Morgunblaðið - 10.01.1999, Side 14

14 SUNNUDAGUR 10. JANÚAR 1999
MORGUNBLAÐIÐ
ÍÞRÓTTIR
Teitur Þórðarson, landsliðsþjálfari Eistlands, með lið sitt í þriggja til fimm mánaða æfingabúðum á Kýpur ár hvert
Haustið 1995 fór Teitur til Eist-
lands til að kynna sér aðstæður
hjá Flora í Tallinn og knattspyrnu-
sambandi landsins og í kjölfarið
gerði hann tveggja ára samning um
að þjálfa liðin auk annarra verkefna
við uppbyggingu knattspyrnunnar.
Aður en samningstímabilið rann út
gerði hann nýjan samning til
tveggja ára og er því bundinn út ný-
hafið ár en segist vel geta hugsað
sér að halda áfram.
Landsliðið upp um 60 sæti
Eistland varð sjálfstætt ríki á ný í
ágúst 1991 en Flora var stofnað árið
áður og er Teitur annar þjálfari fé-
lagsins. Hann sagði að gífurlega
miklar breytingar hefðu orðið hjá
félaginu og í raun á öllum sviðum
þjóðfélagsins síðan hann kom fyrst
til Eistlands.
„Breytingarnar hafa orðið ofboðs-
legar en fyrst og fremst á þjóðfélag-
inu, sem hefur gjörbreyst og líkist æ
meir því sem þekkist í Skandinavíu
- Tallinn er til dæmis eins og hver
önnur stórborg í Skandinavíu. Öllu
hefur fleygt gífurlega fram, ekki síst
í fótboltanum. A þremur árum hefur
landsliðið farið upp um 60 sæti á
styrkleikalista Alþjóðaknattspyrnu-
sambandsins, var í 86. sæti í nóvem-
ber en 90. sæti um áramótin."
Landsliðið skiptir öllu
Átta lið leika í efstu deild í Eist-
landi en í byrjun áratugarins var
Flora eina eistneska liðið. Hin voru
rússnesk, þar á meðal Lantana, sem
sló ÍBV út úr Evrópukeppni félags-
liða 1996. Síðan hefur það gerst að
Flora hefur stofnað tvö dótturfélög
og voru þau öll þrjú í efstu deild í
fyrra en eitt féll og því verða tvö
eistnesk félög í deildinni þegar nýtt
tímabil hefst í apríl.
Reyndar verður leikið samkvæmt
breyttu fyrirkomulagi. Tímabilið
MART Poom, markvörður Eistlands, sést hér fagna þegar félagi hans skoraði mark i leik gegn Bosníu í Sarajevo í Evrópukeppni
landsliða. Undir stjórn Teits Þórðarsonar náðu Eistlendingar jafntefli, 1:1.
Stjómaði um 320 æfingum
og 71 leik á tímabilinu
Teitur Þórðarson er að hefja fjórða ár sitt
sem landsiiðsþjálfari Eistlands í knatt-
spyrnu og þjálfari liðsins Flora, sem varð
þrefaldur meistari undir hans stjórn í
fyrra. Landsliðið er nánast alfarið skipað
leikmönnum frá Flora en Teitur hefur ver-
ið með lið sitt í nokkurra mánaða æfínga-
búðum á Kýpur á hverju ári og í samtali
við Steinþór Guðbjartsson kom fram að
kostnaður vegna dvalar í æfíngabúðunum
hefur verið um 25 milljónir króna árlega.
verður frá apríl fram í nóvember og
leikin fjórfóld umferð en hingað til
hefur verið leikið heima og að heim-
an eins og á meginlandi Evrópu og
keppnin verið frá hausti til vors með
vetrarfríi. Flora varð meistari í
deildakeppninni sem lauk í júní sem
leið, endurtók leikinn í keppninni
sem lauk í nóvember og varð auk
þess bikarmeistari 1998. „Til að
breyta skipulaginu varð að halda tvö
landsmót á árinu,“ sagði Teitur og
bætti við að nýja fyrirkomulagið
væri framfór þar sem allt skipulag
miðaðist við að bæta árangur lands-
liðsins. „Um þessar mundir er að-
eins einn landsliðsmaður utan Eist-
lands, markmaðurinn Mart Poom
hjá Derby, sem lék áður með Flora.
