Eimreiðin - 01.05.1920, Síða 27

EIMREIÐIN)
í BISKAYAFLÓA
155
hann hafí skilið fallega við skipið innan um þennan ó-
fögnuð. Ófeigur segist ekkert sjá. Skipstjóri segist sjá
fleytu eða eitthvað út við sjóndeildarhring og fara þeir
nú báðir að horfa i sjónauka og var að sjá sem litinn
vélbát út við sjóndeildarhring. Skipstjóri gengur ofan til
að taka saman skipsskjöl og fleira, en Ófeigur gefur
bátnum gætur og hverfur hann með öllu, þegar skipstjóri
er nýgenginn frá honum.
Eftir góða stund kemur þetta i ljós öðru sinni og er
þá miklu nær. Er nú ekki um að villast, að þetta er
kafbátur. Var norski fáninn þá þegar dreginn við hún.
Skipið hafði legið kyrt meðan þessu fór fram. En þegar
kafbáturinn kom í ljós öðru sinni, skaut hann þegar kúlu
yfir stjórnpall skipsins. Fór hún svo nærri, að Ófeigur
fann glögt þytinn og sá, hvar hún féll í sjóinn hinu
megin við skipið. í sama vetfangi kom skipstjóri hlaup-
andi upp á stjórnpall.
Kafbáturinn hafði uppi gunnfána Pýskalands og af
öðrum merkjum sáu þeir, að hann krafðist skipsskjal-
anna. Skipstjóri gekk þá í bát sinn með skipsskjöl og
alla menn sina, sem vöku höfðu með honum, og reri lil
kafbátsins. Var hann þar góða stund, en Ófeigur stóð
á stjórnpalli á meðan og hafði gát á öllu, ef merki yrði
gefin og beiddi skipsmenn þá, sem eftir voru, að taka
alt til handargagns á meðan og safna brýnustu nauð-
synjum í báða bátana. Þrjár vatnsfötur voru látnar í
hvorn bát, og öll finnanleg matvæli, en þá var mjög farið
að ganga á þau. t*á var og safnað saman ýmislegu smá-
vegis, svo sem seglgarni, nálum, köðlum, eldspýtum og
fleira.
Nú kemur skipstjóri róandi og sjá þeir, að orðið er
tveimur fleira en áður í bátnum. Voru það foringjar af
kafbátnum og höfðu meðferðis tvær sprengjur. Festu þeir
aðra utanborðs á »Solbakken« við stórlestina, en hina
niðri í vélarúmi.
Þeir skipuðu skipsmönnum að vera albúnum innan
10 mínútna og var því tafarlaust hlýtt.
Skipshöfnin gekk þá í bátana og urðu 13 með skip-