Morgunblaðið - 24.04.1999, Blaðsíða 39
MORGUNBLAÐIÐ
LISTIR
LAUGARDAGUR 24. APRÍL 1999 39
Gítar Islancio
Gítar Islancio
á Kaffi Krók
TRÍÓIÐ Gítar Islancio leikur á
sæluviku-tónleikum á Kaffi Krók
á Sauðárkróki á morgun, sunnu-
dag kl. 21. Tríóið er skipað Gunn-
ari Þórðarsyni og Birni Thorodd-
sen sem leika á gítara og Jóni
Rafnssyni kontrabassaleikara.
Tónlistin sem tríóið flytur er
swing í anda gítarleikarans
Django Reinhardts. Ennfremur
verða flutt lög eftir Chick Corea,
Duke Ellington, Stevie Wonder og
lög eftir þá félaga Björn og Gunn-
ar.
• •
Ond mín mikl-
ar Drottin
TÖNLIST
Hallgrímskirkja
KÓRTÓNLEIKAR
Kórverk eftir Jón Hlöðver Áskelsson,
Þorkel Sigurbjönsson, Jón Leifs,
Piirt, Atla Heimi Sveinsson,
Bruckner, Brahms og Mendelssohn.
Mótettukór Hallgrimskirkju u. stj.
Harðar Áskelssonar. Miðvikudaginn
21. april kl. 20.
MÓTETTUKÓR Hallgrímskirkju
er á förum suður til Lundai- og Kaup-
inhafnar að syngja í höfuðkirkjum
þar. Var af því tilefni efnt til tónleika
í Hallgrímskirkju vetrarkvöldið síð-
asta við þvílíka aðsókn, að sló jafnvel
við norðlenzkum karlakórum í höfuð-
borgarheimsókn. Bflaöngþveitið úti
fyrir undirstrikaði berlega stæða-
skortinn á nýskipulögðu Skólavörðu-
holti, þrátt fyrii- ærið gangstéttapláss
- líkt og til að slá því fóstu, að listvið-
burðir í stærstu kirkju landsins séu
eingöngu ætlaðir Þinghyltingum.
Dagskrárvalið var vandað og að
því er virtist sniðið fyrir mikla heyrð
kirkjunnar; hæggeng og höfug kór-
verk sem nutu sín vel í löngum eftir-
ómi - e.t.v. burtséð frá síðustu tveim
Brahms-mótettum, þar sem hreyfan-
leikinn var meiri en í hinum verkun-
um. Þaulreynd þekking aðstandenda
á tónrænum kostum og löstum guðs-
hússins kom enn gerr fram með
staðsetningu söngfólksins innst í
kirkjukórnum í löturhægu en tiltölu-
lega gisnu Magnificati Aivos Párts,
sem hlaut þar aukna hljómgun og
fyllingu, er áttu vel við rithátt þess.
Fyrst var sálmalagið Gefðu að
móðurmálið mitt í tvísöngsraddsetn-
ingu Róberts A. Ottóssonar sungið
úr hliðarskipum og á inngöngu að
kórnum og hljómaði í senn tært og
voldugt í einfaldleika sínum. Hin
skíra útsetning Jóns H. Askelssonar
á Víst ertu, Jesú, kóngm- klár kom
fallega fram í andaktugri túlkun, svo
og perla Þorkels Sigurbjörnssonar,
Heyr himnasmiður með smekklegri
lækkun niður á mp í 3. erindi.
Kosmísk kytrð var yfir hinu meist-
aralega Requiemi Jóns Leifs, sem
ætla má að vekji mikla lukku suður í
borgunum við Sundið. Þeir er næst
sátu gátu og glaðzt yfir skýrum
textaframburði kórsins í íslenzku
lögunum, þótt latínan, er síðar heyrð-
ist í Magnificatinu og „Os justi“,
hefði mátt vera hvassari, og stundum
líka þýzkan í Bruckner og Brahms.
Tribute to Caesar (1997) og
Magnificat (1989) eftir hinn sænsk-
eistneska Arvo Párt voru afar per-
sónuleg verk í hægferðugu mínimal-
ískuleitu líðandi tónferli, sem engu
síður hélt athygli með einfaldri en
frumlegri raddfærslu og streitubeit-
ingu. Þeir hlustendur er einkum
tengja Magnificat, hamingjuóð Maríu
til Drottins, við fjörugt meistaraverk
Bachs við sama texta, hljóta margir
að undrast innhverfa nálgun Párts,
en þrátt fyrir næm því drungalegt
yfirbragð brá einnig fyrir heiðifkju,
og ofurveikt tenútissimó-niðurlagið
var sérlega áhrifamikið.
