Morgunblaðið - 02.11.2000, Side 22

22 FIMMTUDAGUR 2. NÓVEMBER 2000
MORGUNBLAÐIF-
LANDIÐ
Samstarfsvettvangur
Vesturlands stofnaður
Morgunblaðið/Davíð Pétursson
Þátttakendur á aðalfundi Samtaka sveitarfélaga á Vesturlandi.
Morgunblaðið/Hafþór
Reinhard Reynisson og Linda Baldursdóttir skrifa undir, en á myndinni
eru einnig fulltrúar bæjarins og Völsungs.
Húsavíkurkaup-
staður og Völsung-
ur semja til sjö ára
Grund - Aðalfundur Samtaka
sveitarfélaga á Vesturlandi var
haldinn á Laugum í Sælingsdal,
föstudaginn 27. október sl. Bar þar
helst til tíðinda að Akurnesingar
frestuðu úrsögn sinni úr samtök-
unum, sem þeir höfðu boðað eftir
síðasta aðalfund.
Fundurinn hófst kl. 10 með
skýrslu stjórnar, framkvæmda-
stjóra, atvinnuráðgjafar og sam-
göngunefndar. Síðan voru reikn-
ingar ársins 1999 afgreiddir og
lögð fram fjárhagsáætlun fyrir ár-
ið 2001 og þar var gert ráð fyrir að
Akurnesingar yfírgæfu ekki sam-
tökin.
Næst á dagskrá var kynning á
fyrirtækjum sem stofnuð hafa ver-
ið fyrir forgöngu ATSSV en þau
eru: Eignarhaldsfélag Vesturlands
hf., Sorpurðun Vesturlands hf.,
Upplýsinga- og kynningarmiðstöð
Vesturlands og Símenntunarmið-
stöð Vesturlands.
Síðasta mál fyrir matarhlé var
erindi Ólafs Sveinssonar, Nýsi um
hugmyndir að framtíðarskipulagi
SSV. Jafnframt erindi Ólafs var
flutt tillaga um að aðalfundur SSV
samþykkti að stofna samstarfs-
vettvang Vesturlands þar sem full-
trúar sveitarfélaga, ríkisins, stofn-
ana og félagssamtaka geta fjallað
um sameiginleg málefni Vestur-
lands sem heildar og stjórn SSV
verði jafnframt stjórn samstarfs-
vettvangsins. í greinargerð sem
fyldi með tillögunni kom fram að
þrjú markmið yrðu með stofnun
samstarfsvettvangsins: Efling
byggðarlaganna/sveitarfélaganna,
efling atvinnulífs og efling þekk-
ingar og menntunar.
Lagt var til að þátttakendur í
samstarfsvettvanginum yrði sem
hér segir: Sveitarfélög á Vestur-
landi kjósi 20 fulltrúa. Einn full-
trúi komi frá eftirtöldum: Land-
búnaðarháskólanum á Hvanneyri,
Fjölbrautaskóla Vesturlands, Við-
skiptaháskólanum á Bifröst, heil-
brigðisráðuneytinu, menntamála-
ráðuneytinu, samgönguráðuneyt-
inu, iðnaðar- og viðskiptaráðu-
neytinu, sjávarútvegsráðuneytinu,
landbúnaðarráðuneytinu, umhverf-
isráðuneytinu, Vegagerðinni, Bún-
aðarsambandi Vesturlands, Sam-
tökum atvinnulífsins fjórir full-
trúar og stéttarfélög fjórir full-
trúar. Alls 40 þátttakendur. Ljóst
var, að fengist þessi tillaga ekki
samþykkt gengju Akurnesingar úr
samtökum sveitarfélaga á Vestur-
landi um næstu áramót, eins og
áætlað var. Hins vegar, með vísan
í kynninguna á þeim félögum sem
SSV hefur staðið fyrir stofnun á,
fannst mörgum fulltrúanum á aðal-
fundinum að Samtök sveitarfélaga
á Vesturlandi hefðu verið, eftir
mætti, að efla sveitarfélögin, at-
vinnulífið, þekkingu og menntun,
allan tímann frá stofnun eða í um
30 ár.
