Morgunblaðið - 02.11.2000, Síða 29
MORGUNBLAÐIÐ
FIMMTUDAGUR 2. NÓVEMBER 2000 29
ERLENT
Gúsinskí og
Berezovskí
stefnt
TALSMAÐUR skrifstofu rík-
issaksóknara Rússlands til-
kynnti í gær, að Vladimír Gús-
inskí og Borís Berezovskí,
umsvifamestu fjölmiðlarekend-
um og athafnamönnum lands-
ins, hefði verið stefnt til yfir-
heyrslu í tengslum við tvö
óskyld glæpamál sem til rann-
sóknar eru hjá embættinu.
Mun vera til þess ætlazt að þeir
mæti báðir hinn 13. nóvember
til yfirheyrslnanna. Vladimír
Pútín, forseti Rússlands, hefur
ítrekað sagt að stórumsvifa-
menn, sem tókst að raka til sín
eignum og auði er Sovétríkin
leystust upp, muni fá að kenna
á armi laganna.
Manntal í
Kína
KÍNVERSK stjórnvöld
hleyptu í gær af stokkunum
einu umfangsmesta manntals-
verkefni sem efnt hefur verið
til í sögu mannkyns. Sex millj-
ónir opinberra starfsmanna
munu ganga hús úr húsi í þessu
fjölmennasta landi heims í því
skyni að komast að því ná-
kvæmlega hve margir íbúar
landsins séu í raun og veru.
Kostunica
vill viðræður
Vojislav Kostunica, forseti
Júgóslavíu, sagðist á þriðjudag
vera reiðubúinn að ræða við
leiðtoga Kosovo-Albana, en úti-
lokaði möguleikann á sjálfstæði
héraðsins. í opinberri heim-
sókn til Noregs lét Kostunica
þau orð falla að hann væri enn
andvígur því að sveitarstjórn-
arkosningar skyldu hafa verið
látnar fara fram í Kosovo; hann
hefði viljað sjá þeim seinkað.
Að hans sögn hefðu þó líkurnar
á lausn mála í Kosovo stórauk-
ist með tilkomu lýðræðis í land-
inu þrátt fyrir að ekki sé á döf-
inni að veita Kosovo sjálfstæði.
Athygli vakti í gær, að júgó-
slavnesk yfirvöld létu
Kosovo-Albanann Flora Brov-
ina lausan úr fangelsi, en hann
hafði í desember sl. verið
dæmdur í 12 ára fangelsi fyrir
meinta þátttöku í hryðjuverka-
starfsemi. Var Brovina og fleiri
Kosovo-Albönum að sögn veitt
sakaruppgjöf samkvæmt fyrir-
mælum frá Kostunica forseta.
Mónakófursti
reiður
HÖRÐ deila er nú komin upp
milli stjómvalda í París og
furstans af Mónakó, Rainier
III, sem í viðtali við dagblaðið
Le Figaro á þriðjudag hótaði
að slíta gildandi samningum
um forræði Frakka yfir fursta-
dæminu og lýsa yfir sjálfstæði
þess, ef franskir ráðamenn
hættu ekki að halda því opin-
berlega fram að Mónakó sé
„vin peningaþvættis“. „Við er-
um búnir að fá okkur fullsadda
af að vera meðhöndlaðir eins og
svartamarkaðsbraskarar," er
haft eftir furstanum. „Eg vil
ekki lýsa yfir stríði á hendur
Frakklandi, en Frakkar verða
að virða okkur, og það hefur
ekki verið tilfellið í marga mán-
uði,“ sagði hann. Frönsk þingn-
efnd sakaði yfii-völd í Mónakó í
sumar um „hræsnisfulla" af-
stöðu gagnvart peningaþvætti.
Tveir menn skotnir til bana á Norður-írlandi
Innbyrðis átök mótmælenda
Bclfast. AP, AFP.
LÖGREGLA og herlið á Norður-írlandi var með
aukinn viðbúnað í héraðinu í gær til að reyna að
draga úr innbyrðis átökum fylkinga mótmæl-
enda. 63 ára gamall maður var myrtur í Belfast á
þriðjudag og hálftíma síðar var annar maður
skotinn sem lést síðar af sárum sínum. Mennirn-
ir voru báðir skotnir í viðurvist eiginkvenna
sinna og er talið að um hefndarmorð hafi verið að
ræða.
Fyrrnefndi maðurinn, Bertie Rice, hafði starf-
að á skrifstofu Billy Hutchinsons sem fer fyrir
Framsækna sambandsflokknum, PUP, pólitísk-
um armi hermdarverkasamtakanna UVF. Hutch-
inson sagðist telja að morðið á Rice hefði átt að
vera hefnd fyrir morð á 21 árs gömlum manni sl.
laugardag. Maðurinn hafi sennilega verið félagi í
öðrum hermdarverkasamtökum, UDA. Seinna
fórnarlambið, Tommy English, var 39 ára og bjó
einnig í Belfast. Grímuklæddir menn réðust inn á
heimili hans og skutu hann þrem skotum. Hann
lést á sjúkrahúsi. English mun hafa verið fyrr-
verandi liðsmaður pólitísks arms UDA.
Talið er að jafnt UDA sem UVF haldi skilmála
vopnahlés sem þeir samþykktu 1994 í átökunum
við kaþólska íbúa héraðsins en þeim hefur verið
kennt um yfir 900 morð á kaþólskum borgurum í
átökunum í héraðinu sem hófust um 1970. Liðs-
menn hópanna tveggja hafa hins vegar átt í blóð-
ugum erjum síðan í ágúst og er meðal annars
barist um ítök í skipulagðri glæpastarfsemi og
stundum verið að gera upp persónulegar deilur.
Um 150 fjölskyldur hafa flúið heimili sín í hverf-
um mótmælenda í norður- og vesturhverfum
Belfast vegna átakanna síðustu daga.
Tvær sprengjur sprungu samtímis í lögreglu-
stöð skammt sunnan við Belfast í gærmorgun og
slasaðist lögreglumaður illa á fæti. Irski lýðveld-
isherinn, IRA, hefur virt vopnahléð að undan-
förnu en talið er að aðrir hermdarverkahópar úr
röðum kaþólskra hafi staðið fyrir tilræðinu.
Nokkrir litlir hópar kaþólskra neita að sam-
þykkja vopnahlé.
án úUxirgunar við
afhendíngu
W
lánum í aíít að
60 mánuðl
W
fyrsta afboraun
í mars 2001
W
AJíír bífar
á vefcrsrdekkjum
vpr&lækkun
á notu&um bílum
frá Ingvari Helgasyni hf■
OPIÐ:
kl. 9-18 vírka daga
kl. 10-17 laugardaga
BORGARBlLASALAN
Grensásvegi 11 - Sími 588 5300 - www.ih.is - www.bilheimar.is