Auk þess erum við með nokkra unga
stráka í Þýskalandi og Skandinavíu,
einkum í Finnlandi og Svíþjóð. I
sumum tUfellum er um að ræða
stráka sem ég hef sett út úr hópnum
hjá Flora til að hleypa yngri mönn-
um að. Arsenal hefur mikið verið að
spá í miðherjann Andreas Oper, sem
er 20 ára og mjög efnUegur. Þessar
breytingar hafa eðlilega áhrif á
Flora, ekki síst með það í huga að
við höfum sett okkur það markmið
að komast í gegnum eina eða tvær
umferðir í Evrópukeppni. Brott-
hvarf lykilmanna veikir óneitanlega
liðið en við viljum að menn komist
að erlendis því það er mikUvægt
með framtíð landsliðsins í huga. Það
er erfítt að vera beggja vegna borðs-
ins en ég get ekki aðeins hugsað um
Flora heldur verð að hafa hagsmuni
landsliðsins að leiðarljósi.“
Kostnaður vegna æfingabúða
um 25 milljónir króna
Á undirbúningstímanum hefur
Teitur árlega verið með leikmenn
sína og fjölskyldur þeirra í þriggja
til fimm mánaða æfingabúðum á
Kýpur og sagði hann það lykilatriði í
uppbyggingunni.
„Það hefur verið mjög mikilvægt
að hafa getað verið með liðið í þess-
um æfingabúðum á Kýpur því þar
höfum við getað æft við bestu að-
stæður á veturna. Það sem liggur að
baki framforunum eru þessar æf-
ingabúðir. Við höfum alltaf leigt
bestu vellina sem herinn á, æfinga-
svæði við Larnaca með fjórum völl-
um sem eru eins og flatir á bestu
golfvöllum."
Undanfarin ár hafa íslensk félags-
lið verið í æfingabúðum á Kýpur og
fyrir tæpu ári var landsliðið þar í
æfinga- og keppnisferð. Nú bendir
hins vegar allt til að ekkert íslenskt
lið verði í æfingabúðum á Kýpur
næstu mánuði. „Eins og menn vita
sem hafa verið á Kýpur er æfingaað-
staðan mjög misjöfn en hún hefur þó
batnað víða, til dæmis eru átta nýir
vellir í Aya Napa, þar sem íslensku
liðin þekkja vel til. Eigandi Flora,
sem jafnframt er varaforseti Knatt-
spyrnusambands Eistlands, styður
vel við bakið á knattspyrnunni og
undirbúningurinn hjá okkur er á
hans kostnað, en kostnaðurinn
vegna æfingabúðanna er um 25
milljónir króna á ári. Við höfum ver-
ið á góðu hóteli, fengið góðan mat og
farið frá Kýpur til annarra landa við
Miðjarðarhafið til að keppa. Við höf-
um lagt mikið upp úr því að fá lands-
leiki auk þess sem Flora hefur verið
með á alþjóðaæfingamótum. í byrj-
un, þegar landsliðið var í kringum
145. sæti á FIFA-listanum, var ekki
mikill áhugi hjá öðrum að spila við
okkur en það hefur breyst."
Skemmtilegt verkefni
Þegar Teitur hóf störf í Eistlandi
fékk hann frjálsar hendur við upp-
bygginguna. Hann hreinsaði til í
herbúðum Flora og tekur aðeins
Eistlendinga í hópinn, „nema hvað
við höfum fengið nokkra leikmenn
frá Skandinavíu til að hressa upp á
„kúltúrinn" hjá okkur“, eins og hann
orðaði það. Og einn Skagamann.
