Eimreiðin - 01.01.1901, Blaðsíða 62

62
í gegnum hljóðrifuna án þess að yppa öxlum eða þvíumlíkt. Maður
á að gæta vel að andardrættinum, hann á að vera rólegur, og
maður má ekki brúka meira loft en nauðsynlegt er. I fyrstunni
er bezt að æfa hann liggjandi. (Leo Koffler: »Die kunst des
atmens«).
?að er eiginlega fyrst þá, er við erum komnir svo langt, að
við verulega þorum að leita uppi brjósthljóminn, um leið og við
förum að syngja á a, æ, e, í, d, ö o. s. frv., og syngjum hin
hljóðin ljósara, þangað til við getum sungið öll hljóð eins og þau
hljóma í málunum, að eins hljómfallegar. Og nú gildir einu, hvort
við opnum lítið eða mikið, þegar við að eins ekki sleppum nein-
um hluta af hljómbotni okkar.
jþegar við höfúm lært alt þetta, förum við að syngja söngva,
og þá getum við líka lagt stund á söngkænsku og sálina í söngn-
um, en við megum þó aldrei sleppa þessum æfingum, sem eru
nauðsynlegar til þess, að halda raddfærunum liðugum og mjúkum.
Pessi aðferð á bæði við karla og konur, og hún kannast ekki
við það, sem menn kalla »registra«. Allir tónar, háir sem lágir,
eiga að hafa sama hljóm.
þetta er í stuttu máli aðalatriði þessarar nýju söngkenslu-
aðferðar. Auðvitað er þetta, sem hér er sagt, ekki nóg til að
læra að syngja. Betra er að kaupa einhverjar þær bækur, sem
ég hef vísað til, og allrabezt er það náttúrlega, að fá sér einhvern
duglegan kennara.
Nýja aðferðin hefur að sjálfsögðu fengið marga andstæðinga
meðal eldri söngkennara, eins og alt nýtt. Peir segja, að það sé
engin nýjung, þetta, að vilja gefa tóninum hljómbotn í höfðinu.
Paö getur verið; en enginn hefur áður fundið upp skynsamlega
og samstæðilega aðferð til að koma öllum. þessum hlutum í sveifl-
anir, sem annars liggja rólegir og ónotaðir.
Nokkuð ofsafullir eru sumir þessir nýjungamenn reyndar, og
það er víst ekki heppilegt, er nokkrir þeirra láta menn syngja
niumu, bubu o. s. frv. í fleiri ár, áður en þeir fá leyfi til þess
að opna aftur fyrir tóninum, svo að þeir loka tóninn alveg inni,
og áður en þeir fá leyfi til að syngja söngva, svo þeir verða leiðir
á miðri leið.
En sé þessi aðferð notuð með hófi og skynsamlega, hefur
hún það fram yfir aðrar, að hún getur skapað góðan frjálsan tón,
sem getur haldið sér í mörg ár.
Holger Wiehe.