Kvöldbænir Þorkels Sigurbjörns-
sonar frá 1983 við Ijóð Hallgríms Pét-
urssonar mætti kannski nefna útfar-
armótettu í samræmi við viðfangsefni
textans, enda dimmleitt og íhugult
verk, er fjaraði út sem lífsblómið í
þrástefjandi kanon-kenndu niðurlagi
á útgöngu kórsins „diminuendo a
niente“ eins og heitir á fagmáli; allá-
hrifamikið verk í túlkun þeirra Harð-
ar. Bjartara var yfir ljúfu Maríu-
kvæði Atla Heimis við trúarijóð Lax-
ness undir galdralagi, og mótettur
Bruckners, Os justi og Christus fact-
us est var stórkórsrómantík eins og
hún gerist ferskust og einlægust í
hrífandi söng Mótettukórsins, enda
þótt þessi nýlegu viðfangsefni, líkt og
hinar þrjár þarnæstu Brahmsmótett-
ur op. 110, eigi vafalaust eftir að slíp-
ast betur til. Brahms var sýnu erfið-
ari viðfangs, en svo var líklega mest
hljómburði um að kenna, að sú fyrsta
kom bezt út, enda hinar tvær síðari
töluvert vakrari tónsmíðai- og fyrir
bragðið viðkvæmari fyrir risahljómg-
un kirkjunnar.
Mótetturnai- tvær eftir Mendels-
sohn, op. 69,1 og op. 78,2, voru hins
vegar mjúkmálli og látlausaif verk
og voru ágætlega sungin, einkum hið
seinna, „Richte mich Gott“. Mendels-
sohn setti meiri fókus á karlaraddirn-
ai- en fyifn’ennarar hans á dagskrá,
og hvort sem valda nýleg manna-
skipti eða álag vegna mannfæðar,
hefði mátt óska sér ögn þýðari tenórs
og aðeins meiri fyllingai- í bassa, auk
þess sem inntónun var ekki alls stað-
ai' jafn hnökralaus hjá körlunum. En
ef maður þekkh' metnað stjórnand-
ans rétt, ætti það í mesta lagi að vera
tímabundið ástand; a.m.k. var eftir-
tektarvert hvað alla jafna heyrðist
vel í innröddum þrátt fyrir ofurvikt
útradda (19 S, 9 A, 8 T, 15 B).
Að frátöldum skorti á nánari upp-
lýsingum um einstök verk var tón-
leikadagski'á að vanda vel frágengin
með söngtextum á frummálum, ís-
lenzku, sænsku - og m.a.s snyrtilega
sönghæfum þýðingum á dönsku.
Ríkarður Ö. Pálsson
NEYTENDUR
Little Caesar’s í Reykjavik
Hráefnið í pítsurnar
rannsakað í Detroit
ANNA Gage og Eyþór Guðjónsson við Faxafen 11, þar sem Little
Caesars-pítsur verða fáanlegar innan tíðar.
PÍTSA er ekki bara pítsa. Að
minnsta kosti hafa Eyþór Guðjóns-
son og félagar hans, sem hyggjast
opna pítsustaðinn. Little Caesar’s í
Reykjavík nú í sumar, heldur betur
komist að raun um það sér og öðrum
bæði til undrunar og ánægju.
Strangar kröfur af hálfu eigenda
Little Caesar’s í Bandaríkjunum eru
gerðar til eigenda einstakra pítsu-
staða um framleiðslu flatbakanna
allt frá hveiti og öðrum innihaldsefn-
um til þess hvemig hún lítur út og
bragðast að bökun lokinni.
Um þessar mundir er stödd hér á
landi Anna Gage en hún starfar hjá
höfuðbækistöðvum keðjunnar í
Detroit í Bandaríkjunum. Hún hefur
umsjón með samskiptum höfuð-
stöðvanna og leyfishafa um heim all-
an og sér til þess að kröfum eigend-
anna sé fylgt í hvívetna. Hún segir
það hafa komið sér þægilega á óvart
hversu tilbúnir íslenskir matvöru-
framleiðendur séu að uppfylla þess-
ar kröfur eigendanna, en allt hráefni
sem notað er í Little Caesar’s-pítsur
er sérstaklega valið eða framleitt
eftir ströngum stöðlum. Markmið
eigenda íslenska Little Caesar’s-
pítsustaðarins, sem opnaður verður
í sumar í Faxafeni í Reykjavík, er að
allt hráefni sem verður notað þar á
bæ, matvæli sem kassar utan um til-
búnar flatbökurnar, verði íslenskt.
Sýni send til Detroit
Undanfarna mánuði hafa Eyþór
og félagar hans sem og starfsfólk
höfuðstöðvanna í Detroit því unnið
að því hörðum höndum að semja við
íslenska matvælaframleiðendur um
að þeir framleiði hráefni á borð við
pepperoni, pylsur, skinku, flesk og
ost eftir leynilegum uppskriftum eða
íyrirmælum höfuðstöðvanna ytra.
Segir Gage samskipti höfuðstöðv-
anna við íslensku matvælaframleið-
endurna hafa verið með eindæmum
góð og að þeir séu allir af vilja gerð-
ir til að framleiða gott hráefni á
góðu verði.
Erindi Gage hingað til lands er
íyrst og fremst að leggja blessun
sína yfir íslenska hráefnið og ræða
við framleiðendur. Þróunarvinnu á
hráefninu er að ljúka og tekur hún
sýni úr síðustu lotunni með sér utan.