Eftir matarhlé flutti Bjarni Ár-
mannsson, forstjóri Islandsbanka-
FBA, erindi sem hann nefndi
„Fjárfestar og atvinnulífið á lands-
byggðinni" og Gísli Gíslason, bæj-
arstjóri á Akranesi, talaði um
Evrópu og sveitarfélögin.
Vilja að erindi Norðuráls
um stækkun fái
farsælan framgang
A fundinum voru margar sam-
þykktir og ályktanir. Meðal annars
ályktun um byggðamál, atvinnu-
ráðgjöf og iðnað á Grundartanga
en þar segir: „Aðalfundur SSV
haldinn að Laugum í Sælingsdal
27. október 2000 samþykkir að
beina þeirri áskorun til iðnaðar-
ráðherra að stuðla áfram að upp-
byggingu iðnaðar á Grundartanga.
í því sambandi hvetur fundurinn
til þess að erindi Norðuráls hf. um
stækkun verksmiðjunnar fái far-
sælan framgang.“
Þegar fundurinn samþykkti að
stofna samstarfsvettvang Vestur-
lands og leggja niður atvinnumála-
nefnd bað Guðmundur Páll Jóns-
son, forseti bæjarstjórnar Akra-
ness, um orðið og tilkynnti að
Akranes myndi fresta brotthvarfi
sínu úr SSV. Var þá hægt að
ganga til kosninga í stjórn og
nefndir samtakanna, auk fulltrúa í
samstarfsvettvang Vesturlands.
Stjórn SSV er þannig skipuð:
Gunnar Sigurðsson, Gísli Gíslason,
Guðrún Jónsdóttir, Sigurður Val-
geirsson, Jónas Guðmundsson,
Dagný Þórisdóttii’ og Kristinn
Jónasson.
Strax að loknum aðalfundi hélt
stjórnin sinn fyrsta fund. Eina
mál fundarins var að kjósa for-
mann. Nú voru viðbrögð önnur en
fyrir ári, því að Gunnar Sigurðs-
son var kosinn með öllum greidd-
um atkvæðum. Sigurður Valgeirs-
son var kjörinn varaformaður,
einnig með öllum greiddum at-
kvæðum.
Húsavík - Húsavikurkaupstaður og
íþróttafélagið Völsungur hafa gert
með sér rammasamning um starf-
semi og fjármál félagsins, auk þess
hefur verið gengið frá skuldamál-
um félagsins í samvinnu við útibú
Islandsbanka-FBA á Húsavík. Með
þessum samningi viðurkennir
kaupstaðurinn mikilvægi Völsungs
í íþrótta og æskulýðsmálum í bæjar-
félaginu og íþróttafélagið hlutverk
sitt og skyldur á móti.
Þá vill bærinn með þessu tryggja
að það fé sem er sett í þetta starf
nýtist sem allra best og þá sérstak-
lega æsku bæjarins. Öll samskipti
bæjarins og félagsins munu fara í
gegnum löglega stjórn félagsins
eða formann þess og mun tóm-
stundafulltrúi bæjarins verða eftir-
litsaðili með framkvæmd samnings-
ins.
Með þessum samningi samþykkir
Völsungur skyldur sínar við að
standa fyrir öflugu og fjölbreyttu
bama- og unglingastarfi sem tekur
mið af stefnu ISÍ og áhersla verði
m.a. lögð á að allir hafi sama rétt til
íþrótta þ.m.t. fatlaðir, auka þátt-
töku foreldra, vera með virka for-
varnaráætlun og auka fræðslu um
skaðsemi ávana- og fíkniefna. Húsa-
víkurkaupstaður mun á móti leitast
við að viðhalda og haga framboði á
aðstöðu til íþrótta og tómstunda-
iðkunar í samræmi við markmið
samningsins.
Þá mun íþróttafélagið á hverju
ári fá greitt rekstrarframlag ákveð-
ið af tómstundamefnd, á gildistíma
þessa samnings verður félaginu og
eða einstökum deildum innan þess
óheimilt að ráðast í fjárhagsskuld-
bindingar eða framkvæmdir án um-
sagnar tómstundanefndar og stað-
festingar bæjarstjórnar auk þess
sem félaginu er óheimilt að taka lán
með ábyrgðum einstaklinga.
