Árbók Landsbókasafns Íslands - Nýr flokkur - 01.01.1990, Blaðsíða 68

68
ÚR BRÉFUM
því lítið um tóskapinn hjá mér ennþá. Þó var ég aðeins byrjuð að
spinna og prjóna.
Við létum setja hér upp vindrafstöð í haust 32 volt og það er nú
meiri munurinn í þessu stóra húsi að hafa alls staðar blessuð ljósin.
Maður veit ekki af skammdeginu. Mamma sagði fyrstu dagana, að
sér fyndist alltaf jól.
Þín einlæg
Sigurlína Björnsdóttir
Hurðarbaki (Villingaholtshr., Arn. — Flóa), 15. maí 1944
Bréf frá Þuríði Árnadóttur
Mig langar að segja þér ofurlítið frá ljósunum mínum, blessuð-
um, fyrir jólin í vetur var sett hér upp 12 volta vindrafstöð, sem lýsir
upp íbúðarhúsið og fjós og hlöðu og hleður útvarpsgeimi, stöðin
kostaði eitthvað yfir 2000 krónur uppsett með um 20 ljósastæðum.
Ég get ekki lýst þeirri ánægju, sem þessi blessuð birta veitir manni.
Þeim fjölgar svo ört þessum vindrafstöðvum, að hér í sveit eru þær
komnar á annaðhvert heimili og allir verða svo glaðir og ánægðir
yfir þeim miklu umskiptum eftir olíutýrurnar.
Þú átt þakkir fyrir þessi blessuð ljós eins og fyrir svo margt gott
okkur konum auðsýnt, Halldóra mín. Ég man ekki betur en að ég
sæi þessum vindrafstöðvum fyrst lýst í Hlín þinni, eftir að þú
ferðaðist um utanlands. Ég man, að ég veitti þessu athygli og
óskaði, að ég fengi samsorta birtu, fyrst ekki var um annað
rafmagn að ræða. Og nú er ósk mín uppfyllt og vindljós í hverju
horni.
Stödd á Þuríðarstöðum, 9. nóvember 1946
Bréf frá Margréti Sigfúsdóttur kennara
Sæl og blessuð kæra vinkona!
Ástarþakkir fyrir Hlín og góða bréfið, er henni fylgdi. Ég sendi
til Sigríðar á Egilsstöðum unt leið og þetta bréf borgun fvrir allar
Hlínarnar, er ég fékk, þó eitt eintakið sé enn óselt, og mér þykir
verulega vænt um, að liún kostar 3 kr. Það var minnkun fyrir
okkur íslenskar konur að borga svo htið, sem við höfum gert að
undanförnu, hið óeigingjarna starf þitt við þetta vinsæla rit, sem
undantekningarlaust öllum þykir vænt um. Ég sendi Hlín 2 stökur