Skírnir - 01.04.1916, Síða 22

134
Um Þorleif Guðmundsson Repp
[Skírnir
Thorlacius, sem var kennari við háskólann i forntungun-
um, latínu og grísku. Byrgir Thorlacius var sonur Skúla
rektors Thorlacius, Þórðarsonar í Teigi í Fljótshlíð, Bryn-
jólfssonar á Hlíðarenda, Þórðarsonar byskups, Þorláksson-
ar. Byrgir prófessor var af samtímismönnum sínum tal-
inn hinn lærðasti maður i latínu og grísku, þótt lítið geri
Madvig úr lærdómi hans í þessum efnum (sbr. J. N Mad-
vig: Livserindringer. Kh. 1887) Byrgir var öðlingur
hinn mesti og valmenni; hann studdi jafnan íslendinga
og fyrirtæki þeirra og taldist til þeirra, þegar þeim mátti
vera stuðning að liðsinni hans. Hann hafði mjög miklar
mætur á Þorleifi Repp, og kemur það þrásinnis fram í
bréfum hans og vitnisburðum, og hélt hann þeirri tryggð
við Þorleif, meðan þeir lifðu báðir. Stutt mun hann og
hafa Þorleif með fjárframlögum i Lundúnavist hans.
Kynni Þorleifs af þessum fyrirmönnum munu hafa
leitt til þess, að hann gekk í þjónustu stjórnarnefndar
Arnasafns Magnússonar, þótt ekki væri hann stipendiarius,
og vann ýmislegt fyrir hana, þar á meðal má geta þess,
að eftir hann er hin latinska þýðing á Laxdæla sögu, sem
Árnanefnd gaf út 1826.
Að öðru leyti er Þorleifs ekki getið við mál íslend-
inga í Kaupmannahöfn þessi ár, og mun hann lítt hafa
haft sig í frammi þar. Þó er hans getið sem eins af stofn-
endum Kaupmannahafnardeildar bókmenntafélagsins (sjá
Hið íslenzka bókmenntafélag. Stofnan félagsins og athafn-
ir um fyrstu fimmtíu árin. Kh. 1867, bls. 64). En ekki
•er hans getið þar í fundarbókum félagsins og ekki var hann
í stjórn þess né þjónustu á nokkurn hátt. Aftur á móti
er hans oft getið í fundarbókum félagsins eftir að hann
kom frá Skotlandi síðar, og lét hann þá félagsmál allmjög
til sin taka, og var lengi varaforseti deildarinnar (frá 27.
mars 1839 til 26. apríl 1847). Og heiðursfélagi var hann
kjörinn af Kaupmannahafnardeildinni (26/4 1 847).
Þegar Þorleifur var kominn úr Englandsför sinni 1822
hélt hann enn áfram málfræðanámi um nokkur ár og
lagði nú ekki að eins stund á enskar bókmenntir, heldur