Morgunblaðið - 02.11.2000, Blaðsíða 38
38 FIMMTUDAGUR 2. NÓVEMBER 2000
LISTIR
MORGUNBLAÐIÐ
Tvö verka Tryggva Ólafssonar á sýningunni í Gerðarsafni. Morgunblaðið/Knstinn
Verk Tryggva Olafs-
sonar í Gerðarsafni
Morgunblaðið/Sverrir
Tryggvi Ólafsson myndlistarmaður opnar yfirlitssýningu í Gerðarsafni
í tilefni sextugsafmælis. Sýningin er í boði Búnaðarbanka íslands.
YFIRLITSSÝNIN G á verkum
Tryggva Ólafssonar verður opnuð í
Gerðarsafni í Kópavogi næstkom-
andi laugardag kl. 15.
Efnt er til hennar í tilefni sex-
tugsafmælis Tryggva og sjötugs-
afmælis Búnaðarbankans. Sýningin
er í boði bankans og önnur af þremur
sýningum sem hann stendur fyrir á
afmælisári.
Fyrsta sýningin í röð Búnaðar-
bankans, yfirlitssýning á verkum í
eigu hans, var opnuð fyrir skömmu
og mun standa fram til 6. nóvember í
Hafnarborg. Þriðja sýningin, sýning
á verkum ungra listamanna, sem
Búnaðarbankinn býður að sýna í
Gerðarsafni, hefst 1. desember og
stendur til jóla. Hún tekur við af sýn-
ingu Tryggva sem lýkur 26. nóvem-
ber.
Tryggvi Ólafsson stundaði nám í
Handíða- og myndlistarskólanum
1960-’61. Hann fékk inngöngu í
Listaakademíuna í Kaupmannahöfn
sama ár og dvaldist þar við nám
næstu sex ár. Tryggvi hefur m.a.
haldið fjölda einkasýninga á Islandi
og í Danmörku. Hann hefur tekið
þátt í samsýningum í öllum höfuð-
borgum Norðurlanda og auk þess í
Hollandi, Þýskalandi, Frakklandi,
Englandi, Kína og Bandaríkjunum.
Árið 1984 var gerð heimildarmynd
um Tryggva undir heitinu Bygging,
jafnvægi, litur. Bók kom út um list
Tryggva á vegum Listasafns ASI og
Lögbergs árið 1987.
Tryggvi Ólafsson á verk á 15 lista-
söfnum á Norðurlöndum. Hann hef-
ur verið búsettur í Danmörku í 39 ár.
Til viðbótar myndlistarsýningun-
um þremur heldur Búnaðarbankinn
um þessar mundir úti sýningu rúm-
lega 40 verka úr eigin safni í list-
glugga á heimasíðu sinni: www.bi.is.
Asamt því að vera kaupandi
myndlistar og sýna verkin í húsa-
kynnum sínum hefur Búnaðarbank-
inn nú í á annan áratug sýnt verk í
listglugga í Austurstræti. Þá hefur
bankinn að undanfömu átt samstarf
við nemendafélag Listaháskólans
um listglugga sem snýr að Rauðar-
árstíg í útibúi bankans við Hlemm.
Þar fær hver nemandi að sýna í tvær
vikur í senn.
íslenski dansflokkurinn kynnir:
Transdanceeurope 2000
Danshátíð Menningarborga Evrópu
Trans Dance Europe 2000 ( Reykjavfk nýtur stuðnings fré
Teater og dans I norden, Franska sendiráðinu. Alliance frantais og norska sendiráöinu.
Borgarleikhúsinu í kvöld. Miðasala 568 8000
Hraun og hrif
MYNÐLIST
Listhús (Ífeigs
LEIRLIST -
SVETLANA MATUSA
Opið á afgreiðslutíma
verslunarinnar. Til 4. nóvember.
Aðgangur ókeypis.
LEIRLISTAKONAN Svetlana
Matusa lauk námi frá deild hagnýtr-
ar myndlistar í Belgrad 1989, með
framsækna leirlist sem aðalfag. Arið
1995 var hún að auk í nokkra mánuði
við rannsóknir á mikilvægu verk-
stæði í Shigaraki í Japan. Hér er sjó-
uð listakona af serbneskum uppruna
á ferð, sem tekið hefur þátt í fjöl-
mörgum alþjóðlegum sýningum,
haldið 12 einkasýningar, hlotið verð-
laun og viðurkenningar. Matusa
dvelur um þessar mundir á íslandi
og hefur undanfarið unnið að list
sinni á leirlistaverkstæði Glits. Af-
raksturinn getur nú í fyrsta skipti að
líta í Listhúsi Ófeigs á Skólavörðu-
stíg, þar sem hún hefur fyllt efri
hæðina af verkum sínum.
Svetlana Matusa virðist hafa feng-
ið mikinn áhuga á íslandi, er upp-
numin af landinu, villtri náttúrunni
svo sem í umhverfi Landmanna-
lauga, hrauni, litbrigðum og mann-
fólkinu, segir að birt hafi yflr lífi sínu
eftir að hún kom hingað.
Af verkunum í listhúsinu má vera
auðséð að listakonan kann sitthvað
fyrir sér og að hún hefur um sumt
önnur viðhorf til formsköpunar en ís-
lenzkir félagar hennar. Þótt margt
keimlíkt hafi sést hér áður bera
könnumar einkum svip af annarri og
framandlegri formkennd ásamt því
að ytri byrði verkanna er þyngra.