Reinhard Reynisson bæjarstjóri
og Linda Baldursdóttir skrifuðu
undir samninginn sem gildir til árs-
loka 2007 með ákvæðum um endur-
skoðun á samningstímanum, Linda
vildi koma á framfæri þökkum fyrir
hönd félagsins til bæjaryfirvalda
fyrir þeirra þátt í gerð samningsins
sem og bæjarins og útibús Islands-
banka-FBA á Húsavík fyrir þeirra
þátt í að ganga frá skuldum félags-
ins sem nú gera félaginu kleift að
takast á við framtíðina og nýta þau
fjölmörgu tækifæri sem þar bjóðast.
Jakob S. Bjarnason, sljórnarmað-
ur í Völsungi, sagði að niðustaðan í
uppgjöri skulda félagsins væri nið-
urstaða vinnuhóps sem í voru auk
fulltrúa bæjarins og íslandsbanka-
FBA núverandi og fyrrverandi
stjórnai-menn félagsins, hann sagði
að erfitt hefði verið að halda áfram
miðað við þá skuldastöðu sem var
en nú væri bjart framundan í starfi
félagsins. Aðilar þessa samnings
eru sammála um að markmið hans
sé að efla tengsl bæjarins og
íþróttafélagsins í því skyni að efla
íþrótta- og æskulýðsstarf á Húsa-
vík, húsvískri æsku til heilla.
Morgunblaðið/Karl Sigurgeirsson
Guðrún Jóhannesdóttir í starfsstöð Stjörnubita.
Ný veitingaþjónusta
Hvammstanga - Stjörnubiti heitir
einkafyrirtæki Guðrúnar Jóhannes-
dóttur á Hvammstanga. Fyrir
skömmu opnaði Guðrún nýja starfs-
stöð að Eyrarlandi 1, sem er
nýbyggt fjölnotahús á Hvamms-
tanga. Stjömubiti gerir smurbrauð,
samlokur og hvers kyns brauðbita
og selur til smásala í Húnaþingi og
allt vestur í Dali.
í nýrri starfsstöð mun Guðrún
bjóða upp á kaffiveitingar og einnig
smárétti í hádegi. Guðrún ætlar að
auka þjónustuna, en segir fram-
kvæmdahraði muni ráðast af við-
brögðum viðskiptavina.
Viðgerð lok-
ið á Kálfa-
fellsstaðar-
kirkju
Kálfafellsstað - Hátíðarmessa var
í Kálfafellsstaðarkirkju nú í vetr-
arbyijun að lokinni umfangsmik-
illi viðgerð og fegrun kirkjunnar í
sumar. Kirkjan var máluð utan
sem innan, gluggar sandblásnir
og lagfærðir, gólf ýmist parket-
klædd eða flísalögð. Nýr prédik-
unarstóll og grátur prýða nú
helgidóminn. Kirkjubekkjum var
fækkað og þeir lagfærðir og eru
þeir nú orðnir hinir þægilegustu.
Yfirsmiður var Haraldur Jónsson,
Höfn. Kostnaður nemur á þriðju
milljón og hefur því fé verið vel
varið.
Kirkjunni var færð að gjöf af-
steypa af lágmynd eftir Thorvald-
sen til minningar um frú Þóru
Einarsdóttur er lést nú í vor. Þóra
var gift sr. Jóni Péturssyni pró-
fasti og var prestsfrú á Kálfa-
fellsstað 1936-1944. Þekktust
mun hún þó af störfum sínum að
mannúðarmálum var m.a. stofn-
Kálfafellsstaðarkirkja
MorgunDiaoio/Hrínar jonsson
andi Verndar og lengi formaður
samtakanna. Gefendur voru börn
þeirra hjóna, Pétur borgarfull-
trúi, Helga Jarðþrúður og sr. Ein-
ar á Kálfafellsstað.
Fjölmenni mættu til messu og
var sérstaklega ánægjulegt að sjá
þar brottflutta Suðursveitunga og
aðra velunnara kirlqunnar. Að at-
höfn lokinni voru kaffiveitngar á
borðum í félagsheimilinu að
Hrollaugsstöðum.