Skírnir - 01.04.1916, Page 54

166
Þegnskylduvinna.
[Skírnir
snerta lífsstöðu þeirra framvegis. Og sökum þess að kven-
fólk er að jafnaði mun bráðþroskaðra, bæði andlega og
likamlega, en karlmenn, og stofnar einnig að jafnaði hjú-
skap og búskap yngra en þeir, þá er bæði rétt og sann-
gjarnt, að aldurstakmark fyrir þær sé tveim árum lægra,
eða frá 16—23 ára.
Það hefir allmikið verið rætt um það, hve nauðsyn-
legt væri að stofna húsmæðraskóla í sveit. Mér hefir aldr-
ei dulist, hve mikilvægt það væri, að 1 eða 2 vel íull-
komnir húsmæðraskólar væru á landinu. Stæðu þeir í
sveit og væru reknir með allstóru búi, lærðu konur þar
til allra þeirra starfa, er æskja verður, að hver kona kunni
og skilji, til þess að geta verið góð og myndarleg hús-
freyja á fullkomnu heimili, hvort sem það er rsveit, sjávar-
þorpum eða kaupstöðum. A slíkum skólum gæti margt
kvenna leyst af hendi þegnskyldu sína.
I sambandi við þetta má geta þess, að ef þegnskyldu-
vinnan kemst á, verður að vera ein föst aðalstöð í land-
inu eða þegnskylduskóli, er undirbúi kennara og verk-
stjóra við þegnskylduvinnuna. Þann skóla væri æski-
legt, að flestir þeir sæktu, er í þegnskylduvinnu sköruðu
fram úr öðrum með stjórnsemi, hagvirkni og allan mynd-
arskap. Þyrfti þá ekki að bera kvíðboga fyrir því, að
eigi fengjust bráðlega nægilega margir og góðir kennarar
og verkstjórar til þegnskylduvinnunnar, heldur og einnig
góðir starfsmenn á ýmsum öðrum mikilvægum svæðum i
þjóðfélaginu. Við þenna skóla væru einnig framleiddar
og ræktaðar til útplöntunar allar þær jurta- og trjáteg-
undir, sem ætla má, að geti orðið til gagns og prýðis hér
á landi. Skóli þessi þyrfti að vera í sveit, en þó eigi
langt frá góðum hafnarstað vegna aðflutninga til hans, og
fráflutnings á útgræðslu-tegundum og öðrum afurðum.
Einnig skiftir miklu, að sem flestum geti veizt kostur á að
kynnast skólanum og framkvæmdum hans.
Mjög hagkvæmt álít eg að skóli þessi stæði í sam-
bandi við aðal-húsmæðraskóla landsins. Fyrir þá báða
er sameiginlegt alt, sem lýtur að skóggræðslu, garðyrkju