Eimreiðin


Eimreiðin - 01.05.1920, Side 8

Eimreiðin - 01.05.1920, Side 8
136 FORFEÐUR MANNKYNSINS [EIXIKEIÐItí en litlum hagleik lýsir gerð þeirra. Eldinn kunnu þeir að hagnýta sér og notuðu hann til matreiðslu. þeir greftr- uðu lík meðbræðra sinna og lögðu matvæli með þeim » gröfina. Er það sönnun þess, að þeir hafi haft einhvern vísi til trúarbragða eða ákveðnar hugmyndir um annað lífi Fjóð þessi hefir um langt skeið ráðið ríkjum í Evrópu, máske svo þúsundum ára skiftir, og víða hefir hún haft bygð sina vestan til í álfunni, þar eð leifar hafa fundist eftir hana alt frá Spáni austur til Ungverjalands. Þá voru landkostir ólíkir því, sem nú er í álfunni, þvi að þá stóð jökultíminn yfir. Jökulbreiðurnar þöndust frá hálendi Norðurlanda suður um láglendin á Hollandi og Þýzkalandi og suður og austur um Rússland. Hjarnbreið- ur lágu þá yfir fjallgörðum sunnar í álfunni (Alpafjöllum og Pyreneafjöllum). Reyndar komu þá löng hlýviðris- tímabil, svo að jökuljaðarinn færðist alllangt norður eftir, og dýr og jurtir fengu næði til að breiðast yfir svæði, er jöklarnir viku af. Varð þá vistlegra suður í álfunni. Svo kólnaði aftur og jöklarnir jukust og lögðu ýms héru& aftur í eyði. Flestar þær leifar, sem fundist hafa eftir Neanderdal- þjóðina, munu vera frá síðasta hlýviðrisskeiði jökultím- ans. Þó er talið, að sumir fundirnir séu frá enn eldri tíma, því að hjá þeim hafa fundist bein af dýrum, er lifðu hér í Evrópu snemma á jökultímanum. I enn eldri lögum (frá miocen- og pliocentímanum) hafa fundist ó- lögulegar tinnuflísar hér í álfu (Eolítar); halda sumir fræðimenn að það séu vopn eða áhöld eftir menn, en það er alveg ósannað að svo sé. Alt er enn í þoku um uppruna Neanderdal-þjóðflokks- ins. Sumir hafa getið þess til, að hann hafi verið að- fluttur, en aðrir ætla, að hann hafi verið upprunninn hér í álfunni, við framþróun ófullkominna eldri ættliða, er hér hafi lifað á tertiertímabilinu. Aurignac-kynþátturinn. Þeir komu tímarnir, að Neanderdal-þjóðin var ekki eira

x

Eimreiðin

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Eimreiðin
https://timarit.is/publication/229

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.