Þar með er sagan þó ekki öll sögð.
Sýni verða send af hverri einustu
framleiðslulotu til höfuðstöðvanna í
Detroit þar sem sérmenntaðir mat-
vælafræðingar efnagreina þær ýtar-
lega og gera á þeim örverupróf. Að
því búnu eru bakaðar úr þeim pítsur
og þær m.a. skoðaðar í smásjá, at-
hugað hvort þær brúnist á réttan
hátt, hvort loftbólur myndist í ostin-
um, hvert sýrustig flatbakanna sé
og próteininnihald þeirra athugað. í
fyllingu tímans verða tilbúnar en
hráar pítsur einnig sendar utan til
ýtarlegrar úttektar m.a. á útliti og
bragðgæðum. Markmiðið er að
Little Caesar’s-pítsur bragðist og
líti eins út hvar í heiminum sem þær
eru keyptar. Starfsfólk Little Caes-
ar’s tekur sér, að sögn Eyþórs, góð-
an tíma, eða hálft ár, í að finna rétta
hráefnið þegar til stendur að opna
nýjan pítsustað undir merkjum fyr-
irtækisins.
„Síðan munum við koma a.m.k.
tvisvar á ári i heimsókn og oftar ef
þess gerist þörf. Hráefnissýni úr
hverri einustu framleiðslulotu verða
áfram send til Detroit og einnig pít-
sur með reglulegu millibili til rann-
sóknar,“ segir Anna Gage og leggur
rika áherslu á að þessar miklu ki'öf-
ur sera og bragðgóðar pítsur séu að-
alsmerki fyrirtækisins. Hún segir
einnig, stolt, að bandarískir neyt-
endur hafi í 11 ár í röð útnefnt píts-
ur frá Little Caesar’s-pítsufyrirtæk-
inu bestu pítsukaupin á markaðnum
með tilliti til bragðs, þjónustu og
verðs. Eigendur og starfsfólk fyrir-
tækisins hafi fullan hug á að ná
sama árangri í öðrum löndum þar
sem pítsur frá Little Caesar’s eru
fáanlegar.
Silicol
Dental fyrir
munn og góm
ÝMUS efh. hefur sett á mai'kað Sil-
icol Dental munnskol. í fréttatilkynn-
ingu frá fyrirtækinu segir að með því
að skola munninn reglulega með Sil-
icol Dental megi styrkja tannholdið
og gera það sveigjanlegra. Ennfrem-
ur að prófanir hafi sýnt að þetta sé
áhrifamikil leið til þess að stöðva
tannholdsblæðingu.
Þá segir í tilkynningunni að kísil-
sýran í Silicol Dental geri þeim gagn
sem eru með sár í munni eða ertingu.
Einn aðalkosturinn við Silicol Dental
sé hvað kísilsýran sé virk og þeki
mikið yfirborð. Þegar hún þeki yfir-
borð tannholdsins vii-ki hún kælandi
og dragi úr sárindum og bólgu.
Vegna mikillai' bindigetu bindi hún
blóðagnir, sýkla og geri þá óvirka um
leið og hún styrki tannholdið.
Endurbætt hönn-
un Baby Carrier-
burðarpoka
VERSLUNIN Fífa og markaðs-
gæsludeikl Löggildingarstofu jBSBð&lUgk
vilja vekja athygli á því að hönn-
un Baby Carrier-burðarpoka
hefur verið endurbætt til þess
að koina í veg fyrir hugsanleg
slys. Fyrirtækið Baby Björn hef-
ur bent á að eldri hönnun Baby
Carrier-burðarpoka er með
þeim hætti að börn sem eru létt-
ari en 4,5 kg geta runnið niður
um hliðarop pokanna. Baby
Björn hefur því hætt sölu á þess-
ari eldri gerð og sett á markað-
inn endurbætta útgáfu af burð-
arpokunum. Þeir sem eiga burð-
arpoka frá Baby Björn af gerð-
inni Baby Carrier sem voru
keyptir fyrir nóvember 1998
geta sntíið sér til verslunarinnar
Fífu, Klapparstíg 27, og fengið
endurgjaldslaust band sem Baby
Björn hefur látið hanna til þess
að koma í veg fyrir umrætt slys.
Ef bandinu er koniið fyrir á lilið-
aropi pokanna eiga öll börn að
vera örugg í pokunum og því
telur Baby Björn ekki ástæðu til
þess að innkalla þá.
í fréttatilkynningu frá Fífu og
markaðsgæsludeild Löggilding-
arstofu er vakin athygli á því að
umræddar ráðstafanir eru gerð-
ar til þess að fyrirbyggja hugs-
anleg slys, ekki sé kunnugt um
nein slys í tengslum við pokana
hér á Iandi. Þessar aðgerðir
leysi foreldra og forráðamenn
barna hins vegar aldrei undan
þeirri ábyrgð að nota vöru ætl-
aða börnum eins og leiðbeining-
ar segja til um.