Morgunblaðið - 16.12.1999, Síða 80

80 FIMMTUDAGUR 16. DESEMBER 1999
I DAG
MORGUNBLAÐIÐ
FRETTIR
Athugasemd frá Val
MORGUNBLAÐINU hefur borist
eftirfarandi athugasemd frá stjóm
Knattspyrnufélagsins Vals:
„Að gefnu tilefni vill stjórn
Knattspymufélagsins Vals koma
eftirfarandi á framfæri.
Knattspymufélagið Valur er
íþróttafélag og tekur ekki afstöðu
til þjóðfélagsmála á öðrum sviðum
eða til pólitískra deilumála.
Án nokkurs samráðs eða heimild-
ar frá stjórn félagsins hefur nafn
Vals verið nefnt í tengslum við deil-
ur um fyrh-hugaðar virkjanir á há-
lendi Islands.
Það hefur leitt til margra fyrir-
spurna til félagsins og valdið mis-
skilningi um starf þess.
Stjóm Vals harmar þann leiða
misskilning.“
Islandsflug
ÍSLANDSFLUG býður upp á til-
boð vikuna 13.12.-18.12.
„Þeir sem fljúga samdægurs
fram og til baka á flugleiðunum
Akureyri-Reykjavík-Akureyri,
Reykj avík-Akureyri-Iteykj avík,
V estmannaeyj ar-Reykj avík-Vest-
mannaeyjar, Egilsstaðir-Reykja-
með tilboð
vík-Egilsstaðh-* fá farið á lægstu
fargjöldum og bíl til afnota í kaup-
bæti.
* Ath. Þar sem aðeins eitt flug er á
dag til Egilsstaða er miðað við flug
til baka daginn eftir og fæst bíll th
afnota i sólarhring," segir í fréttatil-
kynningu frá Íslandsílugi.
Jólapottar Hjálpræðis-
hersins á fjórum stöðum
JÓLAPOTTAR Hjálpræðishersins
eru komnir á fjóra staði á höfuð-
borgarsvæðinu. Einn er í Fjarðar-
kaupum, annar í Kringlunni, sá
þriðji fyrir utan Liverpool á Lauga-
veginum og sá fjórði fyrir utan
Pósthúsið í Austurstræti. Hjálp-
ræðisherinn treystir þvi að vel muni
sjóða í pottunum þannig að hægt
verði að styrkja alla þá sem þess
þurfa.
Jólastyrkjum verður úthlutað í
samkomusal Hjálpræðishersins
laugardaginn 18. desember kl. 9.30-
16. Fulltrúar fjölskyldna mega
koma kl. 9.20-12 og einstaklingar kl.
13-15, aðeins þeir sem hafa sótt um
geta komið og fengið styrk. Sama
dag fæst fatnaður gefins í Flóa-
markaðsbúðinni, en nauðsynlegt er
að vera með tilvísun sem má sækja
samdægurs í sal Hjálpræðishersins.
Kaffi-list opnað á nýium stað
VEITINGAHÚSIÐ Kaffi-list
verður opnað á ný í nýju húsnæði
á Laugavegi 20A, föstudaginn 17.
desember.
„Kaffi-list á Laugavegi 20A er
hannað af Guðjóni Bjarnasyni í
samvinnu við eigendurna, Agust-
ín Cortés og Þórdísi Guðjónsdótt-
ur.
Fastagestir og aðrir velunnarar
staðarins eru boðnir velkomnir í
opnunarhóf á Kaffi-list kl. 17-19
eða 19-21 föstudaginn 17. desem-
ber,“ segir í fréttatilkynningu.
Kringlunni 8-12 sími 568 6211
EUROSKO
VELVAKANPI
Svarað í síma 569 1100 frá 10-12 og 13-15
frá mánudegi til föstudags
Gleymum ekki
Geðhjálp
VEIKINDI eru ávallt erf-
ið. Sumir tábrotna og aðrir
fá tannpínu. Oheppnir
veikjast af salmónellu eða
inflúensu. Krabbamein
getur verið ógnvænlegt.
Alnæmi er alltaf þung-
bært. Líkamleg fötlun hef-
ur marga fylgifiska. Geð-
fötlun getur oft verið
óbærileg. Allir þekkja
sjúkleika af ólíkum toga,
en það gera sér ekki allir
grein fyrir hversu jöfn við
erum í raun þegar veik-
leiki hrjáir okkur eða ást-
vini. I áföllum, slysum,
veikindum og við andlát
fer ekki á milli mála í huga
okkar Islendinga að í
mannviti Hávamála liggur
leyndur dómur sem segir
„maður er manns gaman“
- við þurfum hvert á öðru
að halda í blíðu og stríðu.
Á síðastliðnum áratug-
um hafa orðið miklar fram-
farir og ör þróun í heil-
brigðisvernd í landinu,
nánast bylting. Island er
meðal fremstu þjóða í heil-
brigðismálum - og sækir
fram. Þó getum við sagt:
betur má ef duga skal -
enda sókn besta vörnin.
Og forvörn í fyrirrúmi get-
ur gert heilbrigðiskerfi
landsins hlutfallslega
ódýrara og enn markviss-
ara.
Heilbrigðisráðherra af-
henti Geðhjálp stórfeng-
lega gjöf fyrir nokkrum
mánuðum með húsinu við
Túngötu 7 í Reykjavík. Fé-
lagar og velunnarar tóku
til hendinni við breytingar,
inréttingar (en í þessu
tígulega húsi var margt
látið haldast í upprunalegu
horfi) og hvers kyns end-
urnýjun sem kostað hefur
margar milljónir í bein-
hörðum peningum. Ný að-
staða hefur skapast. Fé-
lagsmiðstöð og athvarf fyr-
ir marga, mötuneyti, vísir
að tölvuveri, áfangaíbúðir
og önnur starfsemi hefur
litið dagsins ljós á skömm-
um tíma með mikilli vinnu
óeigingjarnra manna sem
hafa lagt hönd á plóginn og
styrk fjölda aðila sem allir
eiga þakkir skildar fyrir
stórhuga framtak til heilla
og farsældar. Vísindamenn
um allan heim hafa lagt sig
í líma við að rannsaka geð-
sjúkdóma af margvíslegum
toga og miklar framfarir á
síðustu árum lofa góðu.
Heilastarfsemin er eitt
flóknasta fyrirbæri manns-
líkamans og heilinn mesta
undur veraldar ef svo má
að orði komast. Og allt hef-
'ur sinn tíma. Geðfatlaðir
sem aðrir sjúkir bíða enn
betri tíma. Margir bíða eft-
ir fjölbreyttari endurhæf-
ingu. Fjöldi bíður eftir
sambýli, íbúð eða áfanga-
stað. Aðrir bíða endur-
menntunar og nýira leiða í
menntakerfinu. Mikill
fjöldi bíður eftir meiri
möguleikum tengdum
sjúkrahúsum og dagdeild-
um/göngudeildum. Og
rekstur og kostnaður við
Túngötu kostar milljónir
og margir hafa rétt hjálp-
arhönd. Þökk sé þeim. En
allir geðfatlaðir og að-
standendur þeirra bíða þó
ef til vill fýrst og fremst
eftir farsælla viðhorfi við
veikindum sem alltof
margir líta hornauga.
Lyfjaframleiðendur og
heildsalar, útgerðarfólk,
iðnaðarframleiðendur, vís-
indamenn í erfðarannsókn-
um, Kiwanismenn og ann-
að velgjörðarfólk, stofnan-
ir, ráðuneyti og einstak-
lingar: Gleymum ekki Geð-
hjálp. I þjóðfélagi okkar
eru enn alltof margir sem
sjá aldrei heilan glaðan
dag.
Vit og skipulags-
leysi í snjómokstri
borgarinnar
ÞETTA minnir mig á visst
sjúkrahús sem lét sjúk-
linga sína moka sandi í
botnlausar fötur til að
stytta þeim stundir. Snjó-
mokstri borgarinnar er
þannig háttað, að þeir
moka af götum á bílastæði
en sums staðar af bfla-
stæðum á götur. Svo þegar
liðinu hleypur kapp í kinn
moka þeir bara draslinu á
almenna göngustíga, sam-
anber frá Tunguseli upp í
Stíflusel að strætisvagna-
skýli. Þá er illmögulegt að
komast þarna nema sem
fuglinn fljúgandi. Svo
segja þessir herrar: Takið
ykkur skóflu í hönd! Vilja
þeir þá ekki hafa það eins
og Chaplin hafði það hérna
áður fyrr, - þá mokaði
hann frá sínum tröppum
yfir á tröppur náungans?
Eg hélt að borgin ætti að
sjá um gangstíga fyrir fólk
jafnt sem ökutæki. Svo
þegar hringt er í þá er
sagt að þetta verði athug-
að en ekkert gerist.
Mér finnst þetta algjört
tillitsleysi við hinn al-
menna borgara og öku-
menn.
230626-4059
Dýrahald
Chihuahua
ÓSKA eftir að fá gefins
chihuahua-hund eða smá-
hund á gott heimili. Upp-
lýsingar í síma 697-6670.
Morgunblaðið/Golli
Víkverji skrifar...
ATHYGLISVERT var að fylgj-
ast með viðtali Egils Helgason-
ar við Davíð Oddsson forsætisráð-
herra á sjónvarpsstöðinni Slgá ein-
um sl. sunnudag. Víkverji hafði
raunar vænst þess að Egill gengi
hart fram í að spyrja Davíð um ýmis
pólitísk deilumál, en i stað þess var
viðtalið meira á persónulegum nót-
um. Eftirtektarverð var sú yfirlýs-
ing Davíðs að hann hefði á sínum
tíma greitt atkvæði gegn þeirri til-
lögu um Ráðhús sem valin var, en
Davíð var á sínum tíma formaður
dómnefndar sem valdi úr tillögun-
um. Davíð nefndi þetta til að sýna
fram á að það væri ekki rétt, sem
stundum væri haldið fram, að hann
réði öllu.
xxx
VÍKVERJI hefur alla tíð haft
blendnar tilfinningar til Ráð-
hússins í Reykjavík. Húsið er að
mörgu leyti fallegt, en staðsetningin
er hins vegai’ umdeilanleg. Við
hönnun Ráðhússins var tekin sú
ákvörðun að gefa blaða- og frétta-
mönnum gott vinnupláss til að þeir
gætu fylgst með fundum borgar-
stjórnar. Þar eru klefar og borð fyr-
ir á annan tug fréttamanna til að
vinna samtímis. Borgarstjórn fund-
ar að jafnaði tvisvar í mánuði og það
heyrir til undantekninga ef fleiri en
tveir fjölmiðlar nýta sér aðstöðuna í
Ráðhúsinu. Mjög erfitt er hins veg-
ar að breyta skipulagi hússins
þannig að hægt sé að nýta frétta-
mannaaðstöðuna í annað. Raunar
skilst Víkverja að húsið hafi nokkuð
mikið verið hannað utan um stjórn-
sýslu Reykjavíkurborgar eins og
hún var í upphafi síðasta áratugar.
Nokkuð erfitt hafi því reynst að
laga húsið að breytingum sem
stöðugt eru að verða á stjórnsýslu
borgarinnar. Þetta hlýtur að teljast
veigamikill galli á húsinu.
xxx
YFIRLÝSING Davíðs í þætti
Egils Helgasonai' um undir-
skriftasöfnun Umhverfisvina hlýtur
einnig að sæta tíðindum. Davíð
sagði að stjómvöld myndu ekkert
mark taka á undirskriftunum. Vík-
verji er þeirrar skoðunar að Um-
hverfisvinir hafi gert gi'undvall-
armistök þegar þeir kynntu söfnún-
ina. Þá sögðu forsvarsmenn hennar
að markmið þeirra væri að safna
a.m.k. 70 þúsund undirskriftum.
Þar með gáfu þeir andstæðingum
virkjunar vopn í hendur því þeir
munu væntanlega segja að söfnunin
hafi mistekst ef 60 þúsund Islend-
ingar skrifa undir því að markmið
söfunarinnar hafi þá ekki náðst.