Skírnir - 01.01.1888, Síða 25

ENGLAND.
27
og lá í rúminu marga daga, þegar föt hans voru tekin frá
honum. Einn morgun, þegar fangelsisvörður kom inn, sat
Brjánn á rúmstokk sínum í spánnýjum fötum og vita menn
eigi hvernig þeim hefur verið smeygt inn til hans. Skömmu
fyrir jólin, var bæjarstjórinn i Dýflinni, Sullivan, dæmdur i 2
mánaða fangeisi og orti hann heilt kvæðasafn í fangelsinu.
Wilfred Blunt, merkur maður enskur, var dæmdur i 2 mánaða
fangelsi fyrir ræðu á Irlandi. Hérumbil 12 irskir þingmenn
sátu í fangelsi um jólin.
Hinn 29. desember var Gladstone 78 ára að aldri. Hann
fór eptir jól til Flórens á Ítalíu að hvíla sig og hélt ræðu í
Dover áður en hann fór úr landi. f>að var kastað á hann
snjókúlum á járnbrautarstöðinni í þeirri borg, en hann kippti
sér ekki upp við það og sagði, að ver hefði sér likað forðum,
þegar grjóti var kastað. Um Irland sagði hann, að þvi harð-
ari sem kúgunin væri, þvi styttri yrði hún og óskaði að Balfour
fangelsaði sem flesta Ira og Englendinga. Hann sagði, að
flokkur sinn væri nú kominn upp í 200 frá 191 og beiddi
menn að muna, að biðendur eiga byr.
Hinn 21. dag aprilm. lagði Goschen fjárlög fyrir þing og
voru tekjur ríkisins fjárhagsárið 1. apríl 1886 til 31. marz 1887
hérumbil 91 miljón punda sterling, 25 miljónum króna meiri
en 1885—86, en útgjöld voru hérumbil 89 miljónir. Tollar á
vinföngum, kaffi, tei, tóbaki og útlendum ávöxtum er meir en
fimmtungur af öllum tekjunum. Tekjuskattur gaf af sér 157s
miljón króna meir en í fyrra og var því færður niður. Ríkis-
skuld Englendinga er nú 736 miljónir punda sterling en 1816
var hún 900 miljónir, það er, 16,200 miljónir króna eða 810 krónur
á hvert mannsbarn. Nú koma 360 krónur á hvert mannsbarn.
Randolph Churohill fann að því, að Englendingar eyddu óþarf-
lega miklu fé til hers og flota, 32 miljónum punda eða meir
en þriðjung af tekjunum.
I utanrikismálum hefur lítið gerst. Sir Drummond Wolff
sat í Constantínópel vor og sumar, vetur og haust og var að
semja við soldán fyrir hönd Salisburys um Egyptaland. það
komst svo langt, að ekki vantaði nema nafn soldáns undir