Árbók Hins íslenzka fornleifafélags - 01.01.1978, Side 141

SKÝRSLA UM ÞJÓÐMINJASAFN ÍSLANDS 1977
143
mæli en hér. Var silfur í Þjóðminjasafninu og kirkjum á Vestur- og
Suðurlandi þannig skráð, ljósmyndað og mót tekin af stimplunum.
Var verkið að mestu kostað af dönsku fé, en Þjóðminjasafnið lagði
til aðstoðarfólk og aðstöðu. Menntamálaráðuneytið og Sáttmála-
sjóður veittu fjárstyrk til verksins. Af hálfu safnsins unnu Þorvald-
ur Friðriksson sagnfræðinemi, Inga Lára Baldvinsdóttir fornleifa-
fræðinemi og Lilja Árnadóttir fornleifafræðinemi að þessu verki, en
Innkaupastofnun ríkisins lánaði bifreið til ferðanna um landið er
silfrinu var safnað.
Islenskum safnmönnum var vel kunnugt um að mikið er hér af
dönsku silfri, ekki síst þar sem Matthías Þórðarson hafði skráð alla
kirkjumuni og gert grein fyrir kirkjusilfri í skýrslum sínum, sem
varðveittar eru í safninu, en hitt var minna þekkt, hverjir smiðir
ættu hlut að máli í hverju tilviki, enda hefur erlent silfur ekki verið
kannað hér kerfisbundið fyrr. Ákveðið var, að verki þessu yrði hald-
ið áfram sumarið 1978.
Inga Lára Baldvinsdóttir og Lilja Árnadóttir unnu einnig nokkuð
að nýskráningu safnmuna og skráðu þær hluti, sem komu til safnsins
árin 1975 og 1976.
Árni Björnsson safnvörður hefur tekið saman eftirfarandi grein-
argerð um störf þjóðháttadeildar.
„Tvær spurningaskrár voru sendar út á árinu, nr. 35 og 36. Fjall-
aði hin fyrri um útilíf, m.a. skauta- og skíðaferðir og önnur útivistar-
tæki á vetrum til gagns og skemmtunar. Seinni skráin snerist um
rúm og sængurfatnaö og fleira næturhvíldinni tengt svo sem rúmf jal-
ir og næturgögn.
Á árinu bættust 287 númer í heimildaskrá safnsins og voru þau
því í árslok orðin 4340.
Kennslu í þjóðháttafræði við Háskóla íslands var haldið áfram,
og með haustmisseri varð sú breyting á, að hún var gerð að fullgild-
um 5 eininga valþætti í sagnfræði. Jókst fastur nemendafjöldi mjög
við þá skipan.
Haldið var áfram að vinna úr afrakstri þj óðháttasöfnunar stú-
denta, sem getið var í síðustu skýrslu. Önnuðust það um tíma Sólveig
Georgsdóttir og Hallgerður Gísladóttir.
Eins og frá var greint í síðustu skýrslu var haustið 1976 hleypt
af stokkunum samlceppni um minningaskrif eldra fólks en 67 ára í
samvinnu við Sagnfræðistofnun Háskóla Islands og Stofnun Árna
Magnússonar. Skilafrestur var þá ákveðinn til 1. nóvember 1977.
Þegar dró að þeim tíma, þóttu ekki nógu margir hafa sýnt viðbrögð