Ársrit Hins íslenska fræðafjelags í Kaupmannahöfn - 01.01.1917, Síða 116

Axel Olrik
116
orðabók (1909). Loks samdi hann sams konar orðabók yfir
alla nýnorsku, en dó frá henni
(var komið út í S; en henni
verður þó lokið). Þessi orða-
bók hefur mikla þýðingu fyrir
íslenskuna, því að orðaforðinn
er hjer að mestu sameiginn.
Auk þess gaf hann út ásamt
M. Hægstad orðabók yfir forn-
málið með ágætum formála, er
sýnir myndun norrænna orða.
Enn fremur samdi hann ásamt
Hj. Falk Dansk-norska hljóð-
fræði (1898) og Dansk-norska
orðskipunarfræði (1900), auk
margra annara ritgjörða. Próf.
Torp var ekki aðeins skarpvit-
ur maður, heldur og mjög gæt-
inn og aðdáanlega fróður —
auk þess var hann hinn mesti öðlíngur í lund og öllum harm-
dauði, sem þektu hann. Norðmenn eiga þar á bak að sjá
einum af sínum bestu mönnum. Finnur Jónsson.
Axel Olrilt, prófessor í norrænni þjóðsagnafræði við há-
skóla Kmhafnar, andaðist 17. febr. s. 1. Hann var fæddur
3. júlí 1864, og því enn á besta aldri; en þeim mun sárara
var að missa hann. A. Olrik átti tæplega nokkurn jafningja
í sinni grein, er hann fjell frá, og vann að vísindalegum verk-
um, sem enginn er nú til að halda áfram. Hann lagðist
djúpt, er hann var að rannsaka elstu sagnir og kvæði Dana,
og leiddi svo mikið nýtt í ljós, að upphaf bókmentasögu Dana
breyttist við rannsóknir hans. Fyrir því hefur orðið að endur-
semja algjörlega upphafið af bókmentasögu P. Hansens, sem
nú er að koma út í þriðja sinn.
A. Olrik stundaði norræna málfræði við háskólann, og
vann gullpening hans fyrir ritgjörð um aldur Eddukvæðanna
1885. Hann tók mag. art. 1887, doktorgráðuna 1892, og
varð dócent við háskólann 1897 og prófessor 1913.
Fyrsta rit Olriks kom út 1892 — 94, og er rannsókn um
heimildirnar að fornsögu Saxa »rúnameistara«. Hann skiftir
þeim í tvo flokka, þær, sem eru danskar að uppruna, og
hinar, sem eru norsk-íslenskar. Saxi hafði margt eftir íslend-
ingum og nafngreinir einn þeirra, Arnald íslending. Olrik