Eimreiðin - 01.05.1920, Qupperneq 32

160
í BISKAYAFLÓA
|EIMRE1ÐIN
sig hefði órað fyrir því, að þeir mundu ná landi og kvað
Ófeigur engan efa á því. Varð hann nú hinn vonbesti og
tók að telja kjark i félaga sína.
Ófeigur var mjög stirður og þjakaður, er hann stóð
upp frá stýrinu, skjálfandi og alvotur, þvi að alt af var
ágjöf, en alt af hafði hann getað varið bátinn áföllum,
og þótti honum furðulegt, hvað báturinn afbar.
Bandarikjamaðurinn settist nú undir stýri og fórst vel
stjórnin; var þá ekki sem verst veður, og stýrði hann í
6 klukkustundir. Var svo um talað, að þeir skyldi stýra
sínar 6 stundir hvor upp frá þvi, Ófeigur og hann.
Ófeigur reyndi að hvíla sig og hreyfa til skiftis og að
6 stundum liðnum tekur hann við stjórn, en timburmað-
urinn legst fyrir. Líða svo 6 stundir og rís þá timbur-
maðurinn upp öðru sinni og er þá hinn hressasti sem
áður. Ófeigur legst nú á bekk eða fjöl, sem var yfir loft-
kössunum á hléborða, og mun hafa legið þar um tvær
stundir og var að festa svefn, en hrökk þá upp við að
stórsjór skall á bátinn og var nærri hrokkinn fyrir borð.
Hann reis skjótt á fætur og hafði þá timburmaðurinn
beitt of mikið upp í. Gekk Ófeigur til hans og var gamli
maðurinn þá grátandi og sagðist ekki hafa getað haldið
opnum augunum. Settist Ófeigur þá enn undir stýri og
stýrði nálega einn upp frá því.
Á fjórða sólarhring, í næturbyrjun, fór Finnlendingur
sá, er fyrr var nefndur, mjög að ókyrrast og tók að sjá
ofsjónir, vita, skip og fleira, og kvarta um fyrir brjósti,
en þó var hann manna best búinn, sem fyrr segir. Hann
hafði legið frammi í skut, en gekk nú aftur í til stýri-
manns og er þá grátandi og með óráði og biður hann
að hjálpa sér. Ófeigur segir ekkert við þessu að gera,
nema ausa eða reyna að halda á sér hita. Lagðist Finn-
lendingurinn þá fyrir með óráði og varð nokkru síðar
meðvitundarlaus og andaðist stundu siðar. Var þá liðið
undir morgun.
Lík kyndarans var þá farið að rotna og fóru skipverj-
ar að kvarta yfir því. Tveir menn urðu þá til að hefja
það fyrir borð. Það féll á bakið og flaut aftur með bátn-