Árbók Landsbókasafns Íslands - Nýr flokkur - 01.01.1990, Page 59

TIL HALLDÓRU BJARNADÓTTUR
59
Kveð ég yður svo með bestu óskum til yðar og vona og óska að
heimilisiðnaðurinn mætti lengi eiga því láni að fagna að njóta yðar
ágætu starfa.
Yðar einlæg
Ingibjörg Finnsdóttir,
frá Kjörseyri.
Mér þótti mjög vænt um að fá prjónana og upplýsingar um
prjónaskapinn á leistunum o.fl. Eins þykir mér mjög vænt urn
möppuna með uppdráttunum.
I.F.
Flatey á Skjálfanda S.-Þing., 12. mars 1939
Bréf frá Jóhannesi Bjarnasyni
Fr. Halldóra Bjarnadóttir!
Þú baðst mig skrifa þér fréttir héðan úr sveit urn félagsskap
kvenna og heimilisiðnað, en því miður er lítið af slíku að segja.
Kvenfélag er ekki til í sveitinni, vantar þar víst aðallega duglega
forgöngukonu. Heimilisiðnaður er lítill, þó er til ein spunavél á
Flateyjardal og nokkrar prjónavélar hér í eynni, einn vefstóll er til
á eynni og annar á Dalnum, en báðir mjög lítið brúkaðir. Unga
folkið leitar burt á vetrum í meira fjölmenni í skóla, og stúlkur í
vetrarvistir, svo að konurnar eru oft einar og karlar við ýmsan
veiðiskap og að útbúa veiðarfæri, og er það þeirra aðalheimilisiðn-
aður að ríða net og setja upp lóðir.
Þú sendir mér sömu eintakatölu af Hlín, þó að hún hækki í
verði, mér hefir verið óskiljanlegt, að hægt skuli hafa verið að selja
hana jafn ódýrt.
Kær kveðja,
Jóhannes Bjarnason
(kennari)