Morgunblaðið - 04.10.2000, Qupperneq 64

MORGUNBLAÐIÐ, KRINGLUNNI1,103 REYKJAVÍK, SÍMl 6691100, SÍMBRÉF5691181, PÓSTHÓLF3040,
ÁSKRIFT-AFGREIÐSLA 5691122, NETFANG: R11ETJ@MBL.1S, AKUREYRl: KAUPVANGSSTRÆTI1
MIÐVIKUDAGUR 4. OKTÓBER 2000
VERÐ í LAUSASÖLU 150 KR. MEÐ VSK.
(
Olíuverðshækkanir
komu viðskipta-
ráðherra á óvart
_ Oskar eftir
rannsókn
Samkeppn-
isstofnunar
VALGERÐUR Sverrisdóttir við-
skiptaráðherra hefur farið fram á
það við Samkeppnisstofnun að hún
fari yfir og rannsaki forsendur olíu-
félaganna fyrir síðustu hækkun á
bensíni og olíum. Valgerður sagðist í
samtali við Morgunblaðið hafa átt
fund í gær með forstjóra Samkeppn-
isstofnunar í tilefni síðustu verð-
»lfhækkana olíufélaganna. Aðspurð
sagði Valgerður að hækkanirnar nú
hefðu komið sér á óvart.
„Það er orðið ansi erfitt að búa við
þetta. Auðvitað á það ekki bara við
um ísland en þetta er eitt af þeim
málum sem við viljum átta okkur
betur á,“ sagði Valgerður.
Hún sagði að innkaupsverð og
álögur ríkisins skýrðu ekki nægjan-
lega vel útsöluverðið, í samanburði
við aðrar þjóðir. Því væri full ástæða
til að líta á málin nánar.
„Mér skilst að þetta sé ekki flókið,
‘verðlagningin er gegnsæ og fáir
þættir sem mynda verðið. Ég vonast
því til að þessi athugun Samkeppnis-
stofnunar taki ekki langan tíma.“
■ Dýrari olía/4
Morgunblaðið/Kristinn
Forsætisráðherra ræddi hugsanlega aðild Islands að ESB í stefnuræðu
Framlag í sjóði ESB yrði
með því hæsta sem þekktist
DAVÍÐ Oddsson forsætisráðherra
gerði hugsanlega aðild íslands að
Evrópusambandinu að umtalsefni í
stefnuræðu sinni á Alþingi í gær-
kvöldi. Hann vakti athygli á því að
samkvæmt skýrslu sem Halldór Ás-
grímsson utanríkisráðherra lét
gera á síðasta þingi, um kosti og
galla þess að ísland gerðist aðili að
ESB, væri talið líklegt að framlag
Islands í beinhörðum peningum til
sjóða ESB gæti orðið rúmlega átta
milljarðar króna á ári, og það hefði
verið varlega áætlað. A hinn bóginn
væri bent á það í skýrslunni að
óvíst væri hve mikið kæmi til baka.
Davíð sagði víst að framlag ís-
lands á mann til sjóða ESB yrði
hátt, gengju íslendingar í sam-
bandið, raunar með því hæsta sem
gerðist innan ESB vegna hlutfalls-
lega mjög hárra þjóðartekna hér á
landi. „Jafnvíst væri að íslendingar
myndu greiða mun meira til sjóða
sambandsins en þeir fengju til
baka. Þá er öruggt, að eftir stækk-
un ESB myndi framlag Islands
stórhækka og endurgreiðslur
lækka vegna mun hærri þjóðar-
tekna á mann á íslandi en í nýjum
aðildarríkjum.“
Forsætisráðherra minnti enn-
fremur á að ekki væri líklegt að ís-
lendingar fengju varanlegar undan-
þágur frá stefnu ESB í sjávar-
útvegsmálum. Ekkert benti heldur
til að sjávarútvegsstefna ESB væri
líkleg til að haggast í neinum aðal-
atriðum.
Viðskiptahallinn minni ögn en
menn hafa viljað vera láta
Forsætisráðherra fór einnig yfir
stöðuna í efnahagsmálum í ræðu
sinni í gær. Sagði hann góðan af-
gang af ríkissjóði, þriðja árið í röð,
hluta af jákvæðri þróun sem væri
til marks um að þjóðarbúskapurinn
væri öflugri en nokkru sinni fyrr í
sögu íslensku þjóðarinnar. Mikill
viðskiptahalli hefði verið eina nei-
kvæða táknið í íslenskum efnahags-
Haustlegt
í höfuð-
borginni
ÞAÐ ER haustlegt í Reykjavík um
þessar mundir og farið að fréttast
af snjókomu á fjöllum. Regnhlífar
geta veitt góða vörn í votviðrinu, en
verða hins vegar næsta haldlitlar
þegar blæs.
málum upp á síðkastið og hann væri
sannarlega áhyggjuefni. Viðskipta-
hallinn væri þó sennilega minni ógn
en menn hefðu viljað vera láta auk
þess sem nú væri væntanlega kom-
ið yfir stærsta kúfinn þar.