Víkingaskipið er til að mynda afar
þungt og ósannfærandi þótt það sé
vel unnið, trjónurnar hjárænulegar
Ljósmynd/Bragi Ásgeirsson
Ein af hinum sérstæðu tekönn-
um Svetlönu Matusa.
og leiða hugann helst að deigi og
kökugerð. Matusa hefur farið þá leið
sem margir erlendir listamenn gera
sem hingað koma, að leitast við að
samlaga list sína áhrifum frá land-
inu, og ekki bara hughrifum, heldur
eru föng hennar sótt í möttul lands-
ins í anda stefnumarka verkstæðis-
ins, en eins og margur veit er
hraunkeramik stór þáttur í fram-
leiðslu Glits. En það er ýmislegt í
þessum verkum sem er alveg sér-
stakt og mætti að ósekju koma betur
fram því upprunanum skal ekki
hafnað þótt leitað sé á ný mið í fram-
andi umhverfi, allt hálfkák af hinu
illa. Uppruninn kemur einkum fram í
fyrrnefndum könnum sem eru dálít-
ið alveg sérstakt innan um hin verk-
in, þrengir sér fram í sviðsljósið og
krefur réttar síns.
Meinbugur á sýningunni að ein-
ungis liggur frammi smábleðill á
ensku, líkast til kynning á listakon-
unni, sem liggja mun frammi á verk-
stæði Glits. Þetta má ekki sjást í
metnaðarfullu listhúsi og alls ekki ef
engar upplýsingar eru á íslenzku.
Bragi Ásgeirsson
Skáldsagan Fóstbræður
kemur út í Frakklandi
SKÁLDSAGAN Fóstbræð-
ur eftir Gunnar Gunnarsson
er nýkomin út hjá Fayard í
Frakklandi í þýðingu Régis
Boyer sem ennfremur skrif-
ar eftirmála.
Skáldsagan Fóstbræður
kom fyrst út árið 1918. Hún
gerist á landnámsöld og
fjallar um fóstbræðurna
Leif og Ingólf, sem hrökkl-
ast frá Noregi og sigla til ís-
lands til að nema þar land og hefja
nýtt líf.
Fayard er eitt stærsta forlag
Frakklands, en í þeirri ritröð sem
Fóstbræður koma út í eru verk eftir
heimsþekkta höfunda á borð við Jos-
eph Conrad, Thomas Mann, Isabel
Allende, Vladimir Nabokov
og fleiri.
Þetta er þriðja bók Gunn-
ars Gunnarssonar sem
kemur út á frönsku, en áður
voru bækumar Svartfugl
og Aðventa komnar út í
Frakklandi og fengu góða
dóma.
Þýðandinn, Régis Boyer,
er prófessor við Sorbonne-
háskóla í París. Hann hefur
þýtt fjölmargar bækur á frönsku,
m.a. Islendingasögumar, skáldsögur
eftir Thor Vilhjálmsson, Pétur
Gunnarsson, Steinunni Sigurðar-
dóttur og fleiri, auk þess sem hann
hefur skrifað nokkrar bækur um
norræna menningu og sögu.
Gunnar
Gunnarsson
Nýjar geislaplötur
• ÚT era komnar, í fyrsta skipti á
geislaplötum, saman á einni tvöfaldri
plötu hinar landsþekktur syrpu-
plötur Fjórtán Fóstbræðra.
í umslagi segir: „Hinir Fjórtán
Fóstbræður vöktu strax athygli þeg-
ar þeir komu fram í útvarpsþættinum
„Sunnudagskvöld með Svavari
Gests“ í fyrsta sinn. Dægurlög höfðu
verið sungin í fjölda ára, en það var
eins og menn færa ekki að gefa þeim
gaum fyrr en þeir heyrðu til þessa
hressilega kórs og áður en varði var
söngur hinna Fjórtán Fóstbræðra
orðinn stór hluti af útvarpsþættinum
og fólk á öllum aldri og úr öllum stétt-
um söng með, hver við sitt útvarps-
tæki þegar Fjórtán Fóstbræður rifj-
uðu upp gamalkunn erlend dægurlög
eða yngri lög eftir íslenska höfunda.
Hér era á einni og sömu plötunni
átta lagasyrpur, eða 40 lög alls. Mörg
þessara laga þekkja flestir en hér er
einnig að finna nokkur íslensk lög,
sem ekki hafa verið gefin út á hljóm-
plötum, þótt þau hafi notið mikilla
vinsælda á íslandi svo þetta er um
leið einkar eiguleg plata fyrir þá, sem
vilja kynnast íslenskri dægur-
lagatónlist." Um seinni plötuna segir
í umslagi: „Hér era Fjórtán Fóst-
bræður aftur á ferðinni og að þessu
sinni með hljómplötu, sem vafalaust
verður talin enn betri en fyrsta
hljómplata þeirra, sem þó vakti meiri
athygli heldur en nokkur önnur
hljómplata, sem út hefur verið gefin á
íslandi fyrir fjölbreytt lagaval og frá-
bæran söng. Hinar átta lagasyrpur á
þessari hljómplötu hafa tekist sér-
lega vel; gömul og góð innlend og er-
lend dægurlög, sem allir kannast við
ásamt lagasyrpu úr söngleiknum
„My Fair Lady“, þar sem hin frá-
bæra söngkona Elly Vilhjálms syng-
ur með auk þess, sem hún er líka með
í annarri syrpu. Þá er syrpa af lögum
eftir hið vinsæla tónskáld Sigfús
Halldórsson og önnur ekki lakari eft-
ir Jón Múla Ámason.“
íslenskir tónargefa út. Verð: 2.499
krónur.