„Unnar Valgeirsson æfði með okkur
í tvo mánuði í haust og stóð sig mjög
vel. Því kemur vel til greina að
kanna íslenska markaðinn frekar.
Erlendir leikmenn fá þokkaleg laun
miðað við það sem gengur og gerist í
Skandinavíu en innlendu strákarnir
eru á lægri launum, sem samt eru
margföld á við laun almennings. Það
þykir því mikil upphefð að vera at-
vinnumaður í knattspymu í Eist-
landi.“
Eistneska landsliðið hefur bætt
sig með hverju árinu og er í 40. sæti
á styrkleikalista Evrópu samkvæmt
úttekt franska blaðsins France
Football í lok desember á nýliðnu
ári. Liðið lék fjórtán landsleiki, sigr-
aði í tveimur, gerði fjögur jafntefli
og tapaði átta leikjum með marka-
tölunni 17:25. Fjórir þessara leikja
voru í Evrópukeppninni, 3:2-tap í
Skotlandi, 4:l-tap í Tékldandi, 1:1-
jafntefli í Bosníu og 5:0-sigur heima
á móti Færeyjum. „Þetta snýst ekki
aðeins um að þjálfa eitt lið heldur er
um uppbyggingu á allri knattspyrn-
unni að ræða,“ sagði Teitur. „Þegar
ég byrjaði voru átján atvinnumenn
hjá Flora og fleiri komu ekki til
greina í landsliðið en nú er félagið
með sextíu leikmenn á launaskrá og
ég get valið menn í landsliðið úr
þremur liðum. Fyrst vorum við þrjú
í fullu starfi á skrifstofunni, ég, eig-
andinn og ritari, en nú vinna meira
en tuttugu manns á skrifstofunni.
Við erum með knattspyrnuskóla um
allt Eistland þar sem um 400 ung-
lingar æfa daglega, en til að koma
þeim til og frá skóla erum við með
átta rútur. Auk þess æfa um 4.000
unglingar á vegum klúbbsins um allt
Eistland og milli sextíu og sjötíu
þjálfarar eru í fullu starfi á vegum
félagsins. Þetta hefur hlaðið utan á
sig en það er langt í land, enda verk-
efnið mjög umfangsmikið. Hins veg-
ar er ég mjög ánægður með hvernig
mál hafa þróast. Það hefur verið
mjög gaman að starfa að þessari
uppbyggingu því ég hef byggt þetta
upp alveg eftir mínu höfði og þar af
leiðandi haft þau áhrif sem ég hef
viljað. Ekki hefur skemmt fyrir að
gengið hefur verið mjög gott, bæði
hjá Flora og landsliðinu."
Nýr samningur kemur
til greina
Teitur sagði að vel kæmi til greina
að gera nýjan samning. „Framhald-
ið hefur ekki verið rætt ennþá en
ekkert er ómögulegt. Mér líkar
þetta mjög vel og ég er sannfærður
um að árangurinn á eftir að verða
mjög góður eftir nokkur ár verði
haldið áfram á sömu braut. Við vor-
um mjög óheppnir að tapa á móti
Skotum, vorum 2:1 yfir þegar átta
mínútur voru eftir og áttum í raun
að sigra, þótt liðið væri skipað ung-
um leikmönnum - átta menn voru
löglegir með tuttugu og eins árs
landsliðinu. Liðinu hefur farið mjög
mikið fram og það getur alveg tekið
stig hér og þar þótt ljóst sé að allir
leikir eigi eftir að verða erfiðir. Það
sem helst háir okkur er reynslu-
leysi, en reyndir leikmenn hefðu til
dæmis aldrei tapað leiknum í
Skotlandi. Þetta erum við að reyna
að laga með auknu álagi en við æf-
um mikið og spilum marga erfiða
leiki. Flora og landsliðið léku sam-
tals 71 leik á liðnu tímabili auk þess
sem æfingarnar voru um 320. Það er
ansi mikið.“