Árbók Hins íslenzka fornleifafélags - 01.01.1911, Side 44

46
Barbara var dóttir auðugs manns heiðins, er Dioskurus hét og átti
heima í Heliopolis á Egiptalandi á dögum Maximianusar keisara. Hún
tók kristna trú. Faðir hennar lnkti hana í turni svo að fegurð hennar
sæist ekki. En er hann vildi gifta hana og hún skyldi velja meðal biðla
sinna, vildi hún engan þeirra eiga. Faðir hennar fór burtu í fjarlæg lönd
og lót smíða sór höll á meðan. Norðan á höllinni vildi hann láta vera 2
glugga, en hún fókk smiðina til að hafa þá 3, og skyldu þeir merkja hina
heilögu þrenningu. Faðir hennar reiddist henni mjög og vildi drepa hana,
en hún komst undan og flýði til fjalla. Hann fékk þó náð henni og setti
hana í fangelsi á fjallinu. Síðan gerði hann landsstjóranum orð og bað
hann neyða dóttur sína til blóta. Landsstjórinn lót pína hana og setja í
myrkvastofu, en englar komu og færðu henni sakramentiö í bykar og
græddu hana jafnan eftir píningarnar. Landsstjórinn tók hana þá aftur
úr myrkvastofunni og setti faðir hennar hana aftur í fangelsið á fjallinu.
Barbara bað þá guð um að mega enda þar líf sitt Bæn hennar varð
uppfylt, því að faðir hennar hjó hana banahögg á þeim sama stað. En
er hann fór niður af fjallinu kom eldur úr lofti og brendi hann svo að
hann varð að engu. En heilagur maður kom og tók Kk Barbaru og gróf
það í Heliopolis. A þetta að hafa orðið um 300 (306). Hennar dagur er
4. desember. A hana er gott að heita gegn háska af eldingum, púður-
sprengingum o. s. frv., og verður hún vel við bænum námamanna og her-
manna í stórskotaliði.
Neðsta myndin á hægra borðanum er af annari fagurri og ungri
konu; hún hefir kórónu á höfði, slegið hár, ber gulrauða skykkju
og bláan kyrtil. Sverð ber hún í vinstri hendi og fyrir fótum henni
liggur brot af gaddahjóli, en eftir þessum einkennum er konan
Katrín Mn helga frá Alexandríu.
Hún lifði um sama leyti og Barbara helga, á dögum Maxentiusar
keisara, og andmæiti hún blótum hans. Hún var konungsdóttir og hafði
faðir hennar heitið Kosti; afarfögur var hún sýnum og auðug mjög, en
ung að aldri. Keisari fékk til 50 spekinga að sannfæra hana um heilag-
leik heiðinnar trúar, en hún bar hinn hærra hlut í rökræöunum, því að
hún var mjög lærð; sneri hún spekingum keisara til kristinnar trúar og
voru þeir þá allir að boði hans teknir og brendir á báli. Keisari vildi
lokka hana til sinnar trúar með því að gera hana að drotningu sinni, en
er hún lét ekki laðast af fagutmælumjhans og bónorði, lét hann setja hana
í fangelsi og hóta henni píningum. Alt kom þó fyrir ekki og var hún
stöðug í siuni trú. Keisari lót þá gera hjól með göddum eða hnífum út
úr og ætlaöi að láta stegla hana með þeim, en hjólin brotnuðu í sundur
og ieið Katrín laus úr böndum; segja sumir að englar hafi komið og
höggvið sundur hjólin, en aÖrir að þau hafi orðiö lostin eldingum af himni.
Loksins var hún hálshöggvin með sverði og á það að hafa verið árið 307.
Ártíö hennar er 25. nóy. Englar tóku burt líkama hennar og lögðu f