftir Hándel er aftur á
móti nær öll leikur með brotna og sí-
endurtekna hljóma. Pessi munur á
nafngift er sér enskt fyrirbæri,
ásamt því að svipuð verk voni einnig
nefnd Ground þar í landi. Útfærsla
Halvorsens er skemmtilega unninn
dúett fyrir fiðlu og lágfiðlu og fyrir
nokkur leiktæknileg atriði vinsælt
viðfangsefni fiðluleikara. Það var
auðheyrt að Vamos-hjónin eru
slyngir fiðluleikarar og léku
passakalíuna mjög vel.
Annað viðfangsefni tónleikanna
var konsert fyrir fjórar fiðlur og
strengjasveit eftir Vivaldi. Þessi
konsert er nr. 10 í 12 konserta safni,
L’estro armonica, op. 3, sem gefnir
voru út í Amsterdam árið 1711. Út-
gáfa konsertanna (op. 3) hafði mikil
áhrif og J.S. Bach umritaði fyrir
hljómborðshljóðfæri fimm konserta
úr þessu safni. Konsertarnir voru
samdir fyrir stúlkurnar í Ospedale
della Pieta, sem sumar hverjar voru
orðnar frægar sem afburða hljóð-
færaleikarar. Einleikarar í þessum
konsert voru Sigurbjöm Bernharðs-
son, Sif Tulinius, Auður Hafsteins-
dóttir og Almita Vamos og mátti
heyra á einstaka einleiksstrófum að
hér stóðu að verki frábærir fiðlarar.
Strengjasveitin, sem að mestu var
skipuð nemendum úr Tónlistarskól-
anum i Reykjavík, ásamt Roland
Vamos, Guðnýju Guðmundsdóttur
og Gunnari Kvaran, var undir stjórn
Sigrúnar Eðvaldsdóttur, sem fórst
stjórnin vel úr hendi.
Aðalverk tónleikanna var svo
kvintett op. 18, fyrir tvær fiðlur,
tvær lágfiðlur og selló, eftir
Mendelssohn og voru flytjendur
Amos-hjónin, ásamt Guðnýju Guð-
mundsdóttur, Sigurbirni Bernharðs-
syni og Gunnari Kvaran. Mendels-
sohn var 17 ára (1826) er hann
samdi þennan kvintett sem þar til
fyrir stuttu var lítið fluttur. I upp-
haflegri gerð hans var annar þáttur-
inn menúett en 1832 endurskoðaði
Mendelssohn verkið og felldi burt
menúettinn en samdi í staðinn fyrir
hann nýjan, Intermezzo, og var
þessi gerð verksins flutt að þessu
sinni.
Það mátti heyra að nokkur munur
var á rithætti nýja þáttarins og eldri
þátta verksins en þrátt fyrir að tón-
ferli þeirra sé í raun hrein klassik,
en í Intermezzoinu rómantísk, er
þetta góð tónlist er var að mörgu
leyti vel leikin, utan síðasti þáttur-
inn sem var alltof gassafenginn í
styrk, sérstaklega undir það síðasta
og samspilið oft eins og styrkleika-
samkeppni á milli flytjenda. Styrk-
leiki er afstætt fyrirbæri og strengir
eru sériega viðkvæmir fyrir of mikl-
um styrk og er þá hætta á sáru
tóntaki og erfiðleikum í allri tónmót-
un. Besti þátturinn er sá fyrsti sem
var á köflum vel leikinn en skemmti-
legasti og í raun sniðugasti þáttur
verksins er Sherzo- þátturinn sem
einnig var nokkuð vel leikinn. Það
sem á vantaði í flutning verksins var
tíminn en í honum er að finna lykil-
inn að þeirri íhugun sem annars vill
oft vera fjarri, þegar samspilið hefur
aðeins staðið stutta stund og ekki
gefist tími til „samræðna", svo sem
heyra mátti að vantaði í Intermezzo-
þáttinn. Þarna gildir einu þótt flytj-
endur allir séu frábærir tónlistar-
menn, en eins og oft hefur verið sagt
þá er „lífið stutt en listin löng“ og
því miður hefur flutningur kammer-
tónlistar hér á landi einum of ein-
kennst af þvi að menn hafa hist og
þá verið slegið upp veislu og síðan
ekkert.
Jón Ásgeirsson
Poulenc-hátíð fram haldið í Iðnó
Tónskáld
með tvær hliðar
„ÞETTA verða mjög
skeinmtilegir tónleik-
ar. Pouienc er nefni-
lega ekki bara gott
tónskáld, heldur líka
skemintilegt. Þetta
tvennt fer ekki alltaf
saman," segir Þór-
unn Guðmundsdóttir
sópransöngkona en
hún verður meðal
flytjenda á öðrum
tónleikum kammer-
tónlistarhátíðar í
Iðnó sem helguð er
franska tónskáldinu
Francis Poulenc.
Tónleikarnir verða
haldnir næstkomandi
þriðjudag og hefjast kl. 20.30.
