Skírnir - 01.04.1916, Side 18

130
Um Þorleif Guðmundsson Kepp.
[Skírnir
vísindamönnum og menntamönnum í Danmörku; mun þetta
nokkuð hafa greitt götu hans. Þetta var árið 1821 og
var förinni heitið til Lundúnaborgar; dvaldist Þorleifur
þar í borginni hátt á annað ár. Leitaði hann nú að afla
sér fullkominnar þekkingar í enskri tungu á ýmsan hátt.
Þaullas hann nú ensk bókmenntarit, forn og ný, og var
vakinn og soflnn í því að hagnýta sér þær menningar-
heimildir í þessari grein, er hann hafði greiðari aðgöngu
að en margir aðrir útlendingar, og var það að þakka
ýmsum mikilsmetnum vinum hans og hjálparmönnnm, að
því er hann segir sjálfur. Hann lét og eigi undir höfuð
leggjast að kynna sér þær heimildir og undirstöðurit hinna
eldri ensku bókmennta, er fjær mega teljast liggja. Hann
las og kynnti sér vandlega í frummálunum rit hinna eldri
ítölsku skálda, og sömuleiðis spænskra skálda frá dögum
Filippusar konungs II. og upp þaðan, sem annaðhvort
höfðu beinlínis verið fyrirmynd hinna ensku skálda eða
haft meiri eða minni áhrif á stefnu þeirra, smekkvísi og
menning. Það var markmið hans að koma þekkingu
sinni í þessari grein í það horf, að hann næði þar heild-
aryfirliti og gæti skipað öllu því á réttan stað, er fram
kæmi í brezkum bókmenntum, en einnig að meta rétt gildi
þessara bókmennta í samhengi við bókmenntir annarra
þjóða.
I Englandi dvaldist Þorleifur nú fram eftir ári 1822.
Meðan Þorleifur var í Lundúnaborg, var hann til húsa
hjá David Ker; Ker var höfðingi mikill, menntamaður og
þá þingmaður í neðri málstofu parlímentsins. Kona Kers
var göfugra manna, systir Castlereaglis lávarðs, hins nafn-
kunna stjórnmálamanns. Segir Repp svo í bréfi til Byrgis
Thorlacius, að þau Ker og kona hans hafi reynzt sér sem
væri hann bróðir þeirra eða sonur; gerðist hann nú kunn-
ugur mörgum hinum merkustu Englendingum, er komu í
hús Kers, þar á meðal sjálfum Castlereagh lávarði, og
það var þá ráð þeirra Castlereaghs og Kers að koma Þor-
leifi í prófessorsembætti, er þá var laust í Dyflinni á Ir-
landi, í latínu og grísku; en þetta fórst fyrir, líklega fyrir