Eimreiðin - 01.05.1920, Qupperneq 57

EIMREIÐIN]
BRJÓSTMYND AF JÓNI EIRÍKSSYNI
185
Það virðist nú ekki öldungis ástæðulaust að geta sér
til, hvað tilefnið hafi verið til þess að Ólafur kyntist
Bertel einmitt þetta sama ár, sem hann gerði uppdrátt
sinn af minnismerkinu yfir Jón Eiríksson með mynd
hans á. Ólafur varð kennari við námuskólann í Kongs-
bergi 1784. Þá var Bertel óþektur unglingur og þá hefir
hann ekki getað verið búinn að gera líkneski sitt af
Jóni. Tíu árum síðar, sumarið 1794, hefir Ólafur komið
til Hafnar, gert minnismerkis-mynd sína og þá fyrst kynn-
ist hann Bertel Thorvaldsen, sem þá var orðinn alkunnur
meðal allra listamanna í borginni; og tilefnið má ætla
að einmitt hafi verið meðal annars þessi mynd af Jóni
Eiríkssyni og eftirmynd Ólafs eftir henni. — Þetta sama
sumar (4. júlí) varð Ólafur prófessor að nafnbót.
Við nákvæma eftirgrenslan í biéfa- og teikningasafni
Thorvaldsens kynni, ef til vill, að finnast eitthvað um
þetta listaverk hans frá æskuárunum, en hingað til mun
ekki annað hafa verið almenningi kunnugt um það en
það, sem stendur í ævisögu Jóns Eirikssonar. Að fá lista-
verk þetta sjálft, þótt ekki sé það heilt, var mikilsvert og
ánægjulegt, og það með tilliti til beggja vorra ágætu
landsmanna, sem hér eiga hlut að máli, stórmennisins og
göfugmennisins Jóns Eiríkssonar og hins heimsfræga lista-
manns, sem vér eigum hér sjálfir svo sárfátt til minja
um, og sem vér naumast höfum látið oss skiljast, að vér
gætum og ættum að telja vorn, þótt það þráfaldlega hafi
verið gert og sé enn gert meðal erlendra manna.
í apríl 1920.
Matthias Þórðarson.
1. mynd (koparstungumyndin), svo og allar aðrar myndir i þessu liefli, eru
gerðar á prentmyndastofu Ólafs J. Hvanndals.
Inn i greinina um íiolsjevismann i seinasta hefti Eimreiðarinnar liafa slæðst
nokkrar prentvillur og eru þessar lakastar: Bls. 32, línu 18: hinir venjulegu
les hinir eiginlegu; bls. 36, linu 11: Frálivarf þingsins les Fgrir fráhvarf þings-
ins.