Skírnir - 01.08.1915, Blaðsíða 112
336
Ritfregnir.
5) Vertamaíurinn: Þar víkur höf. orðum sínum til
alþýðu manna, vekur máls á því, hversu mikils er vert um vinnu-
brögð hvers manns í þjóðfélaginu, hvað sem hann vinnur, til lands
eða sjávar, úti eða inni.
Það er ekki vaui minn að minnast á nýjar bækur; geri það
ekki nema mér þyki mikið til koma og óttist eftirtektarleysi á
merku málefni.
Þessari litlu bók verð eg að mæla með. Hún er prýðilega
samin að efni og orðfæri.
Það er eins og sumum finnist að okkur varði mestu að vita
um það, hvað íslenzka þjóðiu hefir verið. En mér finst okkur varða
miklu meira hvað íslenzka þjóðin á að verða, og ef hún á að verða
farsæl þjóð, þá er víst, að það vinst aldrei með öðru móti en
þessu, — með viti og striti — með verksviti.
Þessi nýmæli G. Finnbogasonar eru svo mikilsverð, að mér
virðist sem þau hljóti að koma til umræðu á Alþingi í sumar.
G. B.
Ennfremur hafa Skírni verið sendar þessar bækur og verður
sumra þeirra getið síðar:
Aldahvörf. Brot úr sögu íslands. Nokkrir fyrirlestrar. Eftir
Bjarna Jónsson frá Vogi. 1814—1914. Rvík 1914.
Annáll nítjándu aldar. Safnað hefir síra Pétur Guðmundsson
frá Grímsey. 1.—3. hefti. Akureyri 1912—1914. Útgefandi Hallgr.
Pótursson.
Arsrit Verkfræðingafélags íslands 1914. Rvík 1915.
Haustlöng 120 hringhendur. Eftir Guðmund Friðjónsson. Rvík
1915.
Islenzk mannanöfn samkvæmt manntalinu 1. des. 1910. Hag-
skýrslur íslands 5. Rvík 1915.
Henryk Bienkiewicz: Vitrun. Saga frá Krists dögum. Árni
Jóhansson sneri á íslenzku. Rvík 1914.
Upton Sinclair: Á refilsstigum. Eyrarbakka 1913.
Um Harald hárfagra. Frásagnir Heimskringlu og annara forn-
rita vorra. Eftir Eggert Briem frá Viðey. Rvík 1915.