Árbók Landsbókasafns Íslands - Nýr flokkur - 01.01.1990, Blaðsíða 50
50
NANNA ÓLAFSDÓTTIR
veru sína þar og komst þannig að því, hvernig þeim líkaði. Hún var
alltaf reiðubúin að ræða mál, sem að var fundið. Svona var
Halldóra Bjarnadóttir, vildi ræða og leysa öll mál friðsamlega.
Hún lét þær líka skrifa um, hvað þær vildu verða, og studdi þær
með ráðum og dáð. Og mörg stúlkan komst í nám fyrir atbeina
Halldóru Bjarnadóttur. Hún var svo glögg að gera sér grein fyrir,
hvað í stúlkunum bjó. Ragnheiður O. Björnsson kom í vikutíma á
hverjum vetri og kenndi vikivaka. Halldóra lét stúlkurnar gera
kembuteppi eins og tíðkaðist í Kanada og gefa Ragnheiði. Þau
voru eins hlý og dúnteppi.
Að mínu mati var Halldóra Bjarnadóttir slík afburðamann-
eskja að allri gerð, að hennar líkar fæðast varla nema með margra
alda millibili.“
„Öllum viðmælendum ber saman um,1 að Halldóra Bjarnadóttir
hafi verið mjög glæsileg í sjón, há, grönn, teinrétt og fyrirmannleg
í fasi, ljóshærð, bláeyg og norræn í útliti. „Það var viss elegans yfir
henni“ segir Ragnheiður O. Björnsson, „en hún virkaði svolítið
svona eins og köld „lady“, en hún breyttist mikið með árunum---------
þá var þetta allt önnur Halldóra, svo ljúf og blíð“.----.
„Allt hennar starf var þrautskipulagt, hvaðeina hafði sinn tíma,“
segir 16 ára stúlka, sem var hjá henni á Mólandi í Glerárþorpi.
„Hún átti sína skjólstæðinga þar, þá sem voru einmana og
heilsulitlir. Oft var gestkvæmt hjá Halldóru á Mólandi, innlendir
og erlendir, mjög mikið af Vestur-íslendingum.“
„Sigríður nrín!
Þú heldur fund á fimmtudagskvöldið. Þið hafið kafli, og viltu
biðja konurnar að halda á með sér því, sem þær eru að gera í sæti
sínu. Eg ætla svo að gista hjá þér góða.“ Þetta er fyrirskipun
Halldóru Bjarnadóttur til móður minnar Sigríðar Guðnadóttur,
sem þá var formaður Kvenfélagsins Einingar á Skagaströnd.
Móðir mín var með stórt heimili. Halldóra hefur verið 83 ára, þá
orðin vistkona á ellideild Héraðshælis Austur-Húnvetninga, en
þar var hún fram yfir 100 ára afmælið, síðan á sjúkradeild, alls 25
ár á Héraðshæli Austur-Húnvetninga. Mér fannst Halldóra frek
og stjórnsöm. Það fannst reyndar fleirum. Eg hef verið 26 ára,
þegar þetta var! Eg átti síðan eftir að vinna á sjúkrahúsinu, og sýn
1 Jenny Karlsdóttir og Þórdís Ingvadóttir: Halldóra Bjarnadóttir og störf hennar að
skólamálum. Óársett ritgerð til réttindanáms í Kennaraháskóla íslands.