Tveir ljóðaflokkar, Banalités
og Cocardes, verða fluttir á tón-
Ieikunum, auk fleiri verka. Segir
Þórunn Poulenc hafa verið af-
kastamikinn sönglagahöfund sem
skrifað hafí skemmtilega fyrir
röddina. „Hann var jafnvígur á
kammersöngverk og verk fyrir
píanó og rödd. Hann samdi mikið
fyrir vin sinn og samstarfsmann,
Pierre Bernac barítonsöngvara,
og fóru þeir saman í margar tón-
leikaferðir en Poulenc var einnig
góður píanóleikari.“
Þórunn segir fjölbreytta texta
einnig setja svip á verk Poulenc.
„Textar kveiktu í honum enda
var gróska í frönskum skáldskap
mikil á fyrri hluta aldarinnar.“
Segir hún skapgerð tónskáldsins
koma vel fram í textavalinu, ým-
Þórunn
Guðmundsdóttir
ist séu þeir grafalvar-
legir, en Poulenc
mun meðal annars
hafa verið mikill trú-
maður, eða glettnir,
en hann mun jafn-
framt hafa verið
gleðimaður fram í
fingurgóma. „Það
eru alveg tvær hliðar
á honum.“
„Letilegasta lagið“
Ljóðaflokkurinn
Banalités er saminn
fyrir sópran og píanó
og er eitt þekktasta
verk sinnar tegundar
frá hendi höfundar.
ÞETTA E R INNIFALIÐ f AR5K0RTINU
Eróbikk
Spinning
Yöga
KickbDXing
Bady Pump
kvennaleikfimi
• Karlatímar
• Hammer Strength tækjasalur
• Aðgangur að sundlaug Garðabæjar
Einnig býður Betrunarhúsið fitubrennslunámskeið, Jiu Jitsu námskeið, einkaþjálfun, ljósastofu eg barnagæslu.
Leiðbeinendur ávallt til staðar og sjúkraþjálfari 4 sinnum í viku.
Betrunarhúsið er í glæsilegu 1.000 fm. húsnæði ng alltaf næg bílastæði.
ATH: SKRÁNING í FITUBRENNSLUNÁMSKEIÐ ER HAFIN
„Banalités er oft fluttur," segir
Þórunn, „enda samanstendur
flokkurinn af mjög skemmtileg-
um Iögum. Þar á meðal lagi sem
nefnt hefur verið „Ietilegasta lag
sem samið hefur verið“ en það
fjallar um persónu, mann eða
konu, sem húkir inni á hótelher-
bergi og nennir alls ekki að
vinna. I öðru lagi er talað um
kosti þess að flytja úr sveit í
borg, nánar tiltekið til Parísar,
en Poulenc var einmitt mikið
borgarbarn - fékk innblástur við
að ganga um götur stórborgar-
innar."
Ljóðaflokkurinn Cocardes er
saminn fyrir sópran, fíðlu,
kornett, básúnu, bassatrommu og
þríhorn, og segir Þórunn hann
einnig afar skemmtilegan.
Að auki verða leikin á tónleik-
unum Elégie fyrir horn og píanó,
Sarabande fyrir gítar, Villanelle
fyrir pikkolóflautu og píanó,
Sónata fyrir flautu og píanó og
Sónata fyrir horn, trompet og
básúnu.
Flytjendur eru, auk Þórunnar,
Hallfríður Ólafsdóttir flautuleik-
ari, Emil Friðfinnsson hornleik-
ari, Einar St. Jónsson trompet-
leikari, Sigurður Þorbergsson
básúnuleikari, Bryndís Pálsdóttir
fíðluleikari, Steef van Oosterhout
slagverksleikari, Kristinn H.
Árnason gítarleikari og píanó-
leikararnir Miklós Dalmay og
Kristinn Öm Kristinsson.
Að hyggju Þómnnar er Iðnó
hárréttur vettvangur fyrir hátíð-
ina, salurinn hæfi anda verkanna
vel. Þá lýkur hún lofsorði á
skipuleggjanda hátíðarinnar, Ey-
dísi Franzdóttur. „Þetta er frá-
bært framtak. Það er svo sannar-
lega þess virði að minna fólk á
Francis Poulenc."
Allar nánari upplýsingar i síma: 565 8898 og 565 8872 eða á staðnum: Garðatorgi 1, Garðabæ.
Heilsu- og
íþróttadag-
ar í Ey-
mundsson
EYMUNDSSON í Kringlunni
og Pennninn Eymundsson í
Austurstræti 18 efna til
Heilsu- og íþróttadaga og
verður á boðstólum úi-val bóka
og tímarita um allt sem lýtur
að heilsurækt, jafnt á líkama
og sál.
Af bókum um íþróttir má
t.d. nefna bækur um sund,
leikfimi, hlaup, göngu,
hverskyns boltaíþróttir,
þolfimi, dans, vetraríþróttir,
golf, tennis, borðtennis, bad-
minton, squash og fjallaklifur.
I heilsubókunum er m.a. að
finna bækur um líkamlega
heilsurækt, andlega heilsu-
rækt, hollustufæði og forvarn-
ir svo eitthvað sé nefnt.