■ Þjóðarbúskapurinn/32-33
Ný skýrsla um
loftslagsbreytingar
Dregið gæti
úr áhrifum
Golfstraums
við landið
SAMKVÆMT skýrslu vís-
indanefndar um loftslags-
breytingar á íslandi, sem um-
hverfisráðherra kynnti í gær,
gæti dregið úr áhrifum Golf-
straumsins hér við land á
næstu áratugum. Sökum
óvissuþátta í hegðan haf-
strauma heimshafanna gæti
hlýnun hér við land orðið
veruleg og hraðari en þekkst
hefur á síðustu öldum.
Jöklar á norðurhveli
munu hverfa smám
saman
Með hlýrra veðurfari munu
jöklar á norðurhveli jarðar
hverfa smátt og smátt, úr-
koma aukast, sjávarborð
hækka, sjórinn hlýna samfara
aukinni vatnsgengd og
rennsli vatnsfalla aukast
verulega, sem gæti haft já-
kvæð áhrif á vatnsbúskapinn.
Siv Friðleifsdóttir umhverf-
isráðherra telur skýrsluna af-
ar mikilvægt innlegg í um-
ræðuna um loftslagsbreyt-
ingar hér á landi en minnir á
ýmsa óvissuþætti sem fram
koma í skýrslunni, sem unnin
var af átta vísindamönnum og
byggð að hluta á rannsóknum
alþjóðlegrar nefndar.
■ Hlýnun/6
Gefur áfram kost á
sér sem forseti ASI
GRÉTAR Þorsteinsson, forseti Al-
þýðusambands Islands, hefur ákveð-
ið að gefa áfram kost á sér sem for-
seti sambandsins á þingi ASÍ sem
haldið verður dagana 13.-16. nóvem-
ber næstkomandi.
Töluverð umræða hefur farið
fram innan verkalýðshreyfingarinn-
ar að undanfömu um hugsanlegar
breytingar á forystu Alþýðu-
sambandsins og hafa núverandi
forseti og varaforsetar sætt gagn-
rýni fyrir að vera ekki nógu áber-
andi og kraftmiklir í starfi. Skv.
heimildum blaðsins hefur verið
þrýst á Ara Skúlason, framkvæmda-
stjóra ASI, að gefa kost á sér sem
forseti.
Umdeildur í hreyfingunni
„Ég hef að undanförnu rætt við
ýmsa í hreyfingunni," sagði Grétar í

samtali við
Morgunblaðið í
gær. „Ég hef
meðal annars
orðið þess
áskynja að ég er
umdeildur og
átti svo sem
aldrei von á
öðru. Mín nið-
Grétar urstaða er hins
Þorsteinsson vegar sú að ég
mun gefa kost á
mér. Það er mín ákvörðun,“ sagði
hann.
Grétar sagðist jafnframt hafa talið
óskynsamlegt að draga lengur að
taka ákvörðun um hvort hann gæfi
kost á sér til áframhaldandi starfa
sem forseti ASÍ. Aðspurður sagðist
Grétar ekki geta svarað því hvort
hann mætti eiga von á mótframboði
á þinginu en hann myndi mæta því ef
slík staða kæmi upp.
Tillögur um breytingar á skipulagi
Alþýðusambandsins verða meginmál
ASI-þingsins og sagðist Grétar ætla
að fylgja því máli fram. „Ég hef litið
á það sem meginviðfangsefnið frá
því ég var kjörinn og hef reynt að
haga mér í samræmi við það. Það
hefur auðvitað gengið á ýmsu og
stundum verið heldur ófriðlegt en
hins vegar tel ég að við séum núna
komin með á höndina tillögur sem
þokkaleg sátt er um. Það er auðvitað
mörgum að þakka en ég tel mig eiga
þar einhverja hlutdeild. Ég vona að
þingið staðfesti þessar tillögur í öll-
um aðalatriðum og tel að Alþýðu-
sambandið verði þá miklu betur fært
um að takast á við umhverfið en það
hefur verið til langs tíma litið,“ sagði
Grétar Þorsteinsson.