Ársrit Ræktunarfélags Norðurlands - 02.02.1969, Qupperneq 39

Þrátt fyrir hinn mikla fjölda örvera og smávera í jarðveg-
inum, er samanlögð þyngd þeirra ekki mjög mikil. Þannig
er talið að ein milljón þráðorma af meðalstærð í jarðvegin-
um, vegi aðeins um eitt gramm. Miðað við áðurnefnda með-
altölu þráðorma í mólendi á Árskógsströnd, verða því um
3,5 kg af þráðormum að meðaltali á hektara. Hins vegar gera
160 ánamaðkar af þeirri stærð sem fundust í mólendinu, um
250 kg á hektara.
Erfitt er að gizka á samanlagða þyngd allra lifandi vera í
jarðveginum, en ætla má að hún sé sjaldan minni en 100 kg
á ha ef ánamaðkar eru með í spilinu, og í frjósömu landi
má ætla að hún geti a. m. k. farið upp í 500 kg á ha. Er þá
að sjálfsögðu ekki reiknað með plönturótum eða jarðstöngl-
um plantnanna.
Eins og þegar hefur komið fram, er lífið að jafnaði auð-
ugast í efsta borði jarðvegsins, eða í grassverðinum (mosa-
laginu) og í rótartorfunni næst fyrir neðan. Þaðan fer það
ört minnkandi niður á bóginn, og í um 25 sm dýpi er það
orðið lítið. Þetta á þó ekki jafnt við um alla flokka jarðvegs-
veranna. Sumir flokkar þrífast aðeins í grassverðinum, svo
sem ýmis skordýr og sniglar, en aðrir fara mun dýpra niður,
svo sem þráðormar, sveppir og bakteríur, svo og rætur hinna
grænu plantna.
Eftirfarandi tafla sýnir fjölda nokkurra dýraflokka í mis-
munandi dýptum í túni á Árskógsströnd, eftir athugunum
síðastliðið sumar (meðaltölur tveggja reita):
Dýraflokkar Sm dýpi
0-2,5 2,5-5,0 5,0-7,5 7,5-10 10—12,5 15-17,5
Mordýr 173 79 34 13 8 1
Maurar 70 14 5 3 3 1
Þráðorinar 273 200 182 - 51
Hjóldýr 11 3 1 0 0 0
Pottormar 4 3